لاتخلي لذة الآكل الوقتية تتغلب على فرحتك فوق الميزان !!

السلام عليكم جميلات كيفكم اخباركم ...
بموضوعي هذا حبيت اتكلم معاكم عن تجاربي وتشاركوني تجاربكم ونفيد بعض كلنا ونكون مع بعض وننجح فالوصول لهدفنا ..
بالبداية بنات اكيد كلنا جربنا نسوي دايت وما انكر في البعض المستمر والي عرف الطريق الصح ونزل وزنه بطريقة صح : )
بشاركم مشكلتي من اول ماسويت دايت بحياتي 0_0 ..
بالبداية بدا وزني يزداد تقريبا من مرحلة الثانوية وكنت كل يوم اقول ابي اروح نادي ابي اروح نادي واهلي كانو يرفضو لانه لسى صغيرة وعندي مدرسة وهيك يعني ..
المهم وتخرجت من الثانوية وحمد لله وقلت يلا ابي اروح النادي !!
خطوتي الاولى قبل حوالي 6 سنوات ..
تسجيلي بالنادي بدون تفهم اي شيء فقط نادي ويلا ابي انحف بدون اتباع طريقة صحيحه في الاكل او بالوقت والرياضه وغيرها ..
كان مفهومي حرمان ورياضه ودايت والتزام ..
وكنت احاول احاول وكل رغبتي كانت ابي اشوف التغير بشكل جسمي !!
المشكله بنات مو هنا المشكلة ماكنت اتااابع وزني اول ب اول !!
وهنا ابتدات مشكلتي ماكنت حاطه لنفسي هدف ماكنت راسمه خطتي صح ..
كنت ابي اشوف جسمي رشيق فقط وبدون قواعد !!!
الزبده بنات مرت السنين وانا على نفس هذا الحال ماكنت اتابع ورا نفسي اول ب اول في الميزان وفي القياسات لانه هالشيء اكيد له دور !!
وكل فتره كنت اروح الجيم واسوي دايت واستمر حوالي شهر شهرين واقطع فتره عزيمتي كانت ضعيفه جدااا !!
ليش ؟؟ لانه مافي هدف من الاساس مافي خطه ابي اوصل لها فقط الفكره كانت ابي اصير رشيقه . طيب على اي اساس على اي خطه ؟؟ ..
كنت احاول واحاول بطريقة غلط ..
بس دي السنه بنات ولله الحمد قاعده امشي على خطه معينه وعلى اهداف معينه حطيتها لنفسي ..
واحاول بكل الا اقدر عليه استمر وسجلت عند دكتور تغدية ( متابعتي مع الدكتور قوة عزيمتي اكثر وفهمت اكثر انا شنو اغلاطي وشنو الصح المفروض اسويه والطريقة الصح في الاكل

لي مع الدكتور حاليا حوالي 6 شهور قطعت فتره بسبب الكورونا وللاسف قطعت الرياضه وخربطت شويه بس كويس وزني مازاد ..
كان وزني في بدايتي معاه 100 ك .. وحاليا نازله 10 كيلو يعني وزني 90 كيلو ...
مابي عزيمتي تضعف ومابي ارجع تعبي كله ابي اوصل لهدفي والوزن المثالي ابي اكون رشيقه وما اطالع في الرشيقات واتحسر واكون واثقه بنفسي وبشكلي ..
قررت لجل ما افشل وانجح احدد اهداف لي كل فتره واوصل لها لجل عزيمتي تقوى كل يوم والثاني اكثر ..
هدفي الاخير 60 كيلو .. يعني محتاجه انزل حاليا 30 كيلو ..
وزني الان 90 كيلو وهدفي الاول اوصل 85 كيلو
وكل مره اوصل لهدفي بحدد لنفسي هدف ثاني وثالث لين اوصل لهدفي الاخير !!!!
حبيت اشاركم تجربتي لجل نتعلم من بعض اخطائنا وتجاربنا ونساعد بعض
علموني تجاربكم واخطائكم واهدافكم ونجاحتكم

الفشل هو الخطوة الأولى نحو النجاح وليس نهاية الطريق،