بالنسبه لي انا..ماجربت الشغاله لي انا شخصيا في بيتي لفتره طويله..

لما كنت عند اهلي كان اعتمادي تقريبا بكل شي كلي على الشغاله ماعدا في الاكل..حتى لو يحصل لي انها تروشني اخليها تروشني..بس فعلا ماكان في راحه نفسيه..كنت احس اني دايما مراقبه لاحظي وانا في بيت اهلي..وماكنت اخذ راحتي اذا دخلت المطبخ وهي موجوده فيه..وكنت احس انها دايما في وجهي مع العلم ان بيت اهلي فيلا كبيره..

وبعد ماتزوجت الحمدالله طلع زوجي مايحب وجود الشغاله بالبيت ولا يفكر نهائي انه يقدم على شغاله..ومع الوقت تأقلمت على الوضع..مااقولك اني قايمه بواجباتي تجاه زوجي وعيالي على اكمل وجه..لا والله..بس قايمه باللي يرضي الجميع باللي اقدر عليه ولله الحمد..

احيانا اذا كنت تعبانه او في فترة حملي اخذ شغاله امي يوم في الاسبوع تخلص لي شغلي وارجعها ومع ذلك ماارتاح لوجودها..لكن مجبر اخاك لابطل..


والحمدالله على كل حال..

اختي يمكن انتي حكمتي ع الاغلب لان مجتمعك كذا مايستغنى عن الشغالات
لاكن فيه مجتمعات كثيره ماعندهم والاسباب ماديه ع الاغلب او معنويه وهي الراحه في البيت

بتكلم عن مجتمعنا كثير عندهم شغالات وفيه ناس اعرفهم ماعندهم ومايحبون شغلهم
ومايرضيهم الا عمل يدهم ..عساااهم ع القوه

شوفي انا ماعندي شغاله ولا أحبهم ووووالحمدلله والله لايحوجني لهم


بس بنفس الوقت ودي وحده تجي تغسل المواعين والملابس وتكوي ياسلاااام عشان يداتي انعدمووو ):

بس اللي قاعده بالبيت مو شرط لازم شغاله إذا بيتها مش كبير وونظاميه ونشيطه

والاخت اللي تتكلم عن الراحه النفسييييييييييه وتقووووووووووول وش تسوي الشغاله عشان تتعب نفسيتكم

فتحي عيونك زين وبتعرفين؟!!!!!!!!

انا بس قعدت شغالة اختي عشانها مسافره يومين ووووالله كل شي بالبيت تغير زوجي طبعا مااايقدر ياخذ راحته وطول

الوقت بغرفتنا أو يطلع برا يقول حرمه قدامي مااخذ راحتي وحز بقلبه ع اللي عندهم شغالات الله يعينهم

وووووووهي بس ع الشبابيك يعني لو احد شافها قال هذي صاحبة البيت وغير تخافين على عيالك

يعني هم تفكيرهم موب مثلنا يعني بس لو تزعلينهااا يمكن تسوي في عيالك شي

غير ان بعض الجنسيات عندهم لو تتفل وانتو بكرامه ع الاكل عادي عندهم يتقول اذا تفلت اهل البيت راح يحبوني اذا اندنوسيه فتحو

عيونكم على هالشغله الاغلب اذا مو كلهم يسوونها

وياكثر ياكثرررر بس انتم يالسعوديات طيبات بزياده ماتدرون عنهم وعن بلاويهمممم

بس المحتاجه وش تسوي

بس ياليت في شغالات تجي تشتغل كم ساعه بس وتروح بيتها يتسلااااااااااااااااام (:

والله وماشفت الراحه الابعدماراحت الشغاله وحسيت اني فبيتي وكنت مجبوره عليها عشان ظروف طارئه
والحمدلله كل اموري تمااام ماشاءالله

صباحكن رضا من الرحمن . انا عندي مبدأ أذا الزوجه ليست موظفه وقادره تقوم بمسئولياتها كامله ولا تشتكي من أمراض لاسمح الله لاداعي للشغاله . عني من الطفل الثاني جاب زوجي شغاله ومن تروح وحده ألا الثانيه واصله وهكذه . وش حصلت منفعه كسل ونوم كثير وأمراض عديده والحمد لله على البلاء . ومع ذلك النفسيه شينه وماحس بطعم الراحه بمنزلي واكون على أعصابي من مراقبتها . وسبحان الله هذا السنه راحت شغالتي من خمس شهور . وقررت ماأقدم حتى أحس بالتعب الذي لايتحمل مني . فوفرت لي سبل الراحه بالشغل ونظمت وقت نومي والصحيان بدري مع الفجر . شريت غساله اتوماتيك وطاح نص الهم من الغسيل والباقي مقدور عليه علما اني أم لسته أطفال أكبرهم بثالث ثانوي . واصغرهم عمره سنه . اصحى الفجر ونصلي واسوي فطور زوجي وقهوه . واصحي عيالي للمدارس ومن يذهب زوجي وابنائي يكون البيت فاضي أبدأ بتشغيل سورة البقرة وماشاء اله ماتجي الساعة 12 الابيتي نظيف وغدائي جاهز وأصلي الظهر واستقبل لازوجي من عمله وانا كلي همه ونشاط ولله الحمد . ومن يتغدوا عيالي وزوجي أغسل مواعين الغداء وارتاح ساعتين للعصر وجدولي من يتعشون عيالي ناموا الساعة 9 خلاص . اتوكل على الله واصلي التهجد وانام من الساعه 10 ليلاً . والحمد لله على الصحة والعافيه علما بأني مريضة بورم براسي وعندي ظقط . ولكن حسيت براحه عقب سفر أخر شغاله أندونسيه الله لايردها .:mad: