مشكورة اختي على الريجيم
المشكلة مثل ما تقولين حايشني احباط هالكم اسبوع مو هالكم يوم والله مادري شفيني كل ما اقول ببدا بكره آكل اللي بنحرم منه ويجي بكره ولا ابدا او ابدا لحد الظهر واخرب والله الارادة صايرة صفر مع اني قبل لما اقول اسوي مادري شنو صار لي تعبت من الريجيمات واللي معقدني زيادة اشوف هاللي اجسامهم ما تتغير واكلهم كله حلو وكاكاو ووجبات سريعة واموت قهر استغفر الله العظيم والله تعبت سامحيني اختي قلبت موضوعك مناحة بس من قهري على نفسي والله مو قادرة ابتدي شي ولا اخربه :( :(

شجون .. اخذي راحتج و فضفضي ترا الحال واحد و بصراحه كثير لما يقرون كلامج يحسون بمثل احساسك و يعانون نفس المشكله

المشكله الاولى اهي البدايه .. اشلون و متى نبدي
المشكله الثانيه الاستمرار ... اشلون نخلي ارادتنا قويه و نكمل
و الشاطره اللي تتغلب على هالمشكلتين .. اكييييييييييد ماراح تتخطى المشكله الثالثه
المشكله الثالثه المحافظه عالوزن اللي نزل

الله يكون بالعون

اذا شبعت اقول لازم اسوي ريجيم .. و اذا جعت انسى امي و ابوي و اكل الموجود ( ما اتشرط )

ترا انا شكلي يبيلي مصحه يسوولي ريجيم و يدارون نفسيتي اثناء الريجيم
حسافه اني ماستغليت عطلة الصيف بمصحه برا الكويت :(

تصدقين حبيبتي معاج حق احنا يبي لنا مزرعة مثل اللي ببرنامج The Biggest Loser ما ورانا غير النوم والرياضة والرجيم ومدربين على راسنا يشوفون وش نبي ووش ما نبي
كل ما يجيبون دعاية انهم راح يسوون برنامج مثله نسخة عربية نفسي تحدني اشترك بس ما يصير نطلع على الشاشة واحنا نراكض جدام الناس :) :)
الله يعين
مشكورة حبيبتي على فشة الخلق :) :)

أفاااااااااااااااااااااااااااااااااا يالكيكة

الله يهديج ليش جذي

كلنا نمر بحالات الضعف هاذي بس لين متى بنتم نستسلم؟؟

والله اني الإسبوعين إللي طافوا مريت بنفس حالتج

وانهديت على الأكل بشكل مو طبيعي

بس من اول امس عزمت اني امسك عمري شوي

وإللي شجعني اكثر يوم شفت دعوتج

بس ماهقيتج بتخربين بهالسرعه

امس و اول امس مسكت عمري قد مااقدر

وكانت المغريات جدامي فضيييييييييعه

بسم الله عليج الوالده بالمستشفى

والناس داخله وطالعه علينا بالكاكاو والفطاير والحلو اشكال والوان

آآآآآآآآآآآآآآآآآآآآآآآآآآآآه

اشوف المغرياااااااااات وبطني يطع اصوات

قلت لا ولن وقررت اني اسوي هالرجيم لمدة اسبوع وطبعاً سابع يوم راح اخلي وجبه الغدا او العشا فري

وبستمر على رجيمات طالب الثانية لين اكمل 4 اسابيع على نفس طريقة الإسبوع الأول يعني وجبه باليوم السابع فري

وعقب يصير خير بالشهر إللي عقبه

خلي عنج الدلع و شدي حيلج وابتدي من جديد بالرجيم وانسي موضوع الدوره

ترى الشيطان اعوذ بالله من شره هو إللي يوسوس ويخرب عليج نواياج

وعلى فكره اذا ماتحديتي عمرج وقويتي إرادتج بتمين طول عمرج بإزدياد مستمر

شدي حيلج جدامج 8 اسابيع لين رمضان الله يعوده علينا وعليكم السنه وكل سنه بالخير

خلي خطتج اسبوعيه يعني فكري بكل إسبوع بروحه

فكري تسوين رجيم طالب هذا اسبوع والتزمي فيه اسبوع كامل

واليوم الثامن خففي فيه يعني اكلي اكلج العادي بس بحدود

واليوم التاسع ابتدي بالرجيم الثاني وعقب اخذي يوم فري

واستمري على هالحال

كيلواتنا يبيلها مده طويله مو بين يوم وليله راح نتخلص منها

شقلتي؟؟


وعلى فكره اليومين إللي طافوا عدوا على خير ونزلت خلالهم 1.9 كيلو

شراااااااايج عساني عجبتج؟؟

shujoon

هلا فيج ياعيوني واكرر لج نفس إللي قلته للكيكه

وصدقيني لو ودونا غابة وخلونا فيها عشان نضعف

صدقيني الحيوانات هي إللي راح تخاف منا من كثر ما بتشوفنا يوعانين وندور على بلعه نبلعها

والله بيخافون ناكلهم

هههههههههههههههههههههههههههه

من خبرتي بالرجيمات تأكدت ان لولا ارادة و عزيمة الشخص إللي يعاني من الوزن الزائد

لو يبتيلج 10 مراقبين عليج ماراح يقدرون انهم يضعفونج دام ارادتج وعزيمتج مختفيين

خلكم اقوى من جذي وخصصولكم وجبه بالإسبوع او يوم بعد كل اسبوع فري

و إللي انبنى بسنين مابيروح بين يوم وليله

ومانقدر نحرم عمرنا مره وحده من كل ملذات الأكل

عايشين سنين على نمط معين من الأكل وبين يوم وليله نغيره مره وحده

مايصير لازم نغيره بالتدريج

وإلا شرااااااااااااايج؟؟؟؟؟؟؟؟؟؟؟