خواتي توني بس ذكرت الأغراض اللي تحتاجها الوحدة بعد الولادة الها وللصغير.. وقلت ليش ماأذكر الحوامل وخااااااااااااااااصة اللي أول ولادة الهم.. أنا ذكرت هذي الأشياء ويمكن تكون فيه زيادات ونقصان للبعض وكلن بذوووووووووووووقة..
أولا: للرضيع:-
6+ أوفرول ( لبسات شبك ) أو بدلات شبك
8+ فانيله فيها فصم من تحت
2 فوطة للاستحمام
4 فوطة صغيرة لأغراض متعددة
4+ لف ( غماط )
بامبرز أصغر حجم
كيس قطن للتنظيف
محارم بامبرز أو جونسون
كريم للجسم + صابون + شامبو ( أنا أفضل سيباميد )
حوض للاستحمام + مرتبة نايلون لتغيير الملابس ( مفيدة والله )
سرير بمعداته ( مرتبة طبية + لحاف + شرشف ……+الأغراض موجودة عند مذركير وكل محلات الأطفال ) وهذي صور..
مشط صغير للشعر
شنطة صغير للأغراض وقت الخروج من البيت
صندوق لأغراض الطفل
مقص أظافر
مراضع صغيرة ( للأعشاب + للماي والسكر نبات) + حلمات + معقم المراضع أو قدر لتعقيمهم
لهاية للاحتياط فقط
أعشاب مخلوطة ( كراوية + ينسون + … ) أو نعناع
جهاز للتنبيه اذا كان الولد يصيح والأم بعيدة
…
…
…
هذي الأغراض أنا ذكرتها بس لتنبيه الحامل فيها لاكن الخيار الأول والأخير طبعا الها واللي تشوفه مناسب ..وبالنسبة للكمية بعد تشوف اللي يناسبها بس الطفل في حاجة للتغيير باستمرار عشانه يرجع اللي شربه في أغلب الأوقات.. وبعد تشوف تقريبا كم يوم بتيلس في المستشفى وكم تحتاج للملابس وغيرها.. والأهم كلن واستطااااااااااااااااااعته.. ونصيحة لا تستخدمون قطن لتنظيف الأذن حتى لما يكمل الطفل كم سنة ويكفي بس بالاصبع من برع..
ثانيا: للأم:-
4+ قمصان نوم
ملابس داخلية ( صدريات للرضاعة + ……. ) اللي تحتاجة
فوطة
رباط للكرش أو حزام عريض من الصيدلية
قطن داخلي ( كوتكس أو أولويز أو …….)
شراب لتنظيف الرحم وتكون مجهزة الأغراض قبل الولادة مثل حبة الحمرا أو الحلبة وطبعا كل بلاد وعاداته في هالأشياء.
مادري اذا نسيت شي … وبالنسبة للأطفال اللي شوي أكبر يعني من عمر 3 شهور وزيادة يحتاجون زيادة أغراض وحتى لحديثي الولادة يقدرون يستخدمونها مثل مهد هزاز + ألعاب متحركة + عربانه للتنزه + كرسي للسيارة + مريلات + كرسي للأكل + أطباق عميقة وملاعق + وألعاب للتسنين + ……….)
…
…
…
يالله خواتي أخليكم ألحين وزيدونا بخبراتكم.. عااااااااااااااااه لا تطنشوني……. تراني ساعة وانا أكتب ..وبنتظر ردووووودكم ..
ما خليتي لنا شي نضيفه 00لا كن نسيتي بودره الجسم وملابس الطفل ماتكون
كلها صغيره مره( 0-3اشهر) لان ممكن الطفل يجي كبير شوي (دبدوب)
وسلامتكم00