معك حق يا اختي هم الحريم كذا
انا تاخرت بالانجاب سبع سنوات وكنت احقد على الي تقول انتي في نعمه و راحه نصابه وربي
هي ما عاشت ولا جربت الي نحسه كنت اظن انهم يقولون كذا خايفين من العين لكن احسنت الظن بعدين
قلت يحاولون يخففون
بعد سبع سنوات الحمدلله ربي رزقني وجبت ولد وحلت بعدها على طول و الكل يقول يارب تجيبين بنت
على اساس زر الكنترول بيدي مو رزق مكتوب من الله صار في بطني ولد ثاني
وبدى نفس الموال معليش يا حبيبتي ولا يضيق صدرك والي عطاك الولد بيجيب لك البنت
الناس كذا ما تسكت ابد تحب تحشر خشمها في كل شي من قالهم اصلا اني زعلانه لانه ولد ثاني الحمدلله رزق
ووحده عندها ثلاث ينات نفس الخطاب لكن بالاتجاه المعاكس و الثالثه عندها ولد عمره خمس سنوات
ليش تاخرتي ما جبتي الثاني و الي جلطني من جد وحده عندها ولد و جابت بنت بعده على طول قلت خلاص
هذي سيده الموقف وش بيقلون لها تخيلي يقولون لها وراك جبتي ورى بعض التربيه تبي و تعب عليك

هم الحريم كذا مو بس المتاخره ما يخلون احد في حاله و يحشرون خشمهم في كلش لكن الواحد ما ينتبه
الى للكلام الموجه له و الي يجرحه نصيحتي لك يا اختي طنشي و عيشي حياتك
كل شي بيد رب العالمين و ربي يرزقك و يرزق كل محرومه على وجه الارض لكن لا نعلم عن تقديرات
الله ومتى الوقت المناسب
ولا تيئسي غاليتي ولله قصتي مع الانجاب مؤلمه جدا لكن لو بكتبها لك بيطول الكلام
بس انا قررو لي استئصال الرحم وانا ما عندي ولا طفل وتقفلت كل الابواب بوجهي ما بقى لي
الى باب الكريم الي ما تغلق ابوابه اتجهت له بكل جوارحي و توسلت اليه بما اوتيت من قوه ما كنت ادعي
بالحمل وقتها لا ادعي بان يشفى رحمي ولله يا اختي اربع شهور و نص من تقرير استئصال الرحم ولا انا حامل
في بكري الحمدلله و الشكر
ومن اول ما ولدت ولدي وانا اسجد سجود الشكر شيه يومي كل ماشفته قدامي وتذكر وين كنت و ين صرت
سبحان من يحيي العضام وهي رميم احيى رحمي وهو ميئوس منه ولله قال وان شكرتكم لازيدنكم ماهي الى خمس
شهور ولا انا حامل بالثاني ولحد الحين ما ولدت دعواتك لي بالهون و التمام

بيجي يوم و تذكرين قصتك و تواسين اخواتك المتاخرات لكن اتجهي الى الله بيده كل شي

انا لما يضايقوني زيادة اقول لهم ايه انا متاكدة ان ربي بيرزقني ذرية غييييييييير عن ولادكم ، و هذا هو الأهم عندي فالحكمة مش بالعدد و انما بالكيف خخخخخخخ فأقوم بتحويل الحوار من ناحية انهم يواسوني و يذكروني بنقصي الى ناحية اخرى تماما تناقش اشكالية و ماذا بعد الإنجاب عندهن و ما هي المردودية المحققة بعد عمليتي الوضع و الإرضاع و من ثم الفطام خخخخخخخخخ ؟ فيا ريت كل وحدة أنجبت تركز على هالنقاط لان الحكمة مش في الإنجاب و انما في الجودة المحققة بعد الإنجاب .
الله يهب لك ذرية صالحة ، و كل نساء المسلمين ي رب .

حبيبة قلبي انتي
بالعكس ياروحي مفروض هالموقف يقووويك
لانك مظلووووومه وما يخاف الا الظالم
وافرحي ياقلبي لان ربي معك واعطاك حق استجابة الدعاء
ليش تحزني وتزعلي
هم لو مو حاسينها نقطة ضعف ما يستخدمونها ضدك
حبيبتي انتي ان تكلمو بالذريه
قولي اذا فيهم خير الله يجيبهم بالسلامه
وان حرمني فهذي حكمته اللهم لااعتراض

واذا انسألتي عن هذا الموضوع جاوبي بكل ثقه وابتسامه
واذا بدا احد يطبطب عليك بالكلام
قولي ما تاخرت الا لحكمه ربي يعلمها
والله يرزق كل محروم
وغيري السالفه على طول
ثقتك بنفسك اساس الموضوع
اياك تضعفي وتاكدي ماراح تاخذي الا رزقك ونصيبك
ويارب ياحبيبتي ما تتم السنه الا وجنينك ينبض بداخلك
قادر ربي يفرحك ويرزقك 🌹

و مهما كان الالم اللي تحسينه
من شماتتهم واذاهم
تاكدي ياقلبي انك سويتي الصح
والله بيعوض كل وجعك بخير
لانك ما رضيتي بالاثم والظلم
وحطيتي مخافة ربك امام عيونك

واذا ما جاك العوض بالدنيا تلاقينه بميزانك بالاخره
واصبري لاتنسي وعد الله للصابرين
(انما يوفى الصابرون اجرهم بغير حساب)
🌹

الله يرزقك الذرية الصالحة ..
كل تأخيره فها خيرة


في الحقيقة راح اقولك معلومه طبيه ممكن تساعدك
(المراة تحمل في يوم واحد في الشهر وهو يوم التبويض وهو اليوم 14 بعد نزول دم الدورة.. ممكن تقراي عنه يفيدك ..

وكلي أمرك لله

شوفيني مثلك اصبري وادعي والله يرزقنا

وكل محرومة

وكل متأخرة بالزواج وكل أرملة ومطلقة ودها بالزوج

الصالح الله يرزقنا يارب ويسر لنا أمورنا