فتاة.. لا تاكلي هم.. معظم الأطفال خصوصاً الصبيان بيصير معهم هيك..
أخي بمدرسة كلها عرب و من كم يوم اجى عم يبكي انو كان قاعد وقت الغدا لحاله و اجو اولاد و قلعوه مشان ياخدوا الطاولة.. حس حاله متل الغريب..
أحسن شي انك تشتركي بال PTA
و تحاولي تتعرفي على أي عرب بمدرسة ابنك و تعزيميهم لعندك مشان يترافق ابنك مع اولادهم و يصير يلاقي مين يلعب معه بالمدرسة..
ولا قلك, ما بدها PTA بكرة الصبح و انتي عم توصليه على المدرسة اتطلعي حواليكي اذا في عرب.. و ممكن كمان تسألي المدير اذا بيعرف عرب حاطين اولادهم بالمدرسة و يعطيكي رقمهم.. و على فكرة لو بتحكي للمدير يللي صار مع ابنك بتصور يتعاطف معك و يساعدك..
أخي مديره بريطاني.. تفهم الموضوع و نقل أخي لصف فيه واحد بيعرفه مشان يلاقي مين يقعد معه.. الاجانب بيهتموا بالناحية النفسية للطفل مشان هيك بتصور يساعدك..
الله يعينك و لا عاد تبكي.. تعي فشي خلقك عنا.. كم فتاة عنا نحنا؟؟ :)

صباحو بنات .....
الحمد لله يلي عجبتكم الغنية هي يا فتاة ست الكل انت هي غنية للمقوصة نانسي عجرم ما بتعرفيها اذا ما بتعرفيها اناااااااااااااااا بقللك مين هي والحل عندي وانا ابو هندي هههههههههههههه:arb:هي يا ستي مطربة من مطربات هالايام يلي صوت مافي بس معتمدة على لون عيونها الازرق وجسمها النحيف واظهار مفاتن جسمها ولانو بتعرف انو في رجال ما فيهم دين بقا هالطريقة خلت سوقها يمشي وصارت تتقاضى على الحفلة 300 .... 400 الف دولار هادا غير الدعاية يلي بتساويها لبيبسي 4مليون دولار لمدة سنتين >>>>> وشوبدك فيها رح تصيبيها بالعين ههههههههههه
وصوت اللهم عافينا لما تغنى لايف شوفي التجعير لانو ما في الات حديثة تنقي لها صوتها من النشاز يلي هو فيه المهم زبدة الموضع عملت شريط للاطفال شواسمو شو اسمو اسمو حمادةةةةةةةةة ههههههههههههههههههههههه اسمو شخبط شخابيط وعملت فيديو كليب الها وشوفي الولاد بيجنوا كل ما طلعت هالغنية هي وشاطر شاطر اولهم بنتي ( خلتني اشتري لها ياه من الشام للشريط ) :icon28:بقا اعملي بحث بالنت على غنية شاطر شاطر واسمعي اللحن( او اسمعيها من قنوات روتانا او الميلودي ما بيطلعوا عندك على الدش ؟؟؟؟ ) وقول لجوزك خود مني غنى كل الوقت هههههههه......3
ومنشان ابنك الله يسلم لك ياه لا تزعلي ولا على بالك انتبهي من كتر الزعل لانو بيساوي بلاوي برقبتك ولاد هيك يمكن ابنك مو جريئ يعمل صداقات بدك تعالجي المشكلة من الطرفين ابنك وتروحي على المدرسة تقولي للمدير وان شاء الله بيصير خير المهم تروقي صعي انت ام شو ؟؟؟
شامو الحمد لله يلي عجبتك الغنية ودخللك قوام بسرعة طريقة المايونيزلانو بموت فيه وخصوصي اذا كان متل تبع الشام ابيض مو اصفر وطريقة الشيش قوام م م م م .
هيلين ماسه الحمد لله بخير كانت مكربة وتسلم ايدك على هالطبخة الحلوة متلك ....... ومنشان الولادة لازم م م م الواحدة تكون امها جنبها ضروري والا بتتبهدل متلي ..
دانيا شو اخبارك ان شاء الله تمام
بطوطة يا ستي ان شاء الله تقومي بالسلامة ومنشان ولادتك الله يختر لك يلي فيه الخير بس على هالحالة قديش بدك تقعدي بالشام بعيد عن جوزك ...... بعدين ما بدو تعملي للبيبي اقامة منشان يسمحوا بالدخول معك ولا شو هلق انا لما اولد دغري حطيت بالسفارة بناتي على بسبوري مع انن هنن معهم بسبورات فرنسية منشان اول شي ينزلوا على دفتر العائلة السوري ومنشان ياخدوا الجنسية السورية لما يكبروا وكل فترة والتانية بيروح جوزي بيسجلنا بالسفارة يلي هون .... هي التعليمات الجديدة من وزيرة المغتربين الامورة بثينة شعبان :blink:منشان الجنسية السورية .......
ومنجي للعلمانية انا بعرف انو فصل الدين عن الدولة بس مع جوزي بالشغل واحد تركي من خلال كلام زوجي معو عرف انو مسلم سابقا ملحد حاليا والعياذ بالله وقلوا كل العلمانيين هيك بقى ما عاد عرفنا وين الصح .....
هنودة كيف يا حلووووووووووة مافي شئ عريس بالطريق :42:ان شاء الله اسمع خبر حلو علن قريب .....
اية وينك ما طبتي ؟؟؟؟ وهيك ما بتعزميني ماشي الحال زعلت :icon33:
المزة وينك يا قمر طمنينا عنك انت وسما وميس :)
نور كيكفك يا قمر وبيني وبينك حسابك بعدين وانت فهمتي ليش ؟؟؟؟؟:angry2:
وهلق بنجي لعروستنا مايا بتعرفي يا ستي انت بموت بالبنت الغلاية يلي متل الزبدية الصيني من وين ما رنيتيها بترن ماشاء الله حولك وحواليك ست وبيت وطباخة ومسؤولة العقارات بمجلسنا هههههه بس ما عرفت شو قصة البيوت يلي عم تحكوا عليها ( اخر من يعلم ) خبروني بركة الله بيتوب علي واشتري بيت
ومنشان الخل انا بجيب خل من عند جار بيت اهلي سكن جديد وبعدين عرفنا انو بياع خل ههههههه قصدي عندو معمل للمعلبات وشوفي بالعيد بتلاقي معبي كرتونة هالقد قدها وبيوزعها على كل سكان البناية بجيب خل الدرة لانو بيصدر منو لهون بس المشكلة في طبخات بتحتاج للخل الابيض وما بيصير تغيريه وغلبت هون ما كنت لاقي بدون كحول بقا اذا طريقتو سهلة ومقدور عليها بساويه ...... ولا تنسينا الله يرضى عليك من كل ما هو جديد في عالم العقارات السورية :42:
شاي ومزاج الله يختار لك الخير ويا ترى عندو علم جوزك بقرارك ؟؟؟؟ على كل حال لا تتسرعي ,,,, وانت هلق وين با ي بلد
ان شاء الله ما كون نسيت حدا ونايس ما رح اكتبلك شئ بطمن عليكي بالتلفون ههههههه :42:
على كل حال لاتنسونا من الدعاء
وان شاء الله ما كون نسيت حدا
انا عاملة اليوم سكالوب .... سلطة .... بطاطا مقلية ...... شوربة شعيرية .... فتووووووووووووووووووش :angry2:
اللهم يا لطيفا منذ الازل الطف بنا فيما نزل بحق الثران العظيم ومن عليه القران نزل
سلملم

بنات بدي اسالكن عن برنامج سكيب للاتصال متل الماسنجر ولا بدو اشتراك بمصاري يعني نفس نتيجة الكرت وبشو بتحكوا مع اهاليكم >>>>> من تمكن بالسماعة ههههههههه
الله وكيلكن الكرت ما فيه بركة شو اعمل ..... اشرحولي الله يرضي عليكن قوام ....

بنات وصلني على الايميل وحبيت تقروه وتروقوا شوي اولكم فتاة وهي خمسمية محروقة لاحلى شوارب فتاة هههههههه
الماسنجر في ايام الجاهلية ,,,,,
ابا جهل :مرحبا يا ابا لهب .........
ابا لهب : عمت مساء يا ابا جهل .. كيف حالك هذا المساء ؟؟!!!!
ابا جهل :اين انت يا ابا لهب لا اراك في "" تشات عكرمة "" هذه الايام ؟؟؟؟
ابا لهب : انا لم ابرح خيمتي منذ ايام يا صاح ...
ابا جهل : ولماذا ؟؟؟؟؟
ابا لهب : تبا لكمبيوتري دخله فيروس من نوع الحبشي وضرب اللوحة الام ضربا مبرحا .... مع اني وضعت له مقاوم للفيرسات الحبشية .... ولكن تبا لهذا المقاوم فقمت بتغيرها من عند وكالة مسيلمة الكذاب :42:
ابا جهل :لو اعلمتني لكنت اتيت معك لانني اعرفه فهو من رجال عشيرتنا ( شلة جهنم ) ههههههه.
ابا لهب : ولكن قل لي هل سال عني احد في "" دار عكاظ كوفي نت ""
ابا جهل : ثكلتك امك .... ان لك شعبية كبيرة يا ابا لهب سالت عنك ؟؟؟
عبسة بنت جرير ... وجدناها اتت ببعيرها وتقول بانها قلقة عليك لانك لم تفتح الماسنجر منذ اسبوعين .......
ابا لهب : عبسة بنت جرير تلك الفتاة الشمطاء ... تبا لها اني اكرهها ..
قل لهم "اني ساكون او لاين " ..... بعد ما انتهي من الورشة لان بها فرسي واعمل لها ( التشييك ) ..... وغيار الزيت ....كيف حال ابنك جهل يا ابا جهل ؟؟؟؟؟؟
ابا جهل : اه ه ه ه ه ه ه يا ابا لهب اكاد اجن منه ,,, البارحة اخذ فرسي خلسة وراح يشفط فيه .....
كاد ان يرتكب حادث فظيع ..... ولكن ماذا سنفعل انه مجرد ولد طائش ....... وانت ما اخبار ابنك لهب معك ؟؟؟؟
ابا لهب : لقد ارسلته الى الجيش لكي يؤدي الخدمة الالزامية ووضعنا له واسطة لكي يكون بالقرب من مضاربنا ..... واختصاصه الرماح طويلة المدى ....
ابا جهل : حسنا حسنا يا صديقي ..... ساستاذنك لارد على بعض المواضيع في منتديات " قريش دوت كوم "
ابا لهب : تشاو يا ابا جهل ....
ابا جهل : باي ....
ان شاء الله تكون عجبتكم واذا عجبتكم في كتيررررررررررررررر شغلات بتفرط ضحك انتو اااااااااامرو يا طويلات العمر وهي نكتة على البيعة ...
ليش السعودي كل ما حلق عند حلاق سوري بيطلع اصلع ؟؟؟؟؟؟؟؟؟؟
لانو الحلاق كل ما يسالوا عجبتك القصة يقوم يرد عليه ما قصرت ما قصرت
:42::42::42:
سلملم

كتييييييييييييير حلوه ساجده اي ها هيك الله يسعدك متل ماعم تسعدينا شو عندك هاتيه ولا تقصري حاكم هالايام الواحد بالمناسبات ليتضحك