مامرت سنه على زواجي وانصدم!!!!💔

السلام عليكم اخواتي ف الله كلي امل بمشورتكم علي
انا بنت عمري ٢٤ سنه تزوجت من احد اقاربي برضى مني ومنه وعن قناعه وصار ع زواجي ١٠ شهور
وتصير مشاكل عاديه بين اي اثنين متزوجين وتمشي الامور وزوجي من النوع العنيد والرجل الشرقي التقليدي واللي مايسمع الا نفسه ولا يسمع كلمة الزوجه ولا تدخلها الا بأشياء بسيطة انت بنت متعلمه وجامعية واهلي مرتاحين ماديا الحمدلله.
زوجي اقل مني في التعليم معاه شهاده ثانويه
ووظيفته ع قده لكن الحمدلله هذا نصيبي
وفرق بينا بالعمر ١٠ سنوات هو عمره ٣٤ .
مع بداية حياتنا قدمت تنازلت عشان تمشي حياتنا وكنت عارفه اول سنه اصعب سنه وامي تحاول تقويني عليه وانا اسمع من اذن واطلع من اذن ثانيه
وابي بس اعيش مرتاحه وسعيده حتى لو اساعد زوجي وبديت اشتغل بالبيت عن بعد لين ربي يفرجها واحصل لي وظيفة بمكان نسائي بحكم شرط زوجي
وصرت اعاونه بمصروف البيت وانا محترمته ولا ابيه يزعل علي بشي.
وماعمري لاحظت عليه الزله ومعاملته لي طيبه رغم بعض العيوب الا انه مايمد يده علي ولا يغلط علي حتى لو زعل اكثر شي يسويه انه مايكلمني .
المهم كان دايم معاي او في الديوانيه مع ربعه
وتعودت على نظامه واللي اعرفه انه يستحي من البنات والحريم بشكل عام حتى اقاربه سواء كبار او صغار وينحرج مره ولاحظت هالشي عليه .


لكن مشكلني انصدمت اليوم كنت معاه بالسياره ونتكلم وهو معاه جوالين وكنت اتناقش معاه بموضوع في جواله وهو ماسكه ومركز فيه وجواله الثاني بحضنه مفتوح مدري كيف انفتحت صفحه
وهو بحضنه ولا انتبه لها انا شفتها وانصدمت تجمدت مكاني محادثه عشق وخرابيط قمت ارتجف واتنفس بسرعه ماعرفت شسوي سالته بعد ما وقفت شوي استوعب هو ارتبك وسكر جواله ع طول وقال وش فتحها هذي سالته قال شي قديم لاتاخذين ببالك سالته مره ثانيه لاتكذب قال مافي شي اكذب هذا برنامج كيك والمحادثه قديمه قبل الزواج ونسيت امسحها وانا عارفه انه يكذب والبرنامج مو نفس الي يقول 💔💔
وجلس يبرر لي وهو يدري اني مو مصدقه طلبت منه بهدوء ومن غير انفعال انه يعترف يتكلم لو مخبي شي عني وطنشني وانا قلبي محروق من. جوا من اللي شفته 💔💔
مصدومه منه ماعمري شكيت فيه ولا شفت شي غريب عليه والحين مو عارفه ايش اسوي واو اكلم مين
فكرت اكلم اخته ويكون الموضوع بيني وبينها وترددت


حسبي الله على كل وحده تخرب حياه انسان متزوج
شوروا علي يابنات يعلم الله ان قلبي محروق وانا باقي ماكملت سنه من زواجي 💔💔💔💔


الله يجزاها خير اللي تساعدني