لعيناتشن يابنات حوا...قصة جديدة...

نشوة كبيرة تجيني لما اشوف ابتسامتهم هالمساكين ..


نشوة وربي ماتعادلها نشوة الطلعات والروحات والجيات ....والفرفشة والوناسة كلها...

نشوة ولذة ماتزول...والاقيات كلهن يزولهن...كل أبوهن يزولن وربي...


نشوة انك تحسين انك اسعدتي انسان...


وقمتي بعمل يقرب الى الله...,لعل الله يتقبله...


طبعا يااخوات المفروض تنتبهين لو تبي تساعدين هالمساكين احيانا يكونون مدمنين مخدرات وممكن يطلبون الفلوس عشان يشترون كحول...


فانتي ان شفتي الواحد منهم يترنح او على وجهه بقايا مخدرات (لأن كثير منهم تائبين عن المخدرات بس مالقوا شغل ومازال المجتمع رافضهم )..فلاتعطينه مبلغ كبير ممكن يجيب له قارورة او شي...


وتقدرين على قولت زميلتي هيلين تساعدينه بمساعدة عينية تكونين توك طالعة من السوبر ماركت وتعطينه اكل اغلبهم المساكين يابسة افواههم من الجوع ....


بعضهم يرفض الاكل ويطلب فلوس....هذا اكيد يبي يشتري شي ....:)



الله ينظر لنا جميعا بعين رحمته....ويساعدنا نكون دعاة خير في كل مكان..

المهم...

كان هالشعور ملازمني وانا احتري الباص...خصوصا ان اللي عطيته فرح فرحة عظيمة وقام يتشكر لي بقوة ....


ركبت الباص ومشيت للمسجد ...

الباص يابنات هو اجمل الاوقات عندي....ماتصدقون ليه...

خصوصا لما اركب في الدور الفوقاني...(اغلب الباصات دورين :) )....


والقى لي مقعد فاضي قدام وتقدرين تشوفين الدنيا كلها كنك في ملاهي ...وااااااه...
طبعا لو بقعد اقول لكم عن الباص ماخلصنا...


من مواقف طريفة...من اقلاعات...من ..


بخليلها موضوع مستقل...

بس خلينا في الباص لما اركبه متجهة للمسجد...

عادة الباص مايكون فيه فرصة تحادثين احد او تسوين شي...


فوش افضل طريقة لتزجية الوقت عندك غير الطلطلة في المناظر المكررة؟؟

خلي معاك كتاب ...وبيني وبينك..الكتاب لايمكن تركزين فيه وانتي ترجرجين بالباص...


لكن...انا عني...اشيل مصحفي دايم....هو مصحف جيب...صغير يعني مايشوفه احد لو طلعته..



طبعا مصحفي هذا له تاريخ .....ان شالله لو بموت بوصيهم يدفنونه معي...


اي والله ...جادة وربي...لايمكن اروح مكان او اجي وهو موب معي...

من يوم اني في اول متوسط وهالمصحف معاي..

ياما تقطع ياما لصقته ياما سويت له عمليات ترميم...


اخر اقلاعاتي معه قالي عنه رجلي...قال خيطيه ....
اي والله والحين تشوفينه يابعد قلبي مخيّط...

ماتصدقون اوراقه اش صارت الحين تقل مناديل من البطى....


ومرة تركته في السطح في بيت اهلي ونسيته ....ومطرت عليه!!!



مع ذلك صامد ...



حبي لهالمصحف مايعدله شي....ولذلك ماعدت اطيق اروح مكان وهو موب معي...

ولما اكون فاضية ...افتحه بهدوء لايتقطع ...واقرا بصوت خافت ....

طبعا نادرا مايكون فيه جنبي احد....

بس لما يكون فيه احد مايطالعوني يخافون...


عاد بيني وبينكم ماهمني هالشي...


واحسه انه مظهر حلو...موب كلن يمشي شابكن اذانيه باغنية ...؟؟؟

والا يقرون؟؟؟

طيب انا اش زودي...


ولذلك تعودت وحبيت وقت الباص لأنه فعلا وقت مايروح هدر....ووقت لذيذ لقراءة القرآن الكريم...

وبتدبر بعد..


.........


يوم وصلت كان الوقت متأخر جدا...


والخطيب يمديه قد بدا يخطب الجمعة...


او انه انتصف...سلمت ودخلت....


طبعا صلاة الجمعة هنا لو سلمتي ماحد يرد عليك ....وربما يهاوشونك لو تكلمتي...


لأنهم يطبقون بقوة حديث من مس الحصى فقد لغا...



بقولكم سالفتي انا وزميلتي السعودية اللي شفتها لأول وآخر مرة هكاليوم...


بس خلوها بعد هالفاصل لأن ابونا يبي الحاسب....



:)

الله يسعدك يبدر البدور ويخليلك ألوالده ويطول بعمرها ما أروع ما تكتبين عيشتيني بجو رائع وسرحت بخيالي للحظات عشتيها.. أمتعينا دائما حفظك الله فوالله ان الحزن وهموم الغربه تخنقني و احس الدنيا مثل خرم الأبره أعانني الله واياك ..دمتي غاليتي

تسلمين كملي وحنا معاك


الله يجزاك خير

كملي عزيزتي :)

بدورة لقيتك بالصدفة دايما عيوني تبصبص على الفندق اللي فيه البؤساء والا انت بادية موضوع ثاني فرحتي قلبي ايوه هيك يا بدورة الامورة

يا رب يسعد البؤساء تاعين الفندق ابو 3 نجوم ويشترو حاسوب ثاني بس الجديد لبدورة على شان تستمر بدون ما حد:arb: يزعجها



اللههم تشفي امك يا بدورة وتساعدها زي ما ساعدتني يا الله