مرحبا صبايا كيفكن حبيباتي ،، ماشالله حولكن وحواليكن الله يديم هالنشاط علينا جميعا

سوسو يسلمو هالإيدين ياحق كتير حلوة والغنية تبع امبارح زحلتلي عقلي قمت بعتها لإختي مشان تغنيها لجوزها ههههههههههههههه

فتاه والله زعلتيني على ابنك واعملي متل ماقالولك البنات لأنو حرام يقبر قلبي صغير ومو طالع بإيدو شي ،، وأيا شي بيضايقك دغري تعي لعنا وإنشالله مابيصير إلا اللي بدك ياه

شاي وينك رح يطق راسي من الصداع ولا الظاهر مشان رمضان ما بتبيني إلا لبعد الفطور هههههههههههههههههه
والله ياشاي طول الليل ببالي وعمدعيلك إنو ربي يفرجها عليك ويخترلك الخير ما بتعرفي والله شو مخبى بالغيب

نور الحبابه اشتقنالك والله كيفك يا حلوة الله يقويك وضلك عم تطلي علينا

شامو أهلين حبيبتي سلامة قلبك إنشالله والله أنا كمان هيك عم يصير فيني بالظاهر لأنو ماصرلي إلا كم يوم صايمة الله يتقبل من الجميع

كيفكن كلكن حبيباتي هلين وأيوته ودندونه ولوليا ومايا الحبابه وبطوط ونايس ومزونه ( إنشالله تكون وصلت عالشام سالمة ) وزنزون وسما وعاشقة والكل
وسامحوني إذا نسيت حدا وأمانه بنات ادعولها للماما تقبر قلبي لأنو حبيبتي مرضانه الله يشافيها هي وكل مرضى المسلمين

السلام عليكم ورحمة الله وبركاته
يامية أهلين وسهلن ومرحبتين بالجميع
كيفكن أخواتي
إن شا الله بخير
صرلي زمان وزمنة ماحكيت بالشامي
محسوبتكم شامية وعايشة بفرنسا
صرلي فترة وأنا بتابع أخباركم ومتنسة شارك معكم بهالصحبة الحلوة مابعرف إذا بتقبلوني بينكم
بس مالي قادرة أشترك مدري شو قصة الموقع
المهم حبيت أحكي كلمتين مختصرات لعرف بنفسي وهلأ بنتي عم تشد بشعري ولازم أبدأ بتجهيز الفطور تقبل الله صيامكم وقيامكم
وإلى حين
سلام الآن

أهلين وسهلين بنجاح ولو المطرح مطرحك ،، ومتل مابيقلوا محل الديق بيسيع ألف صديق
بقى مية أهلا وسهلا فيك بيناتنا وياريت تعرفينا على حالك أكتر
يعني قديش صرلك بالغربة وكم طفل عندك يعني وهيك مشان نتعرف على بعض أكتر
وأنا بيشرفني إني كون أول المرحبين فيك
محسوبتك شامية متغربه بمصرمع أهلي الله يخليلي ياهن من شي 9 سنين عزابيه
آخده ليسانس لغة عربية ودراسات إسلامية وعم علم عربي للأجانب بمصر

مية اهلا وسهلا فيك نجاح بيناتنا واكيد بيسعدنا تنضم اخت جديده النا وعم نستنى تخبرينا عنك اكتر
ساجده بالنسبه للاقامه مشان البيبي باخدله فيزا بالاول ولما صير هون بعمله الاقامه انا هيك عملت اول ما طلعت لتركيا والله ييسر ماحدا بيعرف شو الله كاتبله
اليوم ماني طابخه شي زوجي مسافر لبورصه وراجع بالليل واليوم ماني صايمه لاني عم دوخ كتير فدبرت حالي اكلت حواضر ولما ييوصل المحروس بالسلامه ان شاء الله بجيب لي معاه اكل من برا
سلامي للجميع

هلا ومرحبا اختي فيكي بيننا ...مية اهلا وسهلا ...

بنات شكرا لكم على مشاركاتكم والله انكم خففتوا عني كتير ... معلش امبارح مدري شو صار لي كنت كتير متضايقة وواقفة على لقة واليوم فهمت السبب ..شرفت الخانم ....

مشان ابني اليوم عنده مسرحية ورح حاول روح مشي طبعا لان زوجي مشغول اخذت الطريق من على النت والله يستر ما اضيع ...بدي روح اشحن جوالي مشان اذا ضعت دق على زوجي ههههه

وانا فكرت قول له متل ما انت ما بتحب تلعب لحالك اكيد غيرك ما بحب لذلك اذا شفت حدا بصفك عم يلعب لوحده روح لعنده وخليه يلعب معك...مشان خليه يغير عن رفقانه الي عم يحكي عنهم وما يتعلق باولاد معينين ويضايق حاله مشانهم ...يقبروا بعضهم في غيرهم كتير

ساجدة كل هذا تعريف بنانسي الله ياخذها ما بدها تعريف ... الله لا يوفقها باعمالها هي وكل امثالها .... انا سمعت شخابيط بس هاي التانية ما سمعتها ....

ساجدة نكتك بتفرط ضحك ونكتى السعودي والحلاق السوري تحححححفة هههههههههههههه

اما على باب الحارة شو انبسطت لما عصام بهدل مرتو مشان اخواته ...فش قلبي .... وانا عم قول بكرة بده يجي ابو شهاب ويوقف مع ابو عصام او يرجع اخته لبيتها ... بس نفسي شوف شو نهاية فوزية والاهم فريال ....
صحي عجبني كتير اسم ابو العز الي قالوه لمعتز وصرت نادي ابني معتز ابو العز ههههه



نسيت قول لكم على شغلة لما زوجي سافر يوم الاثنين كان اخذ معه عطر حاططه بالشنطة فاخذوه منه بالمطار قال لان ما حاططه بكيس لوحده ..... بالله شو هالفلسفة زعلت على العطر كانت ريحته كتير
حلوة

بقى الي بده سافر وياخذ عطر معه يحطه بكيس لوحده حتى لا ياخذوه منه