مائة طريقة و طريقة لتقديم الفول المدمس

الفول الله على الفول فى الفطار أو العشاء
و عندنا فى مصر صنعنا من الفول آلاف الأصناف و الطبخات

أكلناه وهو أخضر كتسالى أمام التلفزيون

و طبخناه و هو لسة أخضر بالصلصة

وكمان عملنا رز بالفول الأخضر

و لما نشف عملناه مدمس

و نبتنا الناشف و عملنا شوربة فول نابت

و بعدين دشيناه أى كسرناه و عملنا منه طعمية

و كمان بصارة

و لكن سيبكم من كل ده
الفول المدمس لوحده قصة طويلة عريضة
يعنى ممكن تصنعى منه أصناف رهيبة لا تعد ولا تحصى
و أنا إن شاء الله تعالى ناويه أقدم لكم كام طريقة و أتمنى إلى عندها طريقة جديدة تقدمها لنا