لك يحرق حريشك هنودة انا وانت على الخط ......
كيفك يا قمر اليوم طار عقلي ( بس ربك حميد رجعتو لاني بحاجتو :42:) وقت قريت الخبر لانو منزلينو مبارح وانا كنت نايمة بعاشر نومة ههههههه الف الف الف مبروك وان شاء يكون حجة الك مو حجة عليكي يا رب وبدنا الحلوان يا ويلك اذا بتتهربي شو اطلب بما انو طلعت توقعاتي صح اممممممممممم ما بدي منك يا تقبشي قلبي الا انو تدعي لي انو الله يفرج همي وينولني يلي ببالي بس مو هلق ليصير لك صلاة هلق دعاؤك مو مستجاب هههههههههههههه ..... امري لله بقبل كون رئيس الكركون بس مو متل ابو طلعت ( زهير رمضان ) عوايني وجاسوس للانكليز لا رح كون قدعة بنت قدعة ورح تنبسطوا كتير مني >>>>>>>>>> والله لنيشنكم واحدة واحدة هههههههههههه ..... ما قلتي لاهلك انو صرت مشرفة شو قالوا لك ؟؟؟؟؟؟

مزون تروحي وترجعي بالف سلامة بتعرفي والله قشعرتي لي بدني لما قريت كلامك وحسيتك طاير عقلك وفرحانة بشوفة اهلك الله يتمم عليكي وتقومي بالسلامة انت وكل الحوامل يا رب وابقي لا تقطعينا صحيح النت هنيك بيعل القلب بتروحي بتقضي لك كم غرض لبينما تفتح لك الصفحة بس المهم طمنينا عنك ......

لوليا الحلوة الحمد لله انو عزيمتك طلعت حلوة وبتبيض الوش لكان لانو انت عامليتها بس غريبة تاري كل ناس الها طريقتها بطبخ شوربة العدس ,,,,,, انا مثلا بحط سمنة بالطنجرة مو كتير وبحط فوقها بصلة كبيرة مفرومة وسط مع لحمة راس العصفور ( مقطعة وسط ) وبقليهم متى ما استووا بحط حوالي اربع كاسات مي بحط كاسة عدس مجروش منقى ومغسول ونص كاسة رز مصول ومغسول وبحط ملح وشوية فلفل ابيض براس الملعقة وكمون وشوية بهار ( قرنفل مطحون ) طبعا بكتر الكمون وبقلل البهار منشان يعطيها الكمون اللون الاصفر وبحط عصفر هادا مهم بهالطبخة وبغطيها وبخليها على نار هادية كتير وبخليها تستوي على هداوة لانو الطبخ الذ اطيب اذا انترك ينطبخ على نار هادية ودوقي احلى شوربة وادعي لي هيك مامي بتطبخها :42:ووقت تستوي انت اذا بتحبيها تقيلة بتخليها تتعقد (( تعذيب نفسي هههههه)) على النار واذا بتحبيها خفيفة زيدي لها مي وهادا المقدار بيكفيكي ليومين ,,,, وتمتعي سيدتي بطعم لا مثيل له من الطباخة الامورة العصفورة الحلوة يلي بتاخد العقل سوسو الحبابة :42:
ومتل ما قلتي يا ريت نجتمع على شئ فطور ((( تعالوا لعندي ))) ونصلي بعدين جماعة اه ه ه ه ه ه ه ه يا ريتتتتتتتتتتتتتتتتتتتتتتتتتتتت ناطف قلبي على صلاة التراويح جماعة مبارح حكيت معي اختي تقبر قلبي وقالت لي كانت معزومة على التراويح مع رفقاتها عند التيتشر تبعها >>>> ابوك يالانكليزي هههههه اذا بقول لكن رح ابكي شوي تانية تذكرت الذي مضى اي الله يعوضنا رح تتفتق جروحاتي .....يلا ان شاء الله ربي يجمعنا عن قريب .......( نسيت قللك انو مبارك ما اجاها لاختك وتتربى بعزكن ان شاء الله )
ومنشان العصبية يا ريت تلاقولي حل والله رح جن من حالي اه الله يخلصني منها اول مبارح شفت لعمرو خالد برنامج الجنة في بيوتنا ما لحقتو كلو بس لحقت مقطع كان عم بيقول فيه انو رب العالمين بيجازي الانسان على كل شئ بيعملو وخصوصا الام فيقتها بالليل وعذابها مع ولادها هادا كلو بميزان حسناتها والله يا بنات بكاني لانو قلت يمكن مالي اجرلاني احيانا كون تعبانة وهلكانة والرضاعة الليل بتتعب احيانا بربر مدري شو وانا قايمة قلت ضاع اجري وتخيلوا هادا على كل ولد بقا الله يعفو عنا ....

المزة الف الف الف الحمد لله على السلامة ويلي رجعك ربي سالمة لبيتك وجوزك وابنك ,,,, خير شو صار معك .....

عروس اي قصدي شو درست لانو ما شاء الله باين اختصاصك حلو نصيحة لا تروحيه بعدين بتندمي ..... ودخلكن لخصوا لي قصة امبراتريث لانو والله ما في وقت اقراها شهيتوني اعرف شو بها وليش ولادها مو معها ... الله يفرج عنها بجاه هالشهر الفضيل .....

بطة طولي بالك وارتاحي وبكرا بتنسي كل هالتعب لما تشوفيه بين ايديكي وخصوصا فيقة بالليل :06:


دانيا وينك يا بنت الحلال لتكوني زعلت والله مو قصدي الا خفف عنك وان شاء الله بيجي وقت ببعتلك كم شغلة بشئ رسالة بس لافضى ان شاء الله .....

بعدين ما اتفقنا انو كل واحدة تكتب شو فطورها وتكتب لها شي نصيحة دينية سمعتها والاهم من هادا كلو تكتب شو دعت ولمين دعت >>>> شحادة محترمة ماشي الحال زعلت منكم >>>> ومين سائل :icon33:
بعدين ما فير فتاة كتبت لي وصفة شوربة والباقي طنش ماشي الحال ......


ميس وزنزون وهيلين ونور وسما وايه وبنت الشيشان وخصوصا كليوبترا ( يلي ما قالت لي على الاحداث لهلق وخصوصا فار قلبي مبارح لما انفضح ابو عصام انو عم بينام بالدكان تبعو ولو كانت وفاء موصللي قدامي لكنت ×××××× من جكري منها )وفتاة بما اني رئيس الكركون رح اخد بحقكم الاجراءات القانونية بقا ارجعو قوام :angry2:


سلملم

سبحانك اللهم وبحمدك اشهد ان لا اله الا انت استغفرك واتوب اليك

دخيل صباحكم شو حلو و بيفرفح القلب.. لك ما صايرلي شغلة و لا عملة غير فوت هون و حاكيكم.. كنت زمان اكتب مواضيع, شارك بمواضيع.. هلأ ما عندي غيركم حبيبات قلبي اتسلى معهم :) الله لا يحرمني منكم..

المزة.. الحمدلله على السلامة.. نورتينا و ان شاء الله دائماً معنا على الخط..

لوليا الحمدلله طلعت عزيمتك بتشهي و شهيتينا معك.. تعيشي و تعزمي..

ست الحسن.. يا مية أهلا و سهلا بهالقامة و هالعين.. بتعرفي كل ما بقرأ اسمك بتذكر ميمونة و مسعود (وحدة عايشة طفولتها) بتتذكروا ست الحسن يللي كانت حورية للبحر و بتاخد ضبنات العقل من قد مو حلوة..
و يا ستي ما كنت بعرف انكم بالسعودية بتقولوا (تهجون) لأن لهجتكم بالسعودية مختلفة عن باقي اللهجات الخليجية.. بحسها أقرب للعمانية.. بينما القطرية و الامارتية و البحرينية و الكويتية قريبين من بعضهم كتير.. أكيد في اختلافات.. بس انتم بالسعودية كلامكم (مرة) غير :)
خرجي أعمل دراسة عن اللهجات.. ها ها.. بس عندي رفقات كتير من كل الجنسيات فبقدر ميز كل جنسية بسهولة من جملة وحدة بس..


مزون.. إلهي يقومك بالسلامة و ما تتعزبي بالولادة.. اقرأي قرآن قد ما بتقدري على نية التيسير.. و وقت الولادة خلي حدا يقرأ قرآن فوق راسك.. أنا خليت جوزي يقرأ سورة مريم فوق راسي لحس اني بألف نعمة يللي عم أولد بالمستشفى مو متل السيدة مريم قديش تعزبت بولادتها..


هنودة انتي قدها و قدود.. لا تخافي على حالك, ما شاء الله علمك و رجاحة عقلك بتوزنا كلنا..


سوسو معك حق و الله.. الشغلة مو لون شعر و عيون.. بتعرفي أنا مدري ليش بس شوف وحدة شقرا ما بلاقيها حلوة و بحس السمرا أحلى.. و بضل قول لجوزي بدي اسبح لاسمر.. مليت من البياض.. بس ما بيخليني!! بيحب البياض شو بدي أعمل بحالي..
و على فكرة مو كل السوريات عيونهم ملونة... الغالبية عيونهم سود و شعرهم أسود.. الفلسطينين على فكرة عندهم عيون ملونة أكتر منا..

يللا بشوفكم على خير..

بعدين ما اتفقنا انو كل واحدة تكتب شو فطورها وتكتب لها شي نصيحة دينية سمعتها والاهم من هادا كلو تكتب شو دعت ولمين دعت >>>> شحادة محترمة ماشي الحال زعلت منكم >>>> ومين سائل
لك لا تزعلي و لا يهمك.. بس و الله ما انتبهت..
يا ستي تعي لقلك.. أنا عاملة بيف سترايجنوف, جوزي بيحبها كتير و جنبها رز بسمتي أبيض.. و شوربة جاج و شعيرية و حشوف شو خرج كمان أعمل.. جاي على بالي أعمل جيلو أو كريم كراميل.. مبارح اشتهيت الحلو.. ايه و اتسحرت فول مدمس غير شكل :)
النصيحة الدينية, يا ستي قريت موضوع هون بالمنتدى عن طريقة لمنع السرحان بالصلاة, و عجبتني كتير..
و مشان الدعوات.. كل يوم بدعي لأمي و أبي الله يطول بعمرهم و يشفيهم لأن ماما عندها السكري و بابا عنده مشاكل بالقلب..
و بدعي لستي الله لا يحرمني منها كترانة مرضاتها و دوختها..
و بدعي لجدي الله يرحمه
و لجوزي الله يخليلي ياه و يثبته على طاعة رب العالمين و يدخلني الجنة أنا و ياه
و لابني الله يطلعه من الصالحين و يعيني على تربايته
و لاخواتي واحد واحد.. و أهم واحد أخي يللي أصغر مني حاكم صاير طايش و عم يرسب صرله سنتين بالجامعة و داير ورا رفقات مو عاجبيني بنوب.. فطول النهار و الله عم ادعيله الله يهديه.. كتير هكلانة همه.. حاسة اني السبب بطريقة أو بأخرى لأني كنت كتير قريبة منو بصغره و كان يسمع كلمتي لأني مربيته على ايدي.. بس بعدين انخطبت و بعدت شوي شوي.. لحد ما حسيت حالي بعيدة كتير و ما عد عرفت شو عم يصير بحياته.. و أهلي مشاغلهم كتيرة.. حسيت اني بعد ما اتزوجت فقدوني لأني كنت ساعدهم باخواتي يللي أصغر مني.. حاكم أنا الكبيرة :)

طولتها و هي قصيرة بس عن جد مشغول بالي على أخي.. يا ريت تدعولوا الله يهديه..

يبعتلكم الهنا

يحرق حريشك يا ساجدة ة الله فرطوني من الضحك عند هالصبح

مستعجلة بدي ابعت الولاد على المدرسة وروح على كليتي

وراجعتلكم يا احلى بنات

ست الحسن والجمال والدلال نورتييييييييييييييييينا والمطرح مطرحك

ميت وردة


المزة الحمد لله على سلامتك والله رعبتينا شلون يعني حادث ما حادث

الله يحميك ويهدي بالك يا رب

يلى راجعتلكم حبيباتي

يا بنات اليوم عندي برزنتيشن امانة ادعولي تنجح وتطل ع متل ما بدي واحسن