اهلا فيكي اختي rover75 سبحان الله طولك نفس طولي ووزنك نفس وزني بس اكيد شكل الجسم يختلف انا مثلا اطرافي نحيفه ووجهي مره نحيف يعني اللي يشوف وجهي ما يقول وزني 57 وغيركذا الافخاذ مليانه وعندي كريشة صغنونه من الولاده مع اني اعمل رياضه على اوربت تراك دايما وامشي من وقت لوقت بس لسه بارزه :09: بس وزني ما ينزل بسهوله نفسي ارجع وزني القديم قبل اخر ولاده كان 52 اهلا اختي لينا شكرا لكي على النصيحه بس انا اشرب شاهي اخضر مره في اليوم والعب رياضه باستمرار واحيانا اكسل وحا ابدا اعمل انشاء الله تخفيف في الاكل بس بدون مايضر اخواتي طفرانوه وانا قمر وزيزفون وام خالد الله يحيييكم ومنورين نظامكم تقريبا نفس نظامي 1-تخفيف الاكل 2- شرب شاهي اخضر بعد كل الوجبات 3- الالتزام بالرياضه 4-الاكثار من الفواكه والخضار يعني لما اجوع اكل خياره اوتفاحه بدل ما اكل حلى 5-اشرب كل المشروبات بدون سكر او سكر خفيف 6- بطلت المشروبات الغازيه وتوجهت للعصيرات الطبيعيه 7-اتعشى الاكل اللي ابغاه بس يكون العشاء بدري وطول الليل اشرب سوائل مفيده يعني حلبه بالنعناع (وصفه اخذتها من المنتدى) وفوايدها روعه بالذات للمتزوجات وكذلك يانسون او عصير طازج 8- لمل اصحى الصبح على الريق اخذ ملعقه دبس تمر على فنجان ماء او ملعقة عسل اصلي بالتناوب عشان مايتاثر وجهي وينحف زياده (كمان وصفه اخذتها من المنتدى نتائجها مره روعه) 9-شفت ريجيمات في المنتدى ان شاء الله ابدى فيها بس ما اطبقها بحذافيرها يعني اغير من عندي زي ريجيم فصيلة الدم وريجيم السعرا ت وان شاء الله نوصل للهدف قبل ما يجي العيد ويكون لبس العيد علينا احلى واحلى واتمنى تقولولو عن التطورات الي تصير معاكم وتكون تطورات ايجابيه تحياتي لكم

يالا و انا معاكم
بس انا مشاركه بالمسابقه الصيفيه مع البنات
ليش لا تشاركوا من وزن 69 و اقل؟
ترى كثيرر في بنات بدهمي ضعفوا بس 5 او 6 كيلو

مرحبا يابنات
وشكرا ليكي ياحنان المدينه على طرح للموضوع الحلو والله انك جبتي اللي افكر فيه ابغى انحف 3-4 كيلو وكلها من تحت انا جسمي من فوق تمام بس من تحت معقدني يعني مشكلتي في البطن والجوانب والجوانب هاذي احط تحتها مية خط عقدتني اذا جيت البس بنطلون لازم تطلع ويصير شكل جسمي مو حلو مين عندها حل للجوانب
ساعدونا خلونا نستفيد
انا طولي 167ووزني 60
وقاعده امشي حاليا بس مشكلتي الكسل

طيب انا طولي 165 ووزني 64 ونفسي اصير 60 الزياده عندي في الصدروشوية كروشه والجوانب مررره مليانه (المنطقه الموجوده بين الخصر والارداف من الخلف )غير كذا متناسق جسمي سيقاني وفخوذي وكتوفي وزنودي مررررررررررره متناسقه لكن المشكله كل ابوها في الجوااااااااااااااانب

حنان ايش هي فايدة الحلبه بالنعناع للمتزوجات نورينا
مربى بالعسل تقريبا نفس مشكلتي بس انا صدري كبير شوي ادخلي يامربى على رجيم نوع الجسم تحصلينه مع المواضيع المثبته وشوفي انا طلع درقي والجسم هذا يجمع الدهون حول الخصر يعني كروشه وجوانب