om mona :

السلام عليكم ورحمة الله فراشة هادئة حياك بينا ونورتي الملف بتول القدس اهلا فيك بين خواتك همسات هلا فيك حبيبتي صيدلانية نورتينا لهومة شرفتي ملفنا اهلا وسهلا فيكم اخواتنا الجدد ان شاء الله الملف يعجبكم وبتعملو كمان فيه تجديد يعني بتمشو فيه دماء جديده يعني ابتدفعونا للامام واحنا القدما لازم نعطي للجيل الجديد فرصه حتى يورجونا مواهبهم وانا صايره كسوله كثيير شو بدي اساوي من النعس كل يوم من صلات الفجر بصحى وببلش احضر منى ولينا للمدرسه واعملهم ولابوهم سندويشات وبعد ما تروح منى بودي لينا المدرسه طبعا مشي لمدة 15 دقيقه فقط يعني مش بعيده بس رياضه وبرجع بعد صلاة الضحى على الكمبيوتر بفتح سورة البقره وببلش اتصفح بس هالايام ماخذيتني منتديات الطبخ كثير مش عارفه ليش كل يوم بنسخلي طبختين او ثلاث مع انه عندي كتب طبخ واصله للسقف ومن كل حدب وصوب يعني طبخ عالمي وليش جاييتني هالجنيه مش عارفه بس مفيده بالنسبه للنظافه الاساس عندي النظافه الشخصيه افراد العيله بغيرو يوميا مرات اكثر من مره الملابس الداخليه اما الخارجيه هي هي بناتي بوسخن وبصخمن كثير يعني بدهن كل يوم غيار مش ملحقه عليهن الله يحفظهن من كثر ما برسمو وبلونو ولاشياء ثانيه وعندي كل يوم الغساله مليانه وسلة الغسيل الي بدو تصفيط مليانه وسلة الغسيل الي بدو غسيل مليانه وحبل الغسيل مليان يعني منكوبه بالغسيل كارثه بس بشدد تغسيل الايدين بعد التواليت والتحرز من النجاسه وتغسيل او تشطيف بعد الانتهاء من التواليت وتطهير التواليت والحمام يوميا على سيرة التواليت الاسبوع هذاك اخذنا البنات على مهرجان صغير بالبلد فيه مثل العاب للصغار قامت منى حشرت قلت شو بدي اعمل ما بقدر اخليها تعملها ورا شجره مثل زمان البنت كبرت فدورت لقيت في حمامات الواحد بحط فيها فلوس فبتفتح يعني نص ايرو فحطيت نص ايرو ودخلتها على تواليت نساء ووقفتلها على الباب قمت شفت التواليت الي بحدنا للرجال كلهم بفوتو بدون ما ينزلو فلوس قمت عاد والبنت جوا طلعت بدي اجرب بفتح الباب بدون تسقيط فلوس قمت اطلعت وفتحت الباب ما رضي يفتح وبعدين نا ديت على منى افتحيلي الباب قامت الست بل ما تفتحه قفلته وانا قمت نزلت مره ثانيه فلوس كمان ما رضي يفتح وعصيت البنت جوا بيجي ساعتين والرايح والجاي يحاول يساعدنا ويفتحلنا الباب ما كان يفتح تانا اتصلنا بالشرطه وكان يوم الناس معطله والشرطه اجت واتصلو همو كمان بالطوارئ تانهم اجو وفتحو لنا الباب وفرجو عنا كربتنا سولافه طويله مش هيك بس انا من زمان ما قريت خلينا اقول الي ببالي يا خي خلينا اطلع الي عندي مره وحده وكمان نسيت اقولكو انه عنا مشكله بهي البلاد بتلاقي على مد عينك خضار وشجر وجمال وبقول لونا بالاردن هي المروج بتلاقيها مليانه ناس الي بتشمس ولي بتغدا ولي بيصلي ولي بطبطح عليها لكن ياحسره علينا منقعه تنقيع متشربه لعمق عشر امتار حشاكو حشاكو خرا كلاب بس انتي مدي اجريك شوي من طرف الطريق بتغبصي بالوسخ وع وين ما درتي وين ما في خضار الوضع يك مشان هيك لازم الاولاد يشلحو برا قبل يفوتو البيت لانه الا ما يلزق اشي بالاحذيه الاولاد ما بديرو بالهم والله حيانه هالجمال وهالخضار بيكون لمخلفات الكلاب وللي مغتربين وبدهم يروحو ترا انا مروحه اخر شهر سبعه لانه عطلت المدارس ابتبدا باخر سبعه وناويه اشوفكوكمان يا بنات الي ساكنات الاردن عنوده ونونو وما بعرف اذا سمره وزي القمر كمان بالاردن ساكنه:) هاذا طبعا اذا اذا انتو بدكو نلتقي :30:

السلام عليكم ورحمة الله فراشة هادئة حياك بينا ونورتي الملف بتول القدس اهلا فيك بين...