ما اعرف اسوي الايدام

اساس الايدام الصح
هو تحطي الميويه قليله
وتزيدي كل مايقل مويه مغليه

ايدام الباميا بعد ماتغسليها وتكوني شايله الاقماع حقتها
تحطي زيت م ك
وتحطي ثوم مدقوق
وتقلبي اقل من دقيقه وتضيفي الصلصه ( تخليها مع الزيت افضل لانو يروح طعم الطماطم المركز فيها ويبقى الطعم الحلووو يعني السر في تشويحة الصلصه بالزيت ، الثوم موضروري )

بعدها حطي الباميا وقلبي تشويح على نار خفيفه جدا
بعدها اضيفي بهار كمون فلفل اسود
واضيفي الماجي والملح
بعدها حطي مقطار قليل من الماء تقريبا كاس ونص بسس
وخليها تغلي
طبعا الغليه الاولى نار قويه وبعد ٣ دقايق خلي النار هاديه عشان ماتنفتح الباميا
النار الهاديه تضمن لك
مرقه مسبكه
ونضج
اذا بقى نص مقدار المرقه اضيفي كاس ماء مغلي
وخليك مراقبه الوضع
وكل ماينقص الى نص المرق اضيفي لين يستوي
وقفي زياده ووقصري ع المرق وخليه يتسبك براحته وع اقل من مهله

الفاصوليا نفس الشي
بطريقه اضافه الماء
لكن اللي اعتمدها ببيتي هي

تقطعي الفاصوليا بالحجم اللي يعجبك وتشوحيها بالزبده
مدة خمس دقايق ع نار هادية
بتقلب لك اخضر فسفوري
عادي مو مهم واضيفي لها ماجي ملح فلفل اسود ولا تضيفي بهار
واضيفي الماء اللي يغطيها وخليك عندها ٥ دقايق بعدها قصريها

احلى مافي الايدااامات انك تقصري النار عليها وتخليها براحتها + تضيفي الماء بالتدريج حتى تكون المرقه مسبكه وثقيله

زوجة عمي ايدامها ماينشبع منه خيااااال بثقله وطعمه
وهو خضار ( فاصوليا كوسه جزر قرع بطاطس )
تحط مع الايدام قطع كبيره بطاطس غير الصغيره المقطعه وقبل ماتقدم الايدام تهرس القطع الكباااار بهراسه الفول من غير ماتطلعهم من القدر فيصيييير مررررق خاااااثر وووثقيل ووووطعمه جنان
فعرفت السر انها تهرس البطاطا

طريقتي في الباميه

اشوحها في زيت

واكشن في قدر بصل ثوم في زيت وبعدها طماطم وصلصه وفلفله حاره و ماجي وملح وكمون وفلفل وملعقه بهارات مشكله من اسناد ما استغني عنها ولما تتسبك اضيف الباميه واقلبها فيها وبعدين ازيد مويه مغليه بس ما اكثر تاصلا لو غطيتيها تطبخ ع البخار مايحتاج تسبح في المويه واذا حسيت ناقصه ازيد المويه عشان ماتحترق وبالعافيه

وكل الايدامات نفس الطريقه تبع الكشنه الفرق انو الباميه والفاصوليا تتشوح في الزيت

وترى كرهت الدجاج لي اكثر من سنتين ايداماتي بدونه يكفي البهارات وماجي تعطيه طعم بس اذا بيجي ضيوف احط دجاج عشانهم

بالعافيه قلبي

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..

ينقل من الساخنه للاطباق