اختى نفنوف انا كمان مدرسة انجليزي والدرس هذا لصف ثالث متوسط واصلا هذا الدرس ثقيل دم round and round
نقد الموجهه سخيف انا لو مكانك كان قلت لها اذا اردت ان تطاع فامر بالمستطاع
اللى يقهر بالموجهات انه كل وحده مسويه لها طريقه ولما تروح وتجى اللى بعدها( لا لا لا الله يعافيكم انا ابغى كذا)
وانتى يالمدرسه نفذى وبس يعنى المفروض على الاقل النقاط الاساسيه تكون موحده ماهو كل وحده
على كيفها.
انا عن نفسى ماهتم للموجهه وياكثر مايكون عندى حصه اولى واقول للمساعده لو جت عمتنا خلها تطلعلى فوق
نور السعيد موقف زميلتك سخيف نحن نحارب الاعجاب وزميلتك هذى مسويه ........ الله يهديهم بس

بصراحة ردود تشرح الصدر لكن مو غريبة على مربيات الأجيال ان تكون هذه اراءهم وهذا

طرحهم بس من خلال عملي في كذا مدرسة وكذا مدينة لاحظت ان حضور المشرفة يشكل

هاجس لدى الاغلبية من المعلمات وان كان يختلف من معلمة لأخرى فالمعلمات القديمات أقل

اهتماما لهذا الموضوع من غيرهن وأبغى رأيكن في معلمات مدرسة يكلفن احداهن خاصة

اللي ما عندها حصة اولى بمراقبة حضور المشرفة لتبلغهن بأسرع وقت ترى لو كنت معهن

الن يؤثر هذا الجو عليك ويجعلك قلقة باستمرار هذه نقطة

وهناك سؤال مهم ارجو الاجابة عليه من قبل الاخوات سائرة الى المعالي , نفنوف , بسومي , أثير

اذا كنت تعملين بضمير حي طوال السنة من دخول الحصص وعدم الغياب وتنفيذ الأنشطة

اللامنهجية يعني باختصار معطية كل اللي عندك ثم تتفاجئين بأن المشرفة ما أنصفتك واعجبها

شغل زميلتك اللي طول السنة تلعب وأعطتها تقدير أعلى من تقديرك ما هو شعورك في تلك

اللحظة؟؟؟

معزومة شكلك طالبة ذكية ولا ما كنت لاحظتي هالملاحظة بس دخولك هالموضوع يعني انك

على الطريق لتصبحي معلمة مبروك مقدما .
:D :D

:32: :32: :32:

مشكووووورة على هالمدحة ياأخت ليمارا :26:

و بصراحة موضوعك مرررره عاجبني ولو ماعجبني ماكان رديت عليكي ...

وعلى فكرة أنا قريباتي أغلبهن كانن مدرسات بس هالحين صارن وكيلات:23:

و كنت دايم أسمع سوالفهن عن الموجهات والمشاكل اللي تصير بسببهن...

و من تقديم وتأخير في الحصص عشان الموجهه..

وأتذكر في أبلات يغيرن موعد حصتهن عشان الموجهه ودايم يأخرن الحصه ...

أو أنهن يخترن الفصل الأفضل لشرح درس بحضور موجهه

و أحس أن هذا الشي يعتبر نوع من أنواع الغش.

وثاني مره مشكورة ياأخت ليمارا ;)

المواقف مع الموجهات كثيرة بس هذا الموقف جلسنا نتكلم فيه شهرين

لنا زميلة مشهورة بمواقفهاا مع الكل بس ما توقعنا توصل للموجهة

المهم كانت الموجهة اجنبية غير سعودية (زمان السالفة مغبرة ) وكانت المعلمة غير مستعدة لها بالمرة اش سوت الأخت اتصلت بدون محد يدري على واحد من اخوانها وخلته يتصل بالمدرسة ويبلغهم انه سواق الباص حق الروضة سوى حادث ويبى فلانه من المعلمات( طبعا بنت الموجهة في نفس الباص رايحه جايه) والمديرة مسكينة صرخت وعلمت الموجهة ماتدري ان بنتها بنفس الباص وتخيلو اللي حصل لحظتها من رعب وهيصة والموجهة لبست عبايتها ومع الباب وما درينا غير بعد شهور ان زميلتنا مشتركة في الجريمة بس الله ستر عليها ولا كانت راحت فيها .مسيكينه الموجهة جاها شي .

انا كنت في بداياتي ارتبك من الموجهه وعشان اخفي ارتباكي عنها اول مايخلص درسي اتوجه لها بالكلام واقول ايوه يا استاذه فلانه جا دورك اذا تحبي تضيفي معومه او اي شي يفيد تفضلي طبعا مستحيل ترفض عشان هيبتها والورطه اذا كانت مو فاهمه الدرس او كانت سرحانه المهم بعدها صارت ما تدقق علي بكل صغيرة وكبيرة تبى الفكة واخيرا الله يعافيهن على حسن توجيهنا في بدايتنا مع التدريس