ما احب امشي على جدول ، والبيت مب قادره اسيطر على تنظيفه

بسم الله
السلام عليكم
كيف حالك اخواتي السنعات الذربات النظيفات .. الله يحرسكم ويزيدكم قوه


بصراحه انا ما احب امشي على جدول في تنظيف البيت ..
اسوي شغل البيت على راحتي و اسوي اللي اقدر عليه وماعندي خادمه

يروح وقتي على التنظيف .. ومع ذلك . يصير فيه اشياء ما نظفتها واشياء انساها ، و اشياء اجهل ان الناس تنظفها اساسا :44:


البيت فيه اطفال وشباب كلهم يدخلون ويطلعون ويوسخون بالمطبخ / هذا يسوي اندومي وهذا يمشي حافي و يوسخ الارض وهذا يجيب جرايد ويرميهم بالارض ..:icon33:

والله اني اتفشل اذا احد دخل علينا ولقى مثلا المطبخ مكركب ولا الصاله محيوسه ... وفوق كذا ،دايم يجونا ظيوف فجأه ( طبع الاهل كذا )

لا تقولون لي امشي على جدول .. ما احب الروتين .. حاولت وماقدرت .. ما اقدر امشي على جدول
ابغى اكتب قائمه بـ الاشياء اللي الناس السنعين ( مثلكم وشرواكم )ينظفونها . واعلق القائمه عندي . علشان ما انسي شي

قولو لي وش تنظفون في بيوتكم.. حتى الامور الدقيقه مثل خلف المغاسل و تحت الثلاجه ... إلخ كلها اكتبوها لي الله يكتب لكم فردوسه الاعلى .. ويرزقكم كل امانيكم