لو كنتي في مكانها وانتي غير موظفة ماذا ستفعلين .....................انتظركم

عن نفسي
لا يمكن اطلبها بعد كذا منه
بس اذا هو ندم واتراجع ما رح اقول لاا ..

بس والله بموت من القهر

الله لايحطني بالموقف هذا

ماعتقد ان راح أواجه لاني قبل لا اشتري فستان او بدله بسعر الفلاني ومبلغ غالي

لابد اخذ كم يوم افكر لين اقتنع ان الفستان يستاهل هالمبلغ وبعدها اكلم زوجي واقنعه

قبل لا اروح اشتريه ...

بعدين يالغاليه ألف ريال اعتقد كويتي 75 دينار يعني البدله سعرها معقول اذا كانت تستاهل

فا بصراحه تصرف زوجج كان فيه شوي من البخل ... ولو في مكانج ماحرج نفسي ولا زوجي

اخليه يمشيلي مصروف شهري وانا من مصروفي انسق مشترياتي

مثلا نقول عندي عرس وبخاطري اشتري فستان بالمبلغ الفلاني

قبل 3 اشهر من العرس احاول اوفر من مصروفي ولين يجي شهر العرس اخذ منه مصروفي ويعطيني زياده من طيب خاطره لان في مناسبه إذا حاب واذا مو حاب اوفر قبلها بفتره

وكذا تمشي الحياة

وحبيت ازيد شغله يالغاليه

ان كان زوجج معاشه على قده .. فا مدي رجولج على قد لحافج

يعني لاتبالغين في المشتريات

لابد يكون في تعاون بينكم

وبعدين يالغاليه ... ترا مو شرط الموظفه تبذخ على نفسها في موظفات الله لايبلانا لو تشوفينهم تحلفين وتقسمين مو موظفه لانهم جعصات على نفسهم

وفي حريم ربت بيوت وماشاء الله عليهم يلبسون ويكشخون وكل هذا من زوجها الله يكثر خيره

ممكن ازعل بس بعدين راح ارضى لأن مصيري بيده لو لفيت بتم ارجع له حتى لو احد ساعدني كيف برجع الدين اكيد من عنده ومرة اخرى اذا بغيت اشتري شئ اشوف هو كم يبغى يدفع وأدور شئ على حسب حالت زوجي وكم يبغى يعطيني عشان مأحرج نفسي واحرج زوجي عند العالم وعلى قولتهم مد رجليك على قد لحافك ....
الدنيا اخذ وعطى ياخيتي ...

يسلمواااا على المرور ..........


اخيتي جوري >>>> مشكورة على ابداء رأيك لكن بأقولك الموقف مو لي لزميلتي وحابة تاخذ ارائكم.... لاني انا لسى عزووووبية مابعد تزوجت............. تسلمي ياااعسل .....

اولا: سواء موظفه أو غير موظفه هو مكلف باحتيجاتي الأساسيه... يعني لو كانت هذي البدله مو من الكماليات و مو شي زايد عن الحاجه و بحدود صرفنا هو مكلف انه يوفرها لي...

ثانيا: نفرض اني غلطانه و اني طلبت شي غالي و ما له داعي و بحدود مقدرته الماديه انا ما اقبل انه يتصرف مثل ما وصفتي " يتكلم عليك بصوت مسموع ورمى الاغراض ودخل البوك وطلع من المحل " لأن الاحترام واجب بين الزوجين و اذا كان هو مو متعود يصرف على احد فحتى البنت كانت عند اهلها اميره ومتعوده ان طلباتها مجابه و هو لازم يقدر هالشي..

ثالثا:الوحده لما تتسوق و خاصة اذا كانت "غير مستقله ماديا" يعني معتمده على زوجها او ابوها او أمها لازم تاخذ راي اللي بيدفع في كل قطعه مو بس تاخذ و تناديه عند الكاشير لأن هذي الحركه غلط لانك ما تعرفين اهوا كم عامل حسابه انه بيدفع..

هذا رايي بصراحه و الله لا يحوجنا لاحد قولي امين :)