الله يعيننا ويصبرنا


هذا الرابط جدا يريحك اقريه لأخر صفحة


يارب فرجك
الحمد لله
http://forum.hawaaworld.com/showthread.php?t=1867633

يااختي اناكنت متأخرة بالانجاب وللحين ربي ماكتبلي عيال وحقيقة اقولها لك كنت براحة من الازعاج ودوشة الاطفال اطلع مع زوجي باي وقت برد حر غبار ونسافر ونفلها بدون مانحاتي الصغار وين نتركهم او يمرضون علينا وانام بكيفي واقوم بكيفي ماوراي هم لا احد يقطع علي نومتي ولا فيه من يصيح فوق راسي بس هو هم عدم الانجاب نغص علي كل راحة كنت عايشتها ونساني الوناسة والزوج الحنون والرغد اللي كنت فيه 
الحين اهم عيال اختي لانها تداوم واذا نامو احاول انام معهم عشان مايصحو ويقوموني غصب ولازم ااكلهم واغيرلهم يعني حياتي مرتبطة فيهم وحسيت بشعور اللي تقول انك مرتاحة وماوراك هم 
ترى لان عندنا مشكلة فنتحسس من اي كلمة والبعض الله يهديهم تفكر ان الناس خايفة منها وصدقيني اذا ربي رزقك قريب ان شاء الله بتنسين ايام الهم والضيقة وتقولين كنت براحة بس ماكنت حاسة 

الله يرزقك ويرزقني وكل محروم يارب 
انا استغرب من اللي تقول انتي في راحه ماعندك عيال طيب كيف ربي يقول زينة الحياة الدنيا والذريه نعمه عمرها مابتكون  نقمه اذا تعبتي الحين بكرا ترتاحي والمحرومه اذا ارتحت الحين من الازعاج الاطفال بكرا لما تعجز بتتعب بس هم كذا الله يهديهم يتبطرو على نعمة ربنا 

اتذكرت موقف قبل فتره صارلي فيه عجوز بناتها ماتجوزو وهم كبار المهم انو انا قبل جوازي كانت تعاملني على اني بزره حتى ابتسامه منها مافي وانا كنت احترمها بحكم سنها ولما اتجوزت تغيرت معي مرا اول ماتقابلني ببتسامه وتشاركي الحكي معها يعني معاملتها تغيرت مرا ومرت الشهور واتجوزت وحده من بناتها وعلى طول حملت مشاء الله ربي يتمم لها المهم كنا في مناسبه وهي كانت قاعده في مكان بعيد عن المكان اللي انا قاعده فيه المهم رحت ادور عليها وسئلت عن مكان وين قاعده ورحت لها وانا مبسوطه وجيت اسلم عليها إلا ألاقيه مكشره قلتلها كيفك قالت الحمد لله بخير وعلى طول قالت وخري وخري وشقت الابتسامه اللتفت ألاقيها وحده دوبها اتجوزت من خمسه اشهر ومشاء الله حامل واصلا البنت لسى تمشي مقتربت منها اللتفت لها وعلى طول دفتني تبيني ابعد قدام بناتها حزة ابخاطري هذه الحركه 💔

كل شئ بيد ربي قال تعالى { لِّلَّهِ مُلْكُ السَّمَاوَاتِ وَالْأَرْضِ ۚ يَخْلُقُ مَا يَشَاءُ ۚ يَهَبُ لِمَن يَشَاءُ إِنَاثًا وَيَهَبُ لِمَن يَشَاءُ الذُّكُورَ (49) أَوْ يُزَوِّجُهُمْ ذُكْرَانًا وَإِنَاثًا ۖ وَيَجْعَلُ مَن يَشَاءُ عَقِيمًا ۚ إِنَّهُ عَلِيمٌ قَدِيرٌ (50)}

وقال تعالى﴿فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُمْ مِدْرَارًا (11) وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا﴾