الإكتئاب لازم تتعالجين منه ولا بيزيد عليك
لو تقدرين تسافرين الرياض فيه دكنور نفسي ممتاز
ماشاءالله علاجه يفيد بإذن الله عزوجل
لو ودك ارسلك على الخاص عنوانه واسمه وتلفونه

اسأال الله العظيم أن يبعد عنك الإكتئاب كما باعد بين المشرق والمغرب
وأن يشرح صدرك ويشفيك من كل ما تعانين بحوله وقوته اللهم آمين,,

هلا اختي
انا عانيت قبل شهرين نفس معاناتك هذي واعظم بعد منك
مع اني والده ولاده طبيعيه وهذي خامس ولاده لي
جاني شي مااتمنه لاصديق ولاعدو
صرت هيكل متحرك حطام انسانة اناظر في نفسي المرايه مادري من الشخص اللي قدامي
ابتداء معي ثالث يوم من الولاده جلست ٣ ايام بدون مايغمض لي جفن تخيلي
اقسم لك بالله ان حتى المويه مااقدر اشربها اختنق فيها فمابالك بالاكل اللي قعدت اسبوع مااكله عايشه على المغذيات
نقص وزني ١٥ كيلو خلال اسبوع
بطني كان في بركان من الغازات وكل شوي ادخل الحمام وانتم بكرام اسهااااال
اهملت عيالي ورضيعي ولا كاني معهم بس جسد امهم معهم اما روحي طايره في عالم ثاني
بكاء مستمر وضيقه كان بلكه على صدري
الدينا سوادء مافي شي يفرحني اناظر في الناس اقول هم كيف ينامون كيف يضحكون كاني ماعمري ضحكت او نمت ماابي اجلس في مكاني اطلع في حوش اهلي وبيت اهلي كبيييير مشاء الله تخيلي الف تقربياً ٢٠ لفه تخيلي نفاس وروكي رايحه فيها وخياطه مع ذلك امشي بدون ماحس برجولي وكان ايام عيد الاضحى
تو بادي يدخل البرد تخيلي هواااء بارد تحلقني اختي بالبطانيه اروح اكمل لف بدون شعور زي اللي مضيعه شي تدوره بس مادري وش
جاني هلوسه اشوف حاجات مالها تفسير وزي الناس الطوال عندي في الغرفه
واذ غمضت عيون اشوف بزران صغااااار ينقازون قدامي بدون ملابس
وحريم كذالك يراقصون قدامي
ووجوه تقرب وتبعد عن وجهي
صرت اسمع صوتين صوت نفسي وانا اجاهدها واتعوذ من ابليس وصوت ثاني يرد علي تخيلي
طبعا رحت للطوراي وسبحان الله اصيح بصوتي كله اقول علاجي مو عندكم علاجي عند الله سبحانه طبعا رحت من اول يوم ابتداء فيه ولا كنت ادري وش فيني
المهم صرفو لي منومات ومنعوني من رضاعه ولدي
عاد تخيلي اكلها ولا كاني اكل ماينفع معي ابد
المهم بعد ال٣ايام الاوليه قدرت انام ساعتين بعدها حسيت اني اشوى واني خلصت منه مادريت اني في اول المشوار وماشفت شي
غصبني ابوي اروح دكتور نفسي رحت وشخص حالتي اكتئاب وذهان نفاسي
وصرف لي ٣ اشكال حبوب
عاد يوم يصرف لي العلاج قالي عادي اكلي ورضعي ابنك o_0... اذ ودك بحبه اوحبتين عادي o_0... سبحان الله على قد ماكان فيني من تعب وجنون سبحان الله خلى لي نتفة عقل اوزن فيها كلامه وانقد عليه واعطني روشتة العلاج قال وفي النهايه الا بذكر الله تطمن القلوب >>>قلت في نفسي كان قلتي من الصبح وريحتني
المهم اقسم بالله كلها حبه وحده اللي اكلتها من علاجه وش صار لي تخدر لساني تباطت دقات قلبي زادت ضيقتي
تبلد احساسي لو يجي احد يذبح عيالي قدامي مااهتميت
فوقها جاني الم في المعده واستفراغ منها
يوم خلص مفعولها اقسم بالله قمت اصيح صياح المقهوره ابي ربي يعافيني بدون هذي الادوية
اقسم بالله اني اطلع الثلث الليل الاخير من الليل وابكي بحرقه وانا وموقنه بان الله وحده هو اللي حط البلاء علي وهو قادر على رفعه عني وهو وحده القادر على شفائي
تعبت يوم من الايام ماقدرت انام لمده يوم ونص وامي رحمتني واجبرتني اخذ من الحبوب المنومه والله اني مسكتها في يد وكاس المويه في يد ماابي اكلها بس ابي اناااااام اقسم لك اذن لحظتها الفجر رميتها في الزباله
وطلعت الحوش وكان برررررد سبحان الله اذان الفجر كاني اسمعه اول مره في حياتي
واسجد على بلاط الحوش بااااااااارد ودموعي معبيه الارض تحت وجهي واردد حسبي الله ونعم الوكيل
لااله الاانت سبحانك اني كنت من الظالمين
ربي اني مسني الضر وانت ارحم الراحمين
وادعي وابكي بحررررررررقه وايقان ان الله هو الشافي المعافي
اقسم لك اني رفعة راسي انسانه ثانيه لاني محسنه الظن في الله
وادخل واتعوذ من ابليس واناااااام اصحى من نومي اقول اكيييد امي اعطتني انا مادري في المويه واسالها قالت لا والله مااعطيتك شي وارجع انام كاني ماخذه منوم وهو ماطب فمي
بعدها ابتدت معي نوبات الهلع تخيلي وانا جالسه مافيني شوي احس برجفه بجسمي ونشفان في الريق ودقات قلبي تزيد ونبض في راسي
وكاني خايفه من شي مادري وش هالشي
واقوم اتحرك من مكاني كاني مجنونه مافيه شي يمسكني في الارض
هذا وانا صاحيه واذ نمت واذ دخلني النوم
مااكمل ٥دقايق الا اقوم من النوم مفزوووووعه وبشهقه قويه وطبعا مع باقي الاعراض السابقه واقعد بعدها بساعات الى ان اقدر انام مره ثانيه صرت اخاف من النوم وطاري النوم
بعدها صار يجيني اول مايدخلني النوم زي الرعشه القويه في كل جسمي وبقوووة ينفض جسمي كله واصحى من النوم زي ان الجسم تعبااااان يبي النوم والراحه والدماغ يعطيه اوامر عكسيه بانه يقوم لاينام ولا يرتاح لاني ايام كنت احس دماغي فيه نشاط زايد ونبض قووي
طبعا من غير الوسواس اللي تضخم لي الاشياء السخيفه وتوهمني بحاجات مو موجوده
صار معي ازدواجيه في الرويه الواحد اشوفه اثنين وضعف النظر عندي بعكس السمع صار شديييييد وحساس اسمع الابره لو طاحت من قوة سماعي لان التوتر عالي عندي
صرت اتمنى اني اطهر بسرعه علشان اصلي واعتمر
اللي كنت اسويه
التحصين التحصين التحصين التزمت فيه مع اني كنت مهمله فيه قبل
وقراءة سورة البقرة يوميا
الدعاء في الثلث الاخير من الليل ودعاء الناس لي بعد الله كان سبب من اسباب رفع البلاء عني لان اختي نزلت خبر تعبي في حسابي في الانستقرام وطبعا حسابي من الحسابات الضخمه هناك
وقفو معي اخواتي وقفة اخويه صادقه بدعاء لي يوم عرفه والايام اللي تليها
كنت اقول هذا ابتلاء من الله ليختبرني ويشوف مدى قوة ايماني ولانه يحبني ينبهني لبعض الامور اللي كنت متساهله فيها
وكنت اتروش بخلطة الرومي واتدهن بزيت مقري فيه
واخذ ملعقه عسل مقري فيه على الريق
واشرب ماء مقري فيه باستمرار
وقبل النوم اخذ حليب دافي يساعد على النوم والاسترخاء
وفتامين ستريس بايس مع الزنك لانهم قالو نقص فتامين ب ياثر على الاعصاب
وطبعا الاميغا٣ لانها مضاد طبيعي للاكتئاب
مخالطة الناس الايجابين الباعثين للتفاول في نفسك وابعدي عن المحبطين
ابتسمي حتى في قمة تعبك والم اقسم بالله كنت احس بصدااااع قوي نصفي مقومني من النوم اكلت بنادول مافاد يوم كامل وكان ضايق صدري منه مجرد اجبرت نفسي بالابتسام والله خف ٧٠ بالميه من الالم
والايمان والايقان ان الله سبحان القادر انه هو يرفع عنك البلاء وتوكلي عليه حق توكله
طبعا اللحين خفت الفزات اللي تجيني وقت النوم بس مازال نوم متقطع واحلام مزعجه متكرره ضيقه تجيني قبل المغرب
بس احاول اقضي عليها بالاستغفار و خليت لي ورد يومي لقراة القران بعد صلاة العصر
السبحه ماعاد تطيح من يدي حسيت بلذة الاستغفار والتسبيح والتهليل صرت ماعاد احب اسولف مع احد ودي دايم استغفر واهلل والله لذه ومابعدها لذه
وطبعا تحت مخدتي سبحه اسبح فيها الى ان يدخلني النوم
كان اذ عصلق النوم مره مره اخذت نص حبة بنادول نايت
كنت افتح مقاطع اليوتوب على مجاهدة النفس وحسن الظن بالله ومحاضرة أسباب منسيه وكنت استمع باستمرار لايات السكينه والرقيه الشرعيه للشيخ سعود الفايز باستمرااااار
وفوق هذا اخذت عمره كان مفعوله عجيب اكثرت من الدعاء وشرب ماء زمزم حتى الاضتلاع
خلي ايمانك قوي ان القران شفااااااء. مافي الصدور وبه تطمئن القلوب
وان هذا كله من عمل الشيطان يوسوس لك وسواس ولاهو بقادر ان يضرك بشي ( (إنما النجوى من الشيطان ليحزن الذين آمنوا وليس بضارهم شيئا)
ان النجوى هي كل افكار سلبيه تصيطر على الإنسان . وان اساسها من الشيطان لأنه يتلذذ بالحزن اللي يدخله على المؤمن من هذه الوساوس جربي تكررينها كثير والله ترتاحين
ولاتقولين اهلي بعيد امي مريضه زوجي مداوم انتي اللي تساعدين نفسك بنفسك وانتي اللي بتطلعين نفسك بنفسك من الاكتئاب والوسواس اذحسيتي انك ضعفتي كلمي نفسك قولي لاتحزني ان الله معي واقهري الشيطان وابتسمي انا ماكنت اتوقع ادعم احد واساعد احد في هالموضوع كنت مثلك ادور احد مجرب الاكتئاب وطلع منه بدون ادويه نفسيه ولقيتهم كثييييير تشافو بدون علاج لاتستعجلين على نفسك بالعلاج كانت فتره وعدت الله لايعيدها على وعلى كل مسلم
الله يشفيني ويشفيك ويشفي كل مسلم

اه ياام ريما انا كنت مثل حالتك وكل الي سويتيه سويته وزياده كرهت الناس ولمن اجلس معاهم احس مخنوقه ومتوتره من غير افكاري السلبيه الي افكر اذبح تحد بس مابغى بس افكار وتوتر فضيع بس زياده عنك انا اتحجم وكل شي بيد الله والحجامه توخر ثقل الضيق الي في صدرك والحمدلله كل شي واحسن شي الوحد يردده وهو تعبان ربي اني مسني الضر وانت ارحم الراحمين وهوهذا حسد قوي حسبنى الله على الي مايذكر الله وانا لي الان ثلاث سنوات الحمدلله في تحسن وادعولي بشفاء التام 

ايه انا كرهت الناس ولا استقبلت أحد في الاربعين والناس اللي ماصدقو اني تعبانه وجو غصب عنا والله انهم في محلس وانا في اخر غرفة في البيت ماابي اشوف احد
اذ جلسة في جلسه عائليه مع اخواني أحس بضيقه رهيبببه بس كنت اقاومها ولا اخليها تسيطر علي
وعيالي سبب من اسباب شفائي لاني اناظر فيهم اقولزهم في حاجتي. لازم اقوم التعب علشانهم لازم اتحمل علشانهم لازم ماخذ هالادويه علشانهم لانها تخدر واخاف اذ تخدرت من بيقوم فيهم حتى لو قامو فيهم الناس سواء اهلي او زوجي والشغاله ماراح يقومون فيهم مثل امهم ابد كنت اعزم نفسي واقول الحمدلله انا التعبانه مو عيالي الحمدلله انا اقدر اتحمل بس مااتحمل تطزهم الابره وكنت اناظر لهم واتحمد الله باستمرار واقول الحمدلله ماجعل حالي اعظم من كذا شوي شوي الى ام بديت احس بالعافيه
طبعاً الى الان مااحس اني رجعت لشخصيتي الطبيعيه بس ارحم من قبل بكثييييييير ومازالت اني مؤمنه ان في الامر خيره لي وتنبيه من الله وتمحيص وتطهير لذنوبي وان القادم بتذن الله احلى واحلى وخليك متفائله بعطاء الله ورحمته

انا من شدته تجيني افكار انتحارية وهلاوس
والله كلللله من قل النوم
لاني اقفل ال ٢١ ساعه مانمت
لكن هذا نفاسي الحمدلله بالرقيه والعزيمة اني مااستسلم لهالمستنقع قدرت الحمدلله اتجاوز
الان باقي ال٢٠ يوم من النفاس + ال ٣ شهور الجايه
الله يمضيها على خير ويفرحنا بما عطانا ورزقنا