كيف نكون في معيه الله دائما؟

سبانيش حبيبتى ياريت توضحى مش فاهمه تقصدى ايه بالظبط

اهلا كلبيزو
ميرسي علي ردك
قصدي يا حبيبتي اني اكون في اي موقف امر بيه او بمعني اشمل في كل وقت من اوقات اليوم اربط قلبي بالله و اربط بين الموقف و بين علاقتي بربنا
يعني و انا باتكلم مع اولادي ابقي دايما حاضره الذهن اني حتي و انا بالعب معاهم اذكرهم و احببهم في الله
و انا باشتغل نفس الكلام و انا باطبخ حتي
يعني استحضر ربنا سبحانه و تعالي في تفكيري في اي موقف حتي لو كان موقف من الحياه اليوميه
جزاكي الله خيرا

كلامك صح يا سبانش طبعا الواحد بيرتاح نفسيا لما بيذكر الله فى كل الاوقات
الا بذكر الله تطمئن القلوب

السلام عليكم ورحمة الله وبركاته
حبيبتى رانيا جزاك الله خيرا على موضوعك الجميل وده مش جديد عليكى ربنا يكرمك
بالنسبة لى التواجد الدائم فى معية الله هو صمام الامان للحياة
لما بتحصل اى حاجة وحشة او بمر بازمات والشيطان بيقعد يوسوسلى بافكار بشعة ويضيق على حياتى
بحاول احاربه واقعد اكرر لنفسى-- ان الله لن يضيعنا -- و ( الا بذكر الله تطمئن القلوب )
حيث انه فعلا المهرب والملجأ الوحيد لنا فى حياتنا المتعبة

يا رب اغشى علينا هدوءا وسكينة من عندك تملأ قلوبنا

رانيا انا فاهمة سؤالك بس مش عارفة الإجابة
يعني مثلا وانا بطبخ او بعمل اي حاجة اكون بسبح او باذكر الله لا بيتهيألي الموضوع اكبر من كدة بكتير يمكن اننا نحاول ندور على حكمة ربنا في كل موقف بيمر بينا ولا اننا يكون قلبنا مليان خشوع ونبص دايما للخير في اي موقف بنمر بيه ونتصرف تصرفات المسلمين الصح اوي اللي مش اي حد يئدر عليها
مش عارفه اعبر لك عن اللي جوايه اوي بس يا رب تكوني فهماني