ماقد التقيت بأفخاذي<تسمع بعنصر التشويق

السلام عليكم ورحمة الله وبركاته
اللهم صل وسلم على نبينا محمد

مابي اقول مليت من السمنه وشحومي تخرخر من كل جهه وهالكلام المعتاد المتكرر
:11:


بس جد وصلت لمرحله انرحححم وأكسر الخاطر :redface:
خلوني اوصف لكم جسمي
والي عندها حل لأي مشكله تغرد وتنصحني فيها ياجعل الجنه مثواها
بسم الله نبدا


وزني71
وسمنتي كرش لااله الا الله كريشتي هذي سالفه لحالها موديلها غريب
كككبيره وربيع ماشاءالله
تشققات وحفريات محيطه بكل الجهات
يمم يممي عاد سمنة الظهر هذي حكايه كرش مقلوب
والصدر اه يالصدر
مممترهل لآخر درجه وكبير وتشققات باذنجانه مسلوقه وارتاحي
وزنودي العزيزات:biggrin:
تبون اكمل لكم الوصف ولااكتفي
خلوني اوصف لكم ونودي يمكن احد عنده حل كبار وتشققات وترهل
وطبعا أكيد في سوالف بالفخوذ بس الله يجزاها الخير الكرشه ماعطتني فرصه اتعرف عليهم اذا وقفت حجبت الرؤيه للمناطق السفلى لااله الا الله
:redface:

طبعا الاراده صفر
عججججازه
عندي اوربتراك سير واحد مخليته منشر والثاني علاق ملابس:nerd:

واذا لاسمح الله وسويت رجيم مابين فيني واول ماينحف وجهي <احسبوها مع المشاكل:redface:

ووجهي خلقه حبه ونص يالله لك الحمد



الحمدلله على العافيه حمدا كثيرا يليق بوجهه وعظيم سلطانه

وش السوات ووش الدبره ياخياتي
ولا بعد من زود الثقه ادعي ربي ان الله يزوجني :redface:ووش تتزوجين يالعمه والتضاريس مرتفعات وهضاب الرجال دافع دم قلبه وانتي جايه ترجرجين تبين العرس قطع<خارج النص عصبت على نفسي



وهذي بوسه لكل وحده أخذت من وقتها وقرات بثارتي:kiss2:
وهذي الثانيه للي تعطيني اي حل لاحد مشاكلي:kiss2:
وهذي بعد للي تدعي لي ان الله ينحفني ويرزقني بفارس الأحلام الي أصير بعيونه أحلى من مريام<ماتلعبين يالدبه


سبحانك اللهم وبحمدك اشهد ان لااله الا انت أستغفرك وأتوب إليك