للرضى النفسي والرشاقه .. شيء جديد

السلام عليكم بنات انا دلوعه ... من زمان مادخلت .. ومن زمان ما كتبت شيء يديد لاني احس اني مثلكم يوم فوق ويوم تحت حاولت وياست .... بس ارجع اتوكل واقول لا ياس مع الحياه ....

بنات كنت اتكلم مع شخص .. عن متني واني متضايقه واحس اني مب راضيه عن نفسي ولا اللي حولي راضيين الكل يقولي ضعفي الكل ضعيف الا انا .... احس اني غير عنهم ... انا جسمها غير اكلها غير .... لبسها مقاسات كبيره .... حتى يوم احلم احس اني مسحيل اضعف ... وهذا الشيء مضايقني صدقوني يحسسني بعدم الثقه ... يحسسني باني محط انظار وشفقة الجميع ...


بس جزاه الله الف خير هذا الشخص والله يرزقه الذريه الصالحه وينوله اللي في باله .... قالي راح اعلمج شيء اذا اتبعيته راح تحسين بشيء غريب ... مع العمل اني كنت كاره شيء اسمه رجيم او تنحيف وصرت مامن بشيء يضعفني بس من 3 ايام وانا احس اني غير .. صرت احس اني ضعيفه مب متينه مثل ما انا فعلاً ... :27:

الطريقه .... وهي كالاتي ....

1- التوكل على الله وحسن الظن به وانه لان يصيبك بمكروه
2- عدم ذكر اي كلمه سلبيه عن نفسك او عن جسمك ..
3- الهدف الذي من اجله تردين الضعف .. ديني او دنيوي ...

البداية ...

21×14

رددي جمله متفاله واحد وعشرين مره ... بدون اي انقطاع يعني حاولي تكونين بروحج .. بعيده عن اي مقاطعات ممكن تسوينها قبل النوم بعد ماتقرين المعوذات او اول ماتقومين من النوم او بعد الصلاة ... المهم تسوينها بنفس راضيه ومتوكله على الله واحسني الضن بالله

( مثال على الجمله )

قولي :

انا رشيقه وجسمي وايد حلو ... واقدر البس كل اللي خاطري فيه
جسمي حلو ورشيق وانا راضيه الحمدلله

وابتعدي عن كلمة

انا متينه وجسمي مب حلو وبسوي رجيم ... وبضعف في اسبوع
او انا دبه ولو اضعف كم كيلو زين ... عشان ارضي فلان وفلان وفلان

بعد ترديدالجمله واحد وعشرين مره حاولي تستشعرين الضعف في نفسج .. لاتوهمين نفسج لا ارضي عن نفسج وعن جسمج وعن حياتج وعن اكلج ...
قولي انا قدرت اوصل الى هذا الوزن 112 مثلاً وقادرة اني اوصل الى 70 ...

كرري التمرين لمدة 14 يوم متوصالين بدون انقطاع يعني لاحد يقاطعج وانتي تسوين التمرين ولاتهملين التمرين لمدة 14 يوم واذا نسيتي لازم تبدين من جديد ...

بنات اجذب عليك اذا قلت لكم اني ماستشعرت الرضى في نفسي من ثالث يوم اسويه ... وانا بديت من خذت التمرين هذا من الشخص هذا واللي كان السبب في اني افتح عيني على شيء غفلت عنه ... وهو انه الانسان لابد ما يتوكل على الله في كل شيء حتى في الرجيمات والاشياء الدنيويه ....

واي استفسار عن الطريقه انا موجوده بنات تراها ماتخذ وقت اكثر من 3 دقايق ... وسهله وجربيها .... احنا جربنا اشياء كثيره مكلفه وباهضه الثمن ..

هذي ببلاش ويوضع سره في اصغر خلقه ... :42:


((( للامانه هذي طريقة ماخوذه من الدكتور صلاح الراشد والشخص قالي اطبقها في الضعف وهي ممكن تتطبق لكل شيء مب الضعف او الرشاقه )))

في حفظ الله اخليكم