السلام عليكم ورحمة الله وبركاته
اول شي بنات ان شاء الله رمضان مبارك عليكم وكل عام وانتوا بالف الف خير
تاني شي ان شاء الله تكونوا متذكريني لساتكم بعد هالغيبة الطويلة ...ما صرلي الا اسبوعين راجعة واول ما فتحت الانترنت كتبتلكم لاني عن جد مشتاقتلكم كتير وبعتذر منكم لاني انقطعت عنكم هالفترة الطويله سبحان الله الانسان دائما تحت الطاف الله عزوجل وما منقول غير الحمد لله انا مالي حابة حزنكم معي او اشغلكم بالكم بس كان لازم انزل على الشام فجاة وبعد ما نزلت كرفتة منشان شغلة صايرة هنيك بعد وصلتي بشي 3 اسابيع صار معي حادث وضليت شي شهرين ماعم اتحرك منشان هيك طولت بالرجعة لامريكا استنيت لصرت منيحة انا اسفة ما بدي وجعلكم راسكم معي المهم الحمد لله ونعمه هلاء انا بخير وبتشكر كل يلي سالوا علي.... هلاء ما شاء الله رايح علي كتير واكيد في بنات كتير جداد ما بيعرفوني بس اكيد يلي من قبل لساتكم ما نسيتوني بالزور مو هيك هههههههههههه
ان شاء الله انا راح ضل معكم هلاء بس حبيت سلم وعايد عليكم واتشكركم كلكم انا حابة عدكم بس امانة يلي بيسقط اسمها سهوا لا تزعل مني اول شي حبيبتي ساجدة يلي بعتتلي على الخاص ومزون اشتقتلك كمان وهنودة الحبوبة ونايس وهيلين ونور الدرب والعزيزة كتير شام وبطة ولوليا وكيلوباترا وفتاة واكيد في كمان بنات بس والله عن جد هلاء هدول يلي اجوا ببالي يا ريت فيني اقرا كل الصفحات يلي رايحة علي منشان اعرف اخباركم بس لا تواخذيني لانو كتير كتار علي بس اكيد وباذن الله راح ضل على اتصال فيكم سلام بنات

الله يجزيك الخير يا شام انت وعروس خير الجزاء انا قليت بصلة وحطيت فوقها كاستين عدس وكمشة رز و6كاسات مي وطبختها بالطنجرة العادي قبل هلا كنت دائما اطبخها بالبخار بس ضايع طربوش الطنجرة
عروس معك حق كلما اتذكر قصة امبراتريث وكون متضايقة بلوم حالي ماشاء الله عاهلصبر يلي عندها الله يجمعها بولادها يارب ويجبر بخاطرها

لك اهلين بالمزة الحمد لله عاسلامتك والله ما نسيناك سبحان الله هداك اليوم قريت مشاركة الك وقلت لحالي سبحان الله ماعاد عرفنا عنها خبر للمزة وان شاء الله سلامتك وما عاقلبك طمنينا عنك هلا صرتي احسن وخليكي معنا نتونس فيك يا حلوة

الحمد لله طلعت عزيمتي تمام ساويت تبولة وصينية جاج وبطاطا وفريكة وسلطة المعكرونة الملونة والحلو كان تارت الفواكه وانبسطنا الحمد لله وكلو تمام

بتعرفو بنات ياريت لو اقدر اعزمكن انتو الكل لعندي عالفطور برمضان ونقوم نصلي كلا التراويح مع بعض يللا ان شاء الله منجتمع بالجنة يارب وتصبحو على خير الساعة الان الواحدة صباحا

صباحكون ورد أنا اليوم مبسوطة ومروقة طيارتي المسا إذا الله راد
ادعولي أمانة

ألف ألف مبروك لهنودة الإشراف والله أنك بتستاهلي

المزة الحمد لله على سلامتك والله اشتقنالك وسألنا عنك الحمد لله يلي اطمنا عليكي
كيفو ابنك الله يسلمو ويخليلك ياه

باقي البنات اعذروني قايمة سكر شنتيي وركن بيتي مشان كون مخلصة قبل موعد سفري
بتوصوني بشي وإذا فتح معي النت من الشام ببقى بشوف أخباركون ادعولي الله ييسر ولادتي

أهلين حبيبات قلبي لك إنشالله بتتهنوا يا حق

والله أنا كانت مفاجأه لألي إنو يختاروني مشرفه بس إنشالله يارب كون قد هالمسئولية وما خيب ظنكن فيني وتسلموا حبيباتي وعقبال عندكن جميعا

وعروس حبيبتي الله يجبر بخاطرك إلاهي إنت ولوليا ومزونه تقبر قلبي و شامو الغالية

وهلأ بجي للمزة أي والله استفقدنالك كوماياااااااااااااااات لك إنشالله ألف الحمدلله عسلامتك
ودائما عم نذكرك بكل خير وما نسيناكي منوب وإنشالله دوم عمتطلي علينا وسلامة قلبك حبيبتي

ست الحسن الله يجبر بخاطرك إلاهي أي البيت بيتك وقت مابدك اتفضلي لعنا منتشرف

ســــوســـو برافوا عليك مافي أشطر منك أنت يللي حزرت مظبوط شو هي المفاجأة!!
ومشان هيك متل ماقالت عروس ومن بعد إذن شامو بما إنها العكيد تبعنها (هههههه) عيناك رئيس الكركون بحارتنا المتواضعه (ههههههههههههههه)

مزونه حبيبتي الله يجبر بخاطرك إنت وحبيبة قلبي نايس وإنشالله نفرح بقيامكن سالمين مجبورين القلب والخاطر أنتو والببيّات

:26::26::26:

ام جابر
اعذرينا لاننا ما ردينا عليكي بس لاني مو من بلودان وحتى كل يلي بالمجلس نفس الشئ ونحنا بغربة وكل اليوم البلد بتتغير صراحة انا ما بعرف المحل يلي قلتي اسمه .....
المهم عروس الشام ما قصرت الله يعطيها العافية وان شاء الله بيوصل طلبك ,,,,,,,:)
ست الحسن اهلا وسهلا ومرحبا نورك طفا الكهربا :icon28: اهلا فيكي ايمتى ما حبيتي ويا ستي القلوب عند بعضها انا معجبة فيكي من كتاباتك وطرحك للمواضيع بشكل محترم وعقلاني وصدقيني الجمال مو ببشرة بيضاء وعيون زرقاء او خضراء او كحلي ههههههه المهم حلاوة الروح وطيبة القلب ومشكورة على مرورك ,,,,,:26: