مشكوووووره ما قصرتي

تسلم ايدك

مثل ما وعدتكم بكمل لكم الطباق بقدم لكم أول شيء السندويشات بحط الخلطه وبعدين بقول لكم كيف نلفها على شكل سندويش

الطبق العاشر : سنويشات الفول (1)
هذه عن جد بنات طريقه سهله وروعه أهلي يجنون عليها خلوني أخبركم عنها
المقادير :
علبة فول ساده نوع عادي ( مالينج أوأي نوع آخر بدون أي خلطه أو نكهه)
حبة طماطم مقطعه مكعبات صغار ( بنات وصيه من أمي الطماطم لازم تقشرونه في الأكل عشان المعده ترى ما تهضم القشره )
حبة فلفل أخضر حار مقطعه دوائر صغيره ( اللي تحب الحار ممكن تضيف أكثر من حبه واللي ما تحب الحار تستخدم النوع البارد )
زيت زيتون
عصير 3 ليمونات
نخي ( حمص مسلوق ) ويمكن الإستغناء عنه حسب الرغبه حوالي 4 ملاعق

الطريقه : اسكبي علبة الفول في قدر مع الماء الموجود بالعلبه ثم أضيفي عليها الطماطم والفلفل والليمون وزيت الزيتون ( كثري منه لأنه يعطي للفول طعم جنان )
بعدين خليه على نار متوسطه لغاية لما يلين الفول ويبدأ ينهرس
تذوقيه وشوفي شو ناقصه زيت زيتون ولا ملح أو ليمون ضبطي التتبيله حسب ذوقك
في النهايه ضيفي الحمص ( النخي) وخليه يغلي معاه شوي

وعشان تسوينه سندويش قطعي طماطم وخس وخلطيه معاه ولفيه سندويش بصمون أو خبز
وترى ممكن تحطينه في صحن وتزينينه بشوية بقدونس وتأكلينه بالعافيه مع خبز

الطبق الحادي عشر :سندويشات فول (2)

المقادير :
علبة فول
حبة طماطم مقطعه مكعبات صغار
بصله صغيره أو فصين ثوم أو الأثنين معاً
فلفل أخضر حار أوبارد مقطع صغير ( لا تكثرين منه )
طحينه ( هرده )
ليمون
زيت زيتون
كمون + ملح + فلفل أسود مطحون أو أحمر حسب الرغبه

الطريقه :
يحمر البصل أو الثوم أو ( الأثنين معاً ) بزيت الزيتون
نضيف الطماطم مع الفلفل ونقلبه على النار
ثم نضيف علبة الفول ونتركه فتره
ثم نضيف الطحينيه والليمون
يتبل بالملح والكمون والفلفل
نتذوق ونشوف شو ناقصه زيت ملح فلفل كمون حسب الرغبه

ممكن نلفه سنويش أو يقدم في طبق بعد تزيينه
يقدم معاه البقدونس والطماطم والخيار أو يخلط معاه للفه سندويش

وصحه وعافيه