لوليا الشوربة كتير سهلة

بعذ إذن عروس يعني

افرمي بصل ناعم وبعدين حطيه بطنجرة مع مي منيحة ومبحبحة

أنا بعمل كاسة عدس بتكفي يومين

فكاسة عدس أحمر بدها شي 3 أو 4 كاسات مي تقريبا

سقطي البصل والعدس فوق المي وبس ليغلوا نوصيه للنص وحطيلهم شوبة بهارات وملح ومكعب ماجي

وخليهم يدوبوا دوبان

هي طريقة بلا لحمة

طريقتي المفضلة مع اللحمة والعظم

تسلقي اللحمة والعظم منيح منيح وبعدين بتسقطي العدس والبصل فوقهم وبتتركيهم على النار ليصيروا

كنت حطلها رز من اول ما عاد حطيت بتطلع اخف

وان شاءا لله تعجبك طريقتي

يا بنات طالع هلأ عمرو خالد عم يحكي عن دور الأم المحفزة للنجاح

عم شوفه على قناة الرسالة على النت كتييييير حلوة الحلقة

http://www.el-khalifa.net/alresalah-channel.html

سلامات يا صبايا
بدي أتشكر كل اللي سألوا عني و لا تأكلوا همي لساتني صامدة ..بس المشكلة أنو مهدود حيلي...الكريب صارلي من أول رمضان ما كنت أعرف أخلص منه و متل من ما حكت ساجدة مشغولة كتير بتحضير بيتي و غراض البيبي لأنو صارلي تقريبا أسبوع بالشهر التاسع و الله أعلم إيمتا رح أولد
بس و الله متضايقة كتير لأني حاسة حالي مقصرة كتيييييييييييييييير برمضان لأني كنت ناوية على غير هالشي بس و الله لا صلاتي صلاة و لا قرآني قرآن..الله يعفو عنا و يغفرلنا يا رب

بس بالله يا بنات بدي أطلب منكم تدعولي بهالأيام الفضيلة ...و طلب تاني أنو يا ريت اللي بتعرف أدعية خفيفة و جامعة بنفس الوقت تكتبلنا ياه خلينا نفيد و نستفيد


صدقوني نفسي رد عليكن وحدة وحدة بس و الله فارطة منشان هيك أمانة لا حدا يآخذني

لوليا ما شاء الله عليها شام لحقتك بالوصفة.. أنا بحبها باللحمة و بعدين بعصر عليها ليمون و رشة كمون بتطلع خيلة :) ايه نسيت شغلة.. ماما بتعمل شوربة العدس بطنجرة الضغط, بتلاقي العدس ذاب و ما عاد تحسي فيه عم يقرش.. أنا هيك بحبها.. بس حماتي بتعملها العدس لسه عم يقرش و بتحط فيها رز.. هيك طيبة و هيك طيبة..

شام.. لك الموضوع كله بلاكي ما كان بيصير.. انتي العميدة تبعنا هون.. الزعيمة يعني..ها ها
هي حارتنا و ما حدا أحسن من حدا..

نايس سميل.. الله يوفقك و يقومك بالسلامة.. انتي ما بينعتب عليكي لأن الشهر التاسع متعب فكيف و انتي بغربة.. تعب فوق تعب.. ديري بالك على حالك و طمنينا ايمتى ما صحلك..

بتعرفوا, صرلي يومين عم إقرأ بقصة امبراترايث (فستاني الأبيض)
مو معقول هالمخلوقة شو مرت بظروف صعبة.. و الله قلبي تقطع عليها..
دانية اذا بدك شي يسليك و يهون عليكي, اقرأي قصتها بتحسي انك بألف خير من رب العالمين و انو نحن البشر طماعين, الله منعم علينا بالصحة و ولادنا بحضنا, و فوقها عم نسق و نق.. الله يوفقها هالامبراترايث و يردلها ولادها لحضنها..

على سيرة الحارة الشامية, لازم نعين سوسو المحقق الرسمي و رئيس المخفر بما انها طلعت شرلوك هولمز :)
و هنودة حبيبتي برجع بقول ألف ألف مبروك.. الله ينولك يللي ببالك