لقد اصابتني شراهة غير طبيعية

أختي الغاليه .. أسيرة الأمل ..

أنا فاهمتك وحاسه فيك ياعزيزتي لأني أمر بنفس حالتك من الملل والطفش

من الرجيم .. أحياناً أقول أنا علشان مين أحرم نفسي من الأكل .. وفعلاً

أخرب الرجيم بس صدقيني أن حالتي النفسيه وأنا أسوي الرجيم أحسن من

حالتي إذا خربته لأني أندم على اللي سويته وعلى الأيام اللي صبرت

فيها وأرجع مره ثانيه أنتظم فيه .. وبعد فتره أحس بالملل .. ويوم

منتظمه فيه واليوم الثاني مبطلته ..المهم أني كثرت حكي ماله داعي

وبدل ماأوسع صدرك ضيقته زايده ..

عزيزتي اللي أبي أقوله ان هذا الشي عادي ولازم بتحسين أنك متضايقه

فترة الرجيم .. بس لازم نصبر شنسوي بعد ماقدامناإلا هذا .. بعدين

أنتي أسمك أسيرة الأمل يعني لازم يكون عندك أمل وتفاؤل..

أنا بقولك طريقتي .. أول ماتقومين من النوم .. لازم تاكلين وجبة

الفطور حقت أول يوم رجيم علشان مايكون عندك مجال أن تغيرين رايك ..

بعدين تخيلي نفسك وأنتي لابسه ذاك الفستان اللي ماجا مقاسه عليك

وتمنيتي وأنتي تقيسينه أنك أنحف من كذا ..

وقولي لنفسك كلها أيام وينزل وزني .. وأقدر ألبس اللي يعجبني مو

اللي يعجب جسمي ..

عزيزتي حاولي تنتظمين برجيم مريح مو قاسي علشان ماتملين بسرعه ..

ونصيحتي الشاي الأخضر يسد النفس ..

أتمنالك رجيم مريح .. وسامحيني دوختك بكثر كلامي بس شسوي مكتومه من

هالرجيم وماصدقت أني اتكلم ..

شكرا اخت خزامى على تجاوبك وعدم تطنيشك
انتظر الجميع فلا تتاخروا

مرحبا ياللأسيرة ....... أوعك ولا حتى بالتفكير أن تشتري أي حبوب
حتى شماكانت دعايتها ولا تجربت الناس لها .....
لاتخلي الشره يقضي على حيويتك وجمالك بفقدانه من خلال اكذوبات
الكبسولات أو الحبوب التي تخطف بريق الجمال من عيونك

خليك متينه ومقبوله ..... ولا ضعيفه منسل حالك وطايح شعرك ومنتفه
رموشك وجبهتك مافيه قصه عليها وحركاتك هستيريه
والله هذذذذذذذذذذذذا اللي شفته في وحده ماكله الحبوب

صدقيني ياللأسيرة للحديث بقيه
***
سمر كيك
***
قريباً سترتمي بين أحضاني ...المرسل العطله الصيفيه هاهاهاها

شكرا ياسمر كيك على تفاعلك معي
وبعد كلامك رايحة استبعد الحبوب من تفكيري بصراحة خرعتيني منها

اختى اسيرة الامل ...
بأختصار .. اهم شيىء للرشاقة الريييييييييييييييييييياضة .. ليش , لان الاستمرار عليها يخلى الزيادة فى الوزن ماتظهر ..وتلاقى الناس يقولولك والله نازل وزنك وانت يكون العكس .. لأنها تشد الجسم وتقوى العضلات ..وافضل انواع الرياضة المشى عند سور الحوامل ساعة كل يوم.. وبعد اسبوعين حتشوفى النتيجة وتدعيلى ..الله معاكى .