ما اقدر اتحمل

ياحياتي ياعديل..

والله ضايق صدري لما قريت اللي انتي كاتبته..

ماادري وش اقول لك.. بس للأسف انتي قلتيها ان زوجك مريض.. وواضح ان سلوكه اللي هو يتبعه أثر عليه... فصار يشك فيك.. فوق كذا شكله ماعنده ثقة في نفسه..

ادري انك صبرتي.. وادري ان يوم نكد يصير سنة.. بس والله قلبي معاك..

حاولي انك تدعين له..

المشكلة هنا.. اننا بمجتمعنا.. مطلوب منا الصبر.. الصبر.. الصبر..

ومهما حكيتي لنا ولاقلتي لأهلك او اي احد... محد راح يحس باللي انتي عايشة فيه..

الله يهون عليك كل اللي تشوفينه ويعطيك الصبر..

الله يرزقنا براحة البال..




عديل.. تأكدي من ان صبرك عليه.. ومعاملتك الكويسة له.. لها اجر عظيم عند رب العالمين..

ممكن تحسين بلحظة إن كل اللي حولك ظاااااااااااااااااالمك :06: :44: وهالشي ممكن يكون صحيح..

بس تذكري.. ان ربي مايرضى بإنه يظلم عبيده.. فشلون ظلم العبد للعبد..

اذا مالك اي ملجأ من حياتك معه.. اصبري.. ادعي.. احتسبي الاجر..

:26:

عديل الروح ..

والله مادري وش اقول لك يالغاليه .. بس الشك اذا دخل بين الزوجين يقلب حياتهم ..
انتي حاولي تجلسين معاه .. وتتناقشون .. بس يكون عنده استعداد يتناقش في ذالموضوع .. واعرفي منه وش اللي يخليه يشك فيك .. يمكن كتبتي شي أو احتفظتي بشي وهو فهمه غلط .. وراح باله بعيد

وحاولي تبعديييييييييين كل البعد عن الأشياء اللي تشككه فيك .. حتى لو هي بسيطه .. وبريئه ..
يعني اذا هو يشك في المكالمات مثلاً .. كلمي وهو موجود .. هو انتي مابتاخذين راحتك .. بس على الأقل يتأكد ان ماعندك شي تخبينه , واذا يشك في جلستك على الانترنت .. اجلسوا مع بعض .. دوّري على مواقع تهمكم الاثنين وتفيدكم الاثنين .. واذا يشك في سؤالك عليه وهو برا .. لا تسألين .. أعطيه فرصه انه يجي على غفله خليه يتأكد ان اللي في راسه وساوس وبس ..

وانتي اعرف بزوجك وش اللي يظايقه ابعدي عنه كل البعد ..

أهم شي يبدا يثق فيك .. وخلال هذي الفتره دلليه .. خليه هو كل اهتمامك .. انسي كل شي .. وحاولي تهتمين فيه بكل الطرق اللي تقدرين عليها .. وبيني له حرصك على حياتكم ومستقبلكم .. وانك ما تقدرين تستغنين عنه ولا لحظه في حياتك .. وأكدي له إنك حريصه على سعادته .. وعلى سعادتك معاه بعد ..
.. ولا فيه شي يستاهل التعب والنكد دامكم تحبون بعض .. واسأليه هو وش يبغاك تسوين ..


اما اذا انتي شايفه انه شك مَرَضي .. فهذا ماله الا علاج عند أطباء نفسيين ..
لأن فيه بعض الأمراض النفسيه تفقد الإنسان ثقته في نفسه وفي اللي حوله ..

وانتظري ردود البنات .. بيفيدونك أكثر تراهم مايقصرون ..


قبل لا أنسى أهم شي الدعاء .. لا تتركينه ولا لحظه .. وخصوصاً في سجودك ..

الله يصلح لك زوجك .. ويهديه .. وينزع الشك من قلبه ..

بالتوفيق ,,

شوفي حبيبتي أنا لو كنت أحب زوجي مثلك ( في قلب عادل ) أقول له خلاص حبيبي اقطع التليفون والموبايل كمان وبلاش نت .....

ما بتموتي ولا بيصير لك أي شي !!

كلميه وتناقشي وياه وقوليله انت ماخذت اي وحده....واحس ان الزوج الي يشك في زوجته عنده ماضي مش زين
او يمكن لانه مريض خايف يفقدج او انج تزهقين منه كلميه وقوليله انتي تحبينه وماتستحملين شكه قوليله ان محد في هالدنيا يقدر يمنعج من الغلط سوى خوفج من رب العالمين فهميه ان الدنيا مش لعبه وانشالله يفهم

ياعمري عليك هونيها وتهون ياغاليه
اهم حاجه انك واثقه بنفسك ياحبيبتي الواثق من نفسه يمشي ملك
واللي فهمت انك لسى مصار لك شهر ونص متزوجه يعني الحياه لسى قدامكم
وبعدين بيثق فيك اكثر من نفسه ويشك بنفسه ولا يشك فيك
بس المساله يبلها وقت لحد متروضيه هههههههه حلوه تروضيه صح
والله الحياة الزوجيه في البداية صعبه حيل ومشاكل كثير بس بعد السنه الاولى تعالي شوفي التفاهم ولانسجام ماقولك مافيه مشاكل بس على خفيف
يعني اصبري شوي لحد ما كل واحد فيكم يفهم الثاني عدل
واذا شك فيك حاولي تقنعينه مو تعصبين يعني قولي له هو فيه رجال غيرك يستاهل اني انظر فيه نظره
او قولي له ليه يالقلب الحنون تاخذك فيني الظنون
او قولي ليه تقول عني كذا وانت تشوفني صايمه مصليه وارجي جنة ربي
يعني من هالحكي
وشوي شوي هو بيفك عنك ويرحمك