ما رأيكن بالسير الكهربائي؟؟؟

السلام عليكم ورحمه الله وبركاته
السير الكهربي لايوثر علي المفاصل ماله اي تاثير لانه مشي عادي
وهو الصراحه ممتاز انا استخدمته ونقص وزني بس يختلف من شخص لاخر يعني مادري اذ استخدمته ينقص وزنك ولا لا
لكن ليش بدل ماتشترينه تجربين تمشين علي السير بنادي رياضي واذ جاب نتيجه اشتريه عندك بالبيت
بحيث ترجعينله كل مازاد وزنك
بس الصراحه السير الكهربائي ممتاز

مثل ماقالت ليالي الشرق السير الكهربائي مايأثر على المفاصل بالعكس مره ممتاز
السير العادي هو اللي ممكن ياثر على المفاصل ..
انا فكرت اني اشتريه بس هنا ببريطانيا اسعاره غاليه مو زي اسعاره بالسعوديه ..

مرحبا..
مثل ما قالوا الأخوات ممكن تجربينه ف نادى حتى تحكمى بنفسك ..
وانا من تجربه .. بصراحه ماااااااااااافى مثله ..
ونتائجه رائعه جدا ...
موفقه بعون الله ..
سلام

السلام عليكم
شخباركم يا رشيقات
شوفي اختي ارين انا استخدم السير اقل شي مره في الاسبوع وهو بصراحه ممتااااااااااااااز
لكن لما كنت استخدمه بشكل متكرر يعني يوم ورا يوم لاحظت انه يخفي او يمسح المواهب اللي ورا انتي عارفه وش اقصد فانتبهي لهذي النقطه.
:o :32: :06: :06:

الى الأخت ارين الصراحة السير الكهربائي رهيب وينزل الوزن وحكاية انك تشتركين في نادي

لازم تكون ضروفك مهيئة .

وانا الصراحة عندي جهاز سير كهربائي وفية مميزات رهييييييييييييييييييييييييييييبة

لانة يعطيك كل النتائج : زي الوقت اللي مشيتية ,عدد الكيلوات اللي قطعتيها , عدد السعرات اللي حرقتيها

وكما ن فية معدل السرعة , وتقدرين تخلينة نازل في المراحل المبتدئة بعدين ترفعينة الى اعلى وتسمى

رياضعة الصعود وهذا للمراحل المتقدمة.

واهم ميزة انك تقدرين تسفطينة وتحطينة في اي مكان وهو سهل الدفع لوجود كفرات صغيرة .

وانا عني حاطتة بالصالة عند التلفزيون اركض واتفرج .

واما المعلومة عن انة ياذي المفاصل فهي حتما انها خاطئة لانك لو كنت تابعتي اي برنامج عن الصحة

راح تشوفين ان الكبار في السن والمرضى يمشون علية . والسبب في ألم المفاصل راجع للطريقة اللي تمشين فيها

والسرعة يعني لا تركضين من اول مرة تجري فيها على الجهاز لازم تمشين بالتدريج يعني مشي سريع مع

شهيق وزفير والبطن مشدود على داخل واول ما تحسين انك قادرة على الركض ابدئي فية وهكذا

والنقطة المهمة والاساسية هو لبس الحذاء الرياضي + شراب علشان ما تحتك قدمك بالحذاء وتسبب تقرحات.

وبالنسبة لسعرة انا اخذتة من محلات العمودي من الدمام . وسعرة كان 2800 وأخذتة 1300 شفتي مكاسرة

ولا أروع من كذا لازم ترسلين واحد شاطر في المكاسرة وعلى العموم هو كان مسوي تخفيض .

وأسمة: CAND MASTER.

وأنشاء الله اكون افدتك .