خليني اناقش المواضيع بلكي بفرفش قشعر بدني من السيره والذكرى

لما كنت صغيره امي متل سموره ضلت 4سنين تا جابت وراي كنت البكر وضليت لحالي بنت فمجيان اخوتي ما اثر فيي بالمره ما بتذكر اني كرهت حدى فيهم مثلاغيره لان كان فرق همه ولاد وانا بنت ضليت متل ما انا مدلله وغلبتي كانت عاديه كنا متل ماحكت نونو نكتب عالحيط ونرسم كنت فساده بس واحد من خواني يخرب اروح افسد عنه وفيي عاده التنبيش امي بتقول مابخليلها ضليله يعني مستحيل يخبو عني اشي من فتره لفتره بفتش احتياط بدور عن اشياء مخبيه ومره كنت حاطه الكرسي بدور بالخزانه منفوق طبعا بالكرسي ومش طايله كنت صغيره بابتدائي بدحش بايدي تحت الملابس ولقيت اشي سحبته كان ثقيل وحديدي لما طلت طرفه وشفتو واوقع على طولي من الخوف ومن يومها صرت لما ادور ما امد ايدي صرت اشيل الملابس وارجع اصفطهم خخخخخخخخخ اه اللي كان تحت الملابس مسدس ابوي الله يرحمه


ترى هاي العاه لسه معي دايمن بفتش وترى ما بقول اني دورت وشفت ولقيت لا بس باخد فكره عن اللي قبالي من خلال اسراره
كنت افتش اخواني وامي ولما بروح عالاردن بفتش لاني الي سنه غايبه طبعا همه بعرفو هالعاده ومرات بفوتو وبلاقوني بنص الخزانه شو بتساوي بتفرج خخخخخخ انا بسميها بتفرج طب شو بدك ولشي بتفرج وياويله اللي بعترض
يعني يابنات بشكل عاد عمري ماغلبت امي كنت هاديه ومطيعه وكنت لامي صديقه عزيزه ولازلت بس عيبي بعرفو شو
ماعمري مديت ايدي واشتغلت لامي مثل هالبنات الا تطلب مني وانا صغيره ولما كبرت بس اشتغل السبت ولما اتزوجت كل مره حامل واوقفهم كلهم لخدمتي المي يجبولي اياها بس طبعا كانو اخوتي يساعدوها بدالي وبدون اعتراض مش هبل منهم ولاسيطره مني بس خلص تعودو اني كسوله بحبش شغل الدار

السلام عليكم

صباح الخير

ما كان قصدنا نبكي حد و هو بدنا نحكي عن الطرائف اللي عملناها، بس في موضوع تاني اقترحته سموره عن العناية بالبشرة،،،

الموضوع التاني
انا من زمان بهتم ببشرتي هي مختلطه وامي عندها نفس الاهتمامات وترى كل الخلطات اللي لعمطت حالي بيها بحسها فادتني عالمدى البعيد بشرتي حلوه ومن النوع الريديانت بتلمع

كنا نحط مثلا بيض وليمون وعدس مع حليب وعسل ولبن او لبن لحاله هاد تقريبا كل يوم وشو كمان كانت امي تخلط ممممممم خيار مع حليب وغير البابونج ناخد اللي بالقاع الفتفيت الناعمه وننقعها بمي سخنه ومثلا انام وتسفطها على بشرتي واضل تا ينشف قوام هاد القناع ما بلزق بالبشره فلازم تضلي نايمه وكان صعب الفرد ما بندهن لأ يترتب ترتيب
العنايه بالمنضفات اللي انتو كاتبينها يومي انا اسبوعي وباقي الايام بحط لبن لاني ما بتمكيج مابحط فاونديشن وبودره فما فيه حاجه لتنضيف عميق فمثلا لما بغسل وجهي بغسله بمي بس وبمسحه بلبن رايب وخلص مابغسل اللبن طبعا لانه مسح
اسبوعيا لما كنت بالاردن عند اهلي كان مصروفي متواضع فكنت اجيب لوريال الحليب والتونك اشيل الميك اب بحليب واحط تونيك والاقنعه طبيعيه مصروفي ما بكفي يادوب اجيب الطه ميك اب هاد وانا كليه لما اتوضفت صرت اجيب اقنعه صناعيه ما اتعرفت عالمقشرات لسه بعرفش ليش زميلاتي بالشغل نسوان كبار بس شغل يطبخن وينفخن وصحباتي متلي لما انخطبت صرت اسال وادور فعرفت المقشرات والطقم اكتمل واول مقشر كان اللي بيجينو دعايته برو آكتف سليوشن وكان بجنن طبي وصفى وجهي بزياده وارتحتعليه كثير وضليت اجيب منه
عالزواج زوجي جابلي اجهاز الميك اب والشور وهاي الاشياء من اميركا نقته وحده لبنانيه كانت تشتغل بدلردز (اسم مول) ولمتلي مجموعه ضخمه صلت عندي سنه وكان اغلبها نايتروجينا وهو حلو مش بطال
متل ماحكت سموره جربت كلنك على قد ماهو غالي على قد ما عفسلي الدنيا
واخر اشي الان عندي بستخدمه هو اينيو من ايفون ميتحضر لعمر 25 وفوق منضف وتونيك وكريم
بس بجننو عن جد دمار بستخدمهم اسبوعي وايام اللي بحط فيها فاونديشن
بس بدل هالحكي كله حاطه ببالي كمان جهاز البخار والمقشر اللي بييجي ليفه ومعها كريم كرستالي عدة اسفنجات بس مش راسيه على ماركه معينه شفن منها رفلون وشفت نايتروجينا وفي ممثله بالسوبابرو اسمها سوزان كمان مطلعه واحد فمش عارفه شو اجيب وسلامتكو

طيب بس ارجع بحكيلكم اللي عندي من طرائف و كيف عنايتي ببشرتي،،،
لأني نازله على السوق،،
بتوصوا على شي؟؟

يابتول بتعرفي انا كمان كل مره بنحف وبديش اقولك اني كاني مش مخلفه الناس بتشوفني اه كاني مش مخلفه بس بعد الولاده التنيه جلدي بشوفه مرتخي الي3 شهور والده بعرفش اذا بتحسن مع الايام مثلا اليوم لبست بنطلون كنت البسه زمااااااان وانا وزني 56 هو ما اجا 100% ضيق شوي بس يعني فات فيي
وزني عالميزان 62 بيني وبينكو صار 62 بس بحس يصدري لحاله فيه 2كيلو زياده من الحليب لاني لما فطمت الحزين كششششششش خخخخ اصغر من اول يعني
فعشان هيك بحس شكلي متل 60 كيلو مش 62 لكن وين مرتخي جلدي كثير فرق عن لما كنت بنت
مممممممممممم بعد بنبونه قعدت سنه وانا انزل بوزني تاوصلت 59 وطبعا امتشفت اني حامل بالثالث وغلطتي كانت اني خليت وزني يزيد مره تانيه لازم انتبهت لاكلي وعملت تنضيم مش حش طالعه نازله بهالخبز والرز والطبايخ والحلويات والحجه حامل غلط والله

فبابتوله انا عندي بايك يعني دراجه ثابته بلعب عليها على سرعة 16 مايل بالساعه لمدة ثلث ساعه او ربع وبكمل نص ساعه تمارين معده وصارلي يومين بمشي ساعه زياده على ماذكر
فانا جربت البايك وجربت جهاز المعده بس وطبعا حلو يكون عندك جهاز بالبيت بتضلي محينه حقه وتقولي خلني العب عليه حيانه يضل مركون هيك