شفي حبيبتي الرز سهل مرره بعلمك الرز باللحم طبعا اول شي تغسلين الرز وتنقعيه بمويه عاديه مايقل عن ساعه طبعا يكون بسمتي رز ابو كاس او الوليمه انتي وزوجك يكفيكم كاس ونص تقريبا بعدين تغسلين اللحم زين وتقطعينه وتاخذين بصل حبه او 2 وتحمسينه لين يصير بني مو يحترق بني فاتح وتحطين عليه بهارات واعواد قرفه وليمون اسود وقطعي طماطه اذا تبينه احمر الرز حطي م صلصه بعدين حطي اللحم وخليه يتسبك شوي واغلي مويه وحطيه فوقها طبعا اللحم اذا كان نعيمي خروف يبيله تقريبا ساعه والحاشي ساعه ونص بعدين اشخليه وحطي الرز بالقدر وحطي المويه بعد ماشخلتيها على الرز لين يغطيه بشي بسيط وعلي النار لين تنزل المويه وتشوفين حبات الرز وقصري النار عليه مره وخذي فلفل حار وغمسيه في الرز وحبات هيل ومسمار نفس الشي وتكونين مجهزه الكشنه تعطي لون وطعم مع الرز طريقتها تحمسين بصل عادي مع زيت او سمنه لين يشقر وتتحطين بهارات وكركم واذا حابه تضيفين زبيب وصنوبر طبعا تحطين الكشنه على الرز وتحاولين تدخلينه فيه شوي عشان ياخذ الرز طعمه ورجعي اللحم وغطي القدر الرز تقريبا يبيله ساعه او ساعه ونص طبعا انتي شوفي اذا جلستي ساعه خذي حبة الرز اذا صارت لينه خلاص استوى اذا لا والمويه مره نشفت خذي نص بياله مويه بس لاتكثرين وصبيه عليه وخليه يكمل النص ساعه وبس وبالعافيه
دعواتكم يسخر زوجي لي يارب واخواتي وجميع المسلمين

ماشاءالله بنات الحين عادي مايطبخن في بيوتهن وازواج اليوم عادي عندهم الزوجات مايعرفن يطبخن....استمري على كده والله يوفقك

حبيبتي لازم تروحي لامك او اختك وتخليها تطبخ وانتي معها خطوه بخطوه
الوصفات ماتستفيدي منها مادامك ماطبقتي وشفتي بارض الواقع
وبعدها تقدري تطبقي اي وصفه لانك تعرفي الاساسيات

هذا حساب مررااا حلو انستقرام hlaaa543

يااختي سنتين ونص ماطبختي كبسه
وام زوجك تجيب لكم  والله ام زوجك باين عليها طيبه
لو وحده ثانيه كان قالت لك مزوجين ولدنا عشان حنا نطبخ له
تعلمي طريقه الكبسه دام زوجك يحبها
ترا ام زوجك تاخذ عنك انطباع انك رفله ماتطبيخين
 اكتبي بقوقل طريقه الكبسه وشوفي وطبقي
ومع التكرار بتصيرين احسن طباخه رز 
والله يوفقك