متلازمة الحيض يمكن تكوني مصابه فيها وانتي ماتدرين محتاجين حل يابنات ؟؟!!!

السلام عليكم ورحمة الله وبركاته

كيفكم ان شاء الله بخير

موضوعي حابه اطرحه للنقاش وإيجاد الطرق المناسبه للعلاج


طبعا في البدايه ماكنت اعرف وش السالفه لدرجة اني شكيت ان فيني مرض ولاشي مو طبيعي في جسمي لان الاعراض تخوف كل فتره تتطور لدرجة اني وصلت لمرحله ماعاد أتحرك وحابه أتاكد كم نسبة اللي يعانون من هالحاله وكم وحده بدأت تتغير معها الاعراض حتى نقدر نساعد بعض لانه للاسف مافي علاج معين كل وحده تختلف طبيعة جسمها وتختلف طرق العلاج


كانت الدوره طبيعيه وأعراضها عاديه المعروفة عصبيه والام اسفل البطن كانت تجيني قبل بيومين بس وإسهال والام في الصدر ماكنت متوقعه في يوم من الايام انه راح تتطور اكثر من كذا من كم سنه بدأت تتغير الاعراض وتزيد صار فيه صداع واختفت الام الثدي وبعدين بعد كل دورتين ثلاث تبدا اعراض جديده عصبيه شديده خمول ثقل في النفس خفقان شدييييد لدرجة اني أتشهد لحد ما اشتدت الاعراض وصرت الاعراض تفك عني من ثالث يوم الدوره بس واجلس مرتاحه بعد 7 او 9 ايام بعدين ترجع تمسكني كرهت نفسي وكرهت الدوره اجلس ابكي يالله أتحرك صارت شديده مره لدرجه تعيقني عن الحركه ولا احب الإزعاج وتجيني رجفه ورعشه ماكنت مقتنعه انها اعراض دوره لحد ما تاكدت وصرت أراقب متى تبدا معاي وصار عندي ضيق في النفس وشي مو طبيعي خلااااااص كاني عجوز يالله أتحرك يادوب اقوم اصلي اا وانا جالسه بعد رحت كذا دكتوره لحد ماقالت لي الدكتوره للاسف هذي أعراضها ومالها علاج الا فيتامينات ودخلت النت وسويت بحثت لقيت شي اسمه متلازمة الحيض وعرفت مشكلتي وبصراحه انا خابفه انهار تدرون لدرجة افكر اني انهي حياتي الزوجيه بسبب الاعراض اللي مو تاركتني اقوم بواجباتي الزوجيه وقلت راح احاول اخر محاوله أدور علاج بنفسي لهالمشكله مو معقوله مافي علاج الا فيتامينات لقيت في حريم خفت عندهم كثير بسبب الرياضه وتغيير النظام الغذائي


بنات حابه تساعدوني والله انا راح اخسر اشياء كثيره بسبب أعراضها تخيلو كرهت كل شي بس جالسه بالبيت ماني قادره أتحرك وأذا تحركت زاد الكتمه والخفقان واكتئاب وضيقه شديده بصراحه قريت كثير عنها وفعلا عرفت اني مصابه فيها وكثير من الحريم مصابات فيها بس مايعرفون وفي بنات في بدايتها عشلن كذا انصح كل وحده بدات تعاني من اعراض غريبه للدوره تلعب رياضه وتلحق نفسها لاني لاحظت الشهر اللي يزيد فيها نشاطي الرياضي تخف علي كثير بس للاسف عندي ربو ما اقدر ألا امشي بس


اللي حابه اعرفه انه كم وحده تعاني من اعراض حاده تسبق الدوره حتى بأسبوعين وايش الاشياء اللي تساعدها لتخفيف من حدتها وهل اللي تستعمل حبوب منع الحمل تطورت الاعراض ولا أعراضها خفيفه جدا لانه انا تاركه الحبوب من أكثر من عشر سنوات ومتى تبدا معها الدكتوره قالت لي انه في فيتامين زهرة الربيع ممكن يساعدك لانه للاسف هذي المشكله مالها علاج دوائي معين بس طلبت مني تحليل هرمونات معينه يمكن تبين معها اسباب ثانيه تخلي الاعراض تزيد مع العلم انه الاشعه سليمه من تحت ومن فوق الحمدالله وبعض تحاليل الدم والغده سليمه وارتفع فيتامين دال من 5 الى 23 وتقول الدكتوره يبي له بعد زياده


انا الان أكلمكم وانا أعاني الاعراض بدات توي مرتاح كم يوم والغريب انه صارت معاي حاله جديده قبل سنه تجيني الدوره مرتين في الشهر بعض المرات وتخيلو اصير أعاني من الاعراض طول الشهر بس ارتاح كم يوم وخلاص يعني شي صراحه يخلي الواحد تعبان نفسيا زياده على التعب الجسدي لاني قادره اهتم بنفسي ولا اروح واجي مثل الحريم كوافيرات ولا عيادات ولا حتى اسواق اخلص شغلي الحمدالله على كل حال يارب رحمتك