السلام عليكم ورحمة الله وبركاته
طبعا الكل شاف دعاية جهاز كريزي فت Crazy Fit Massage اللي يحطونها على قناة فنون وبالجرايد ويقولون لكم انه يحرق 300 سعره ب 5 دقائق
اتمنى ان محد يصدق هالكلام بتاتا لأنه كذب بكذب
انا راح اشرحلكم ليش هالجهاز وكل اجهزة الهز ماتنفع وهالكلام من متخصص مو اي احد
الجهاز هذا ماراح يحرق هالسعرات لسبب بسيط
السعرات عشان تحرقينها لازم الجسم يبذل مجهود مب من الباب للطاقه تحرقين سعرات
الجهاز هذا ما يخليك تبذلين اي مجهود مجرد انه يهزك وبس
مثلا عندك سيارة مليانه بانزين
تبين تحرقين البانزين لازم تشغلين السيارة وتمشين فيها
اما اذا طفيتي السيارة ووقفتي وراها تدزينها بهالطريقه السيارة تتحرك لكن بدون ماتحرق اي نقطة بانزين
اتمنى يكون شرحي وافي ومفهوم بس عشان لاتنغشون بهالدعايات الكاذبة وتخسرون فلوسكم على الفاضي
وصدقوني لو هالجهاز نتيجته حقيقية كان ماشفتوا احد سمين بالعالم ودكاترة الريجيم والشفط سكروا عياداتهم وقعدوا ببيوتهم
ولا شرايكم؟؟
فالاحسن ان احنا نلجأ للطرق الصحية والمضمونة لإنقاص الوزن مثل الرياضة والريجيم المتوازن والمشي ومافي مانع من عمل مساجات تساعد على تفتيت الدهون وتوزيعها بالجسم اما اركب على جهاز يهززني وانحف ماعتقد شغله واقعية ولاتحل المخ ولا الموضوع بهالسهوله
مع تمنياتي لكم بأجسام رشيقة وصحية يارب
وشوفو وش قال الطبيب عنها لما سأله واحد عن هالجهاز بموقع طبيبي
مرحبا دكتور ابسئلك عن هذا الجهاز جهاز crazy fit الهزاز
وظيفته
يقوم بهز الجسم كله وكل ما زادت السرعة زادت قوة الهزات لتخفيف الوزن
ما راي دكتورنا هل له اضرار هل تنصح بأقتنائه علماً انه انواع
السلام عليكم و رحمة الله و بركاته
1- الجهاز لا يعمل أي شيء للجسم و لا يُحفز العضلات على التقلص, فقط يهز الجسم و يُعطي إحساس كاذب للشخص بأنه يحرق الدهون و ما إلى ذلك من الأكاذيب.
2- الإهتزازات ليست جيدة للمفاصل بل تُسبب الخشونة فيها و تُدمرها.
3- لا يوجد له تأثير لتقوية عضلات القلب و توسعة الرئتين و زيادة كفائتهما في إستخلاص الأوكسجين من الهواء, حتى أنه لا يقوي العضلات كما يدعون.
4- التمارين الطبيعية أفضل, اشتر جهاز مشي أفضل لك, و حتى هذا ليس جيد للركبتين حيث أن المشي الطبيعي هو أفضل شيء.
5- إذهب للنادي أو تمرن يومياً تمرين طبيعي لمدة نصف ساعة 3 مرات أسبوعياً (أقل شيء) تكفي لكي تحافظ على صحتك و لياقتك مع الإلتزام بالتغذية السليمة.
غض النظر عن الجهاز و لا تصير كريزي
دكتور خليل اليوسفي
بنات ارجوكم ارفعوا الموضوع للاهميه عشان ما ينغش احد بهالجهاز