المهم لا تزال التجارب.. مستمرة.. من سنين.. وخلاصة هالتجارب
مافي حبوب ولا خلطة.. ولا تركيبة ولا اعشاب.. سواء مضرة ولا مفيدة الا جربناها
ضيعنا فلوس ووقت.. تعبنا نفسيتنا على الفاضي.. ناس تتكلم وناس تعلق وتجرحنا
ضاع شبابنا واحلى مرحلة في عمرنا.. ما استمتعنا فيها باللبس والكشخه...
صحتنا اهم ما عندنا ضيعانها .. في هالحبوب والتجارب.. والخلطات..
صار همنا نزيد بس.. حتى لو ضاعت صحتنا..
ارادة مافي... نجرب ونمل بسرعة.. نبي نتيجة فيها معجزة...
متى ان شاء الله راح نصحصح من هالكوابيس :angry2:
باختصار مافي اكل = مافي سمنه لو تطيرون للسما وتردون
وش اللي يكسي العظام.. ؟؟ هواء مثلن .. اكيد اكل اكل
اكل اكل اكل اكل اكل اكل اكل اكل اكل اكل اكل اكل اكل اكل اكل اكل
food food food food food food food food food food food food
الا اللي عندها مشاكل في الغده او غيرها هذا شي ثاني.. اما انك سويتي تحاليل
وطلعتي سليمة.. مافيك شئ .. فاحب اقول : اكل اكل اكل اكل اكل اكل اكل اكل
وشيء علمي نظام السعرات الحرارية...هذا شئ منطقي علمي يدش العقل
سعرات زائده عن حاجة جسمك = يخزنها الجسم = لحيمات وشحيمات :icon20:
ها شقول بعد ؟؟ صحصحتوا ولا للحين...
اللي ما صحصحت تصف في الدور وتجيني بعطيها :024: خخخخخخخخ يمكن تصحصح
بنات يالله نسوي صحوة جماعية من كابوس التجارب الفاشلة ونصير منطقيين..
انا ما راح اتكلم عن نظام السعرات الحرارية لانه في مواضيع كثيرة..في المنتدى
النظام مضمون جدا... بدون حبوب وخلطات.. يعتمد على زيادة كمية الاكل تدريجيا...
اللي تقولي مستعجله تبي زيادة في شهر واحد ولا اسبوعين اقولها استريحي..
انتي عمرك كله ضيعتيه تحاولين بالسنين.. ؟ طيب ليه ما تصبري هالكم شهر..
مدة الزيادة لو التزمتي بالنتائج تكون من شهر الى 3 شهور
الزيادة تكون على حسب السعرات اللي انتي تاكلينها.. ما نصح بي 3000 سعرة
في البداية لانه مرهق بتصيرين محبطة وتملين بسرعه.. شوفي حاجه جسمك
وزيدي عليها 1000 سعرة كبداية لين تتوسع المعده... انا ما راح اشرح النظام
في مليون موضوع دوري عليه وامشي على هالنظام...
اللي ما عندها خلق ووقت تحسب السعرات .. تاكل اكل عادي.. بس تزيد كمية اكلها
بالنسبة للحبوب وفواتح الشهيه.. كيفك .. تبينها استخدميها.. بس ما انصح بالحبوب الصينية
عندك سبروفيتا ، موسيجور ، برياكتين ، الخ.. استخدميها بس ها لازم اكل بروحها ماتنفع
بنات الموضوع يبيله ارادة وصبر.. واكل... بس بمنتهى البساطة هذي المكونات مضمونه
انا هالمرة كلي عزم واراده وثبات :hahaha: الله يستر.. راح اعتمد على الاكل كمصدر اساسي..
بستخدم سبروفيتا.. ومربى خرز البقر... وماحتاج فيتامينات لانه مع سبروفيتا..
بنات لا تسالوني من وين جبتهم : مربى خرز البقر شوفي العطارين او وصي حد من مصر
سبروفيتا : موجوده في كل صيدليات قطر وسعرهاا 15 ريال بس..
حبة سبروفيتا قبل النوم والمربى ملعقتين وحده صباح وحده مساء طعمها مثل العسل
مدة تجربتي ما راح احصر نفسي بس من شهر لي 3 شهور.. اهم شئ نتيجه تبين..
الاكل باكل الموجود وبحاول اتعلم طبخات سعراتها عاليه وتحضيرها سهل.. مثل الاندومي :tongue:
المهم موضوعي مش تجمع رجاء عشان ما يغلقونه المشرفات... اللي عندها تجارب مع الاكل
تسدحها... مانبي احباط.. نبي تجارب فيها اكل.. اكل.... اكل
وان شاء الله اخر موضوع اكتبه وانا نحيفة قولوا امين :icon36: