انا بعد معلمة انجليزي واذكر حدثت لنا حادثه غريبه من مشرفة المادة انا ومعلمتين الماده معي المهم حضرت لي درس وحضرت لزميلتي وبقيت خويتنا الثالثه جت بتحضر لها ورفضت قالت لها انا تعبانه وهي صدق تعبانه ( التهاب بالمفاصل)اللة يشفيها المشرفه عندت تدخل لها والمعلمه رفضت وعندت بعد.تدرون ويش صار يا بنات؟ اكيد ما بيخطر على بالكم اللي صار.المشرفه صارت تداوم عندنا ثلاثه ايام متواصله تحضر معنا من الصباح بدري علشان تغثنا وعلى الساعه 11 تخرج وظلينا على ها الحاله لحد ما صار عندنا حظورها شي طبيعي باليوم الرابع يابنات انتظرناها بفارغ الصبر خلاص صارت خويتنا واشتقنا لها بذمتكم مو شي غريب والله ياذي الحادثه كل ما اتذكرها اضحك وازعل بنفس الوقت لانها حطت ببال المديره اننا مهملات اوان علينا ملاحظات هي ما قالت بس كنا نشوف هاذا الاحساس بعيون مديرتنا.

السلام عليكم ....
كيف الحال انشاء الله مبسوطين
يمكن أكثر موقف لا زلت حتى الان أذكره هو أن الموجهه زارتنا في يوم كنت وقتها نفسيتي تعبانة بسبب وفاة قريبه عزيزة
رحمها الله رحمة واسعه
وجيت للمدرسة لاني وعدت الطالبات بمراجعه قبل امتحان المادة ، يعني ما حضرت درس على أساس اني أعطيهم المراجعه
واستأذن للخروج من المدرسة ، لكن فجأة جت الموجهه قبل لا تبدا الحصه ب10 دقائق تقريبا
تبي تحضر وأصرت انها تحضر لي بدرس حاولت اشرح لها ظروفي ....لكن للأسف راسها يابس
وبعشر دقايق حضرت الدرس ودخلت علي وأنا حالتي ما يعلم بها الا الله ونقدتني نقد الله لا يوريكم ..
أنا بصراحة ما همني نقدها ،،، لكن معقولة انسانه بهذي القسوه >>>
ما أقول الا الله يسامحها

موضوعك حبيبتي بالمرة رائع00
انا كنت في السابق معلمة في مدرسة خاصة وكان فيه اجتماع في الإشراف خاص بمعلمات الدين رحت بعد الإجتماع اعترضوا بعض معلمات الحكومة على طريقة التقويم في القرآن بسبب كثرة الطالبات فقالت هذى الموجهة احمدى ربك انك مانتي في مدرسة أهلية كم طالبة بس على ايش الشغل00
قالت المعلمة معليش المهم انهم عددهم قليل00
تدروون كيف ردت هذى المشرفة؟؟














ترضين براتب 1500 ريال بس؟؟(وتقولها بنص عين والله ياأخوات)

تخيلو ونص الحضور من معلمات مدارس خاصة صارت نفسياتهم زي الزفت00
الله يهداها شدخل الراتب بالإجتماع الحين00
رجعت البيت وانا زهقانه00المفروض ترفع المعنويات مش تحطمها00
لكن ربي كريم بعدها تعينت بالحكومة ومن علي بفضلة00

اقوللللللللللللللل ,,,,,,,,,حسبي الله ونعم الوكيل على الظا لم غنادير,,,,,,,,لسه انتي ماشفتي شي حتى مكتب الاشراف نفس الاسلوب بعضهم وقلت بعضهم والمشكله اذا كانت سكرتيره ولا وحده في وجه ذا المراجعات
تخيلي ترى انا طبعي مانسى عشان كذا عندي سجل اسود للبعض وسجل ابيض للبعض النادر تخيلي مره كنت جايه من مراجعة مستشفى بدري فاتصلت على المكتب اسال عن معامله لي بدل ماتجاوبني قد السؤال قامت تقولي انت مو موظفه ...... ليش ها الوقت بالبيت وين الدوام يعني ذا المسكينه مانست حب التسلط حتى يوم بعدوها عن المدارسسسسسس

أخواتي :
اشكركم جميعا على هذا الموضوع وعلى تواصلكم الرائع حقا فيه شيئ من الطرافة والدعابة والفائدة
لكن اريد أن أطرح شيئ في نفسي واتمنى من الجميع التفاعل
سؤال ؟ لماذا المشرفة بعد أن كانت معلمة يوما ما تصبح وجها مفترس ( مع احترامي لبعض الموجهات )
كثير من المعلمات ذات قدرة وكفائة واخلاص وتفاني ولكن امام المشرفه لاشئ انا هنا لا أجعل المعلمة تراقب المشرفة لكن النفس تتأثر ؟؟
أمر آخر وهو أن بعض المعلمات امتزوجات تمر احيانا بظروف الحمل خاصة الأشهر الأخيرة وتلاقي المشرفة متسلطة أما انها ما جربت أو انها نسيت
كلمة أخيرة أعاهد الله ان كنت يوما مشرفة أن اعامل المعلمات كأخوات ( مثل تعامل المشرفين الرجال مع بعضهم )
والله يجزاكم بالخير.ز