مخاوف الرجوع للوطن

السلام عليكم
هلا باحلى بنوتااااات بالدنيا
كيييييييفكم مره وحشتني اخبااركم
تعالوا خلينا نسولف عن موضوع شاغل بالي ومتاكده انه شاغل بالكم كلكم وحتى لو كان موعلى بالك فاكيد بعد موضوع الهنديه العوده للوطن ماراح يكون فيه غيره بباله
خخخخخخخخخ رددي هالجمله 5 مرات ولك صحن جريش

كنت كاتبه الموضوع على الوورد من زمان وجيت بنزله قبل ساعه وشفت موضوع الهنديه وترددت انزله لانه تقريبا نفس الفكره بس بعد التفكير قلت لا خليني انزله علشان نحاول نطلع كل المخاوف سوا من وجه نظر المغتربات الي لسى مانزلوا للوطن نهائي

معليش على كثر الهذره بس اتوقع تعودتوا على من امسك الكيبورد ما اعرف اوقف
ندخل بالموضوع


كلنا كان عندنا مخاوف من الغربه
كيف بنعيش ببلد عادات شعبه تختلف عن عاداتنا
كيف بنعيش بعيد عن اهلنا كيف بتمر ايامنا ايش انواع الصعوبات

الي راح نواجهها وغيره وغيره
وجينا على الغربه وعشناها وشفنا كل مخاوفنا بالحقيقه اسهل من

ماتخلناها
وجاء دور مخاوفنا بعد مانرجع لارض وطنا
بالنسبه لي تغربت عروسه
يعني هم العرس وفوقه هم الغربه
الحمدالله حياتي هنا تسهلت طبعا فيه صعوبات واكتئابات(من اكئاب مو اكتتاب اسهم) وغيره
بس مشت الايام ومشيت معانا كان راضيه ولا غصب عني
بس همي لما ارجع لوطني اكبر من همي قبل الغربه

كيف راح ارجع اعيش بوطني مره ثانيه .. فتره غربتي ماهي بسيطه فصعب ارجع اتاقلم مره ثانيه

يعني مثلا واحد من الاشياء الي تخليني اشيل هم
ان الي عاشت مع زوجها كم سنه قبل الغربه بنوا اساس لعلاقاتهم مع بعض بنفس المجتمع حتى لو عاشت معاه 8 شهور قبل الغربه
الحين ما اشوف تاخر زوجي للدراسه برا البيت لاوقات طويله مشكله كبييره
طبعا اتضايق وانقهر واحس بوحده فضيعه وخووووف
بس اقدر سبب تاخره وانه لمستقبلنا ومستقبل عيالنا
لكن اكيد لما نرجع لوطنا ما ابي اصير جالسه الحالي اغلب الوقت خصوصا انه انشالله بيكون خلاص خلص دراسه
وماتقدرين تقولين له لو سمحت لاعاد تتاخر يمكن مايرضى ومعاه حق يرفض وجه نظرك الجديده لان زوج بكل بساطه على ماعودتيه والعاده الي تعودها فرضتها علينا الغربه

وهذا مو بس الي مخوفني انا اغلب البنات الي تعرفت عليهم وجو للغربه عرايس
بنفقد الاساس الي راح نمشي عليه بالمجتمع لاننا بنيناه بمجتمع يختلف

طبعا هذي كلها مخاوف والله اعلم الحقيقه كيف بتصير
حتى انا تعودت على الطلعات .. احب اطلع امشي اكتشف محلات جديده على رجولي
كيف برجع وانا ما اقدر هناك اسوي هالشي .. حتى بالسياره مو زي لما تتمشين على رجولك
السياره اذا شافوك الفاضين تدورين بالشوارع ماخلوك بحال سبيلك .. غير الزحمه الي تطفش الي ماينتطفش
احب اشوف اماكن مفتوحه احب اجلس بمكان مفتوح من غير مضايقاااات الناس الفاضيه
ما ابي اروح مكان ياااي .. عادي لو امشي من باب شقتي للبقاله الي بوسط عمارتي من غير مضايقات من العالم
لاتقولون شي سخيف من جد صرت انكتم اذا جلست اسبوع ماطلعت من باب شقتي

هذا مثال على مخاوفي وبرجع احكيلكم عن باقي الاشياء
بس بعد مااسمع منكم .. طلعي الي بقلبك خلينا نتناقش يمكن عندنا حلول نساعد بعض فيها
واذا مالقينا حل على الاقل بيتشوفين انه فيه ناس تفكر زيك وحالها من حالك نفسيا ترتاحين وهذا شي انا جربته
كل المخاوف تخصك انتي المجتمع تعايشك معاه زوجك اولادك وظيفتك شهادتك وغيره