محتاجه زوج حنوووون اعاني من الفراغ

السلام عليكم ورحمة الله
اول مشاركه لي ولاتوقعت بيوم من الايام اني بكتب مشكلتي الحمد لله على كل حال
انا متزوجه لي تقريبآ١٦سنه والحمد لله ماشيه حياتي ولو انه في بعض المنغصات لاكن نحاول نعديها
عندي اطفال ولله الحمد كنت متغربه من تزوجت ومالي تقريبآ سنتين راجعه قربت من اهلي لاكن الزين ماايكمل تغير علي زوجي كلشش صرت مافهمه صار جليس الاجهزه ولو يدخل وانتو بكرامه دورت المياه اجهزته معه من شهرين كلللللش صار جاف مايتكلم معي الا كلمه ورد غطاها مايرسل لي رسائل نهااااائي عكس اول كان كثير يرسل لي حاولت معه ليش متغير شفت شي مني وكله يقول لاومافي مثلك وو قبل فتره صارت تجيني رسائل نصيه انه زوجك خطبني بشوف ليه ووش محتاج لاني صغيره٣٠ وبيني وبين زوجي تقريبآ٩ سنوات واللي تراسلني شكلها كبيييره طنشتها ولا رديت وحظرت رقمها لاني انتظر من زوجي يقولي وقلت يمكن هذي بس بتخرب حياتي زوجي لازال على غموضه صرت الدمعه وافقه بالباب تعبت من التفكير والكوابيس نزل وزني تعبت وكلله والله مادرا عني ولاجاب خبري واهلي ربي يخليهم لي اول مادخلت عليهم ليه وش فيك صفرا ناحفه تعبانه اظطريت اقولهم اني تعبانه هالاسبوع والحمد لله تحسنت صرت اخاف على نفسي من اني اراسل او اتعرف على واحد اعيش فراغ كبير جدا وزوجي جمبي
احاول اتقرب له استقبله بحب وووووو ويقابلني بكل برود ولا يقولي وهو معبس ابعدددي 😞 الهديه ماااايفكر يجيبها لي وماشاء الله تبارك الله اناظر اخوي واللي حولي بمناسبه وبدون مناسبه يهدون وافرح لهم وانا بعد احب اهديهم دايم لاني اشوف اثرها على نفسي
صرت اكره زوجي اتمنى اتطلق بس مابغى يجي مني ابغاه هو يطلق محتاجه زوج حنون يناظرني يشفق علي اتعب مع اطفالي واحاول اعوضهم عن بعد ابوهم واذا نامو اجلس ابكي على حالي
افكر جديآ بالطلاق واروح ابر بأمي وابوي ابرك لي او اتزوج واحد ثاني ان شاء الله يعوضني
بس كيف
هل تفكيري صحيح ولا لا
وجهوني اتقذونيي حياتي قاااااتله
عذرا كلامي مو مرتب اكتب وابك