لماذاانتقم من نفسي ؟!!!!

من لها تجربه ناجحه في الرجيم لاتبخل علي بنصيحه

كنت اهتم كثيرا برشاقتي قبل الزواج
حتى اني كنت اضع لنفسي رقم محدد على الميزان
لا اسمح لنفسي بتجاوزه مهما حدث
هذا الرقم بمثابة جهاز انذار
ما إن أراه على الميزان حتى افعل المستحيل لأنقص وزني

المهم ياعزيزاتي تزوجت وحملت وأنجبت طفلي وبعد الولاده ماقدرت اتخلص من الوزن الزايد وكل محاولاتي في الرجيم بائت بالفشل … الى أن قررت أن اذهب الى أخصائي تغذيه وبالفعل تابعت معاه شهرين لكن نزولي كان دون التوقعات
المشكله انه زوجي صار يطلب مني انحف ويكرر هذا الطلب علي دائما
يقول الحرمه كلما صغر جسمها كلما صارت احلى

هالكلمه دايم ترن بإذني

الحين صار له شهرين مسافر بعثه
وفي هالشهرين خربت ريجيمي سبحان الله كأني انتقم من نفسي
اسبوع اسوي رجيم واسبوع اخرب الدنيا
شكلاته وحلويات وفطاير وآآآكل بطريقه محزنه احزن على نفسي وانا اكل
ماني لاقيه تفسير لهذا التصرف
كلما طلب مني زوجي انحف
أطب في الاكل اكثر واكثر

ادري اني انا الخاسره الوحيده في هالمعركه
خصوصا انه علاقتنا الزوجيه تتأثر بالوزن عندي

الاحظ انه لما يزيد وزني يتهرب زوجي
من البيت ومن الصرف ومن كل شي

الوزن عندي مايثبت اسوي رجيم واخربه
اسبوع ناقصه واسبوع زايده واسبوع مندبله
والنفسيه خربانه

والحين زوجي تقريبا خلص شغله وبيرد ع الاسبوع الجاي اكيد راح يتفاجأ بشكلي في شهرين زايده سبعه كيلو


بنات شجعوني ولا انصحوني
ابي اي كلمه تساعدني اطلع من هالتخبط


نفسي يكون لي نمط صحي في الاكل
امشي عليه طوووول عمري
ابي تجارب ناجحه اقتدي فيها

خصوصا انه المجتمع حولي مايساعد
كرف وشغل بيت ومراكض ورى الاطفال ماعندي وقت للرياضه
ومااقدر افوت اي وجبه لان عندي اطفال اهتم بتغذيتهم