للخبيرات في الأجهزة الرياضية

مرحبا بنات..

انا عندي مشكلة السمنة بعد الولادة وطبعا ما يلحقها من ترهلات في كل مكان في الجسم..

حاولت اعمل ريجيم في الاربعين لكن مانزل وزني كثير وثبت على 84 وطولي هو 163 سم..

بعد كذا جربت اخفف لكن وزني كان ثابت ماهو راضي ينقص ولا يزيد ولا حتى نص كيلو والظاهر كان السبب حبوب منع الحمل..

الى ان غيرت نوع الحبوب بعد 4 شهور واخذت نوع اخف والحمدلله بدا ينزل وزني مع التخفيف وصرت الان 79 وراح استمر باذن الله لان حلمي اوصل 65 يارب يا كريم..

المهم..تتركز سمنتي في منطقة الارداف وكل مكان في جسمي ينحف الا هي حسبي الله ونعم الوكيل..وأنا احتاج الى جهاز رياضة يركز على الارداف ويحرق دهونها ويشدها لان السيليولايت لاعب فيها..

فـ ياريت للي عندهم خبرة وتجربة بدلوني على جهاز ينفع لي وياريت توصفونه لي مثلا هل هو مثل السيكل او مثل جهاز التزلج واذا ممكن ترفقون صورة اكون ممنونه جدا لاني فعلا اعاني ولاول مره يكون عندي عزيمة قوية للتخفيف فساعدوني رجاء :)

ولكم مني خالص الدعوات..

تحياتي :)