بسم الله والصلاة والسلام على رسول الله..
حريم ياحريم بنات يابنات..
ياحبيلكم فديت كل الحضور..
وإلى بعض الحبايب أقول..
طالبتكم بالله روقونا..
تراي أحبكم فماله داعي الشحناء على غير سنع..
واللي مالها خلقي اساسا تطلع الباب فوق على اليمين..
ماله داعي تقرين لي وأنتي ماتطيقيني!!!
ومدري ليه الأحقاد والردود المروعه
وإحنا نكتب هنا عشان ننبسط ونغير جو
وماسوينا لأحد شي؟؟
والمصيبه ننحاش من الأحقاد اللي ماليه المجتمع يالطيف..
والمشكله أحيانا نتفاجئ فيها حتى هنا!!!
ومدري متى بينتهي موال التهديد
اللي صار ضروري نغنيه ببداية كل موضوع؟؟
ياقلبي أنتم احس أني طفشتكم قبل أقول شي..
بس وش أسوي والله اليوم مره مالخلق أتهاوش..
قولوا كل هذا وما هاوشتي..
ياخزياه منكم بس الشكوى لله..
المهم..
بنات تصدقون أكتشفت إني ماني رومانسيه!!!
وأقول رومنسيه ورومنسيه وأنا خرطي..:35:
مع إني يابنات كيوت وبنوته وكشخه وحلوه وماهناحليلي..
طبعا ماعليكم زود كلكم أحلى وأكشخ..
خايفه اتصفق عشاني مدحت روحي:unsure:..
ياربي سلّم..
بس ماااااش جفسه وعواطفي مو ذاك الزود..
وصعبه امثل 70سنه إني رومنسيه..
أحس ماش مكشوفه مكفوشه..
خير ضامنه عمري أنا..ههههههه طبعا إن عطاني الله عمر..
بنات تكفون فيه أحد زيـي ؟؟؟
تدرون من وين أكتشفت من عده مواقف..
وأغلبها كلامكم بعالم حواء..مدري من جدكم..وإلا تبالغون؟؟
يعني أقرأ..ساعدوني بسوي لزوجي حفله..
وأبي آخر المفاجأت والرسال للزوج!!
وعلموني كيف أغري زوجي..وكيف اسوي له مساج!! :32:
ويابنات أنا مااقدر استغني لحظه عن زوجي أبيه دايم بجنبي وهو يحب يطلع!!
ياربيه بس.. :crap:
أنا يابنات ماعمري فكرت ولا أدخل هالمواضيع..وأحيانا أرد مجامله للعضوه..
مدري أناجافه وإلا واقعيه والناس تبالغ وإلا كيف؟؟
مع إن زوجي بعد مافيه زود لزقه أقول محوم كبدي فيها
بالعكس كل يوم يطلع للأستراحه والصبح مداوم
وماعندي أهل انشغل بعد فيهم..
ومع ذلك ماأبيه يلزق لي..
بالعكس لاجلس أحيانا نتناقر..يروح أحسن..
مع إننا ماشاء الله نحب بعض..
بس مدري ليه أنا ماأنشب له زي الحريم :confused-
تتوقعون أنا غير وإلا أنتم اللي غير وإلا أنتم مثلي؟؟؟
يابنات مع إني أهتم بزوجي الأهتمام المعروف من نظافه وكشخه وبيتي ماتطفي فواحاته..
بس اللي يعني يسمونها ليالي حمراء ماكد جربتها..
واللي خلاني أفكر بنفسي وجفاستي..
قبل فتره وحده تقرب لي جايه تشكيلي زوجها
تقول تخيلي يبي يشتري له بطانيه لحاله عشان ياخذ راحته..:06:
وأنا بصراحه ماأبي هالشي خايفه المشاعر تبرد!!!
قلت بقلبي جعلها تبرد المهم أنا باليل ماأبرد :icon28:
هههههههههههههههه استغفرالله ياربي لاتواخذني..
لأ بس من جد كلش ولا أقعد بالليل أشد وهو يشد ومد وجزر..
تقطعت البطانيه
ماحد الله يافرقاعين نتغربل وكل شوي قايمين بالليل نتناقر
عشان برستيج الرومانسيه!!!
وأقول بخاطري يعني هي طبيعيه وأنا جافه وإلا كيف؟؟
ومره رحت لأبو ريالين وألقى هالحريم تضفضف..
عربياتها مليانه من هالأشياء الحمر..ورود وشموع ولمبات ومدري وشو؟؟
وأقول بنفسي مدري ليه أنا مو زيهم..؟؟
مدري ليه هم يركضون ورى أزواجهم بدون مايحاسبون؟؟
وأنا لازم أحس أن زوجي قدم لي عشان أقدم له..
يعني يابنات اقول بنفسي طيب اسوي له واسوي له وهو؟؟
يعني مااحس فيني اندفاع زي بعض البنات أدلل بدون مقابل..
بصراحه أحب روحي ومافيني زياده غنج..
ومره من المرات قلت يالله ياشخوصه فرحي هالمسكين
ماعمرك دلعتيه وغنجتيه زي الحريم..
خصوصا أنه مافرحني حتى بيوم تخرجي..ومافيني اعطي بدون ماآخذ :S_45:
خصوصا أنه كان فيه مناسبه وقلت يالله فرحان
وبأتمم له فرحته وإلا مو عوايدي ..
ولأنه بعد كان فيه إمكانيه لأن أخوي كان عندي وكان بيرجع لأهلي ..
فقال لي أخوي خلينا نتمشى قبل اسافر..قلت يالله ..
وبعد الله يعافيك بمر محل الكيك أشتري لزوجي بمناسبة الترقيه..
ورحنا واشترينا ورجعنا وحطني بالبيت الله يعطيه العافيه وسافر..
جيت تزركشت وزركشت البيت من الموجود طبعاً..
وحطيت شموع من الباب لين المجلس وجهزت السفره
وحطيت الكيه بالوسط وكتبت عليها..
مبروك الترقيه يارائد حياتي
يوم جاء المحتفل فيه ودخل ومشى بممر الشموع وهو يتبوسم
ودخل وجلس بالمكان اللي مجهزته له
ولحد هنا كل شي تمااااام..
وفجأه ياخذ الكرت ويقراه ويقول..
ياللي ماتستحين من هو رائد اللي بحياتك:mad:؟؟؟
كان كتبتي مبروك التاج ياتاج راسي!!!!!!!
الظاهر الحين أكتشفت وراي جافه وماأحب اتغنج زي الحريم :icon32: !!!!
هههههههههههههههههههههههههههههههههههههههههه
قلت بنفسي الغلطان اللي يسوي لك حفله أصلا..أحلق شنبي إذا عدتها..
شنبي اللي ركبته عشان أفجعكم يوم المقلب..
ههههههههههههههههههه قسم إني مصرقعه..
ومره بعد كنت قاعده أقرأ أفكار بقسم الحمل للي تبي تفاجئ زوجها
بطريقه غنوجه إنها حامل..
فقلت بخاطري الحين حملت ماشاء الله وولدت مرتين
وماعمري فكرت أسوي حركه حلوه..
على طول كذا.. دق على المستوصف شف طلعت نتيجة تحليلي..
قلت لا يابنت هالمره تنيعمي وتدلعي..يمكن بعد تحصلين لك هديه<<<<< على فكره ترى ماشفتها..
المهم جيت واشتريت مصاصة أطفال وحطيتها بعلبه حلوه وغلفتها
وحطيت معاها ورقه مكتوب فيها..
بابا هذي مصاصتي احتفظ فيها جايلك آخذها بعد تسع شهور..
وبالفعل عطيته الهديه وفتحها وانبسط
وبعدها على طول سقطت الحمدلله والشكر..
قلت أقول بس بلا دلع بالا غنج خلي الدلع لأصحابه..
وكنت قايله له ترى أبي كيكه هديه بهالمناسبه تكتب عليها مبروك النونو..
ويوم سقطت قال تبين أشتري لك كيكه
أكتب عليها قود لك يعني حظ أوفر<<<<<<< يتريق الأخ..
هههههههههههههههههههههههههههه الحمدلله والشكر..
المهم يابنات تراي طارحه تجربتي للفرفشه
وعشان بعد تقولون لي أنتم مثلي وإلا أناجافه بزياده؟؟
يعني أنا أحب آخذ على الأقل قد ما أعطي..مع أن الغالب علينا العطاء..
بس مو زي العطاء اللي أقراه هنا أحس أني ماأوصل ولا ربعه..
إذا كان واقعي..
وأحب ادلل زوجي بالقدر اللي يدللني فيه..
أما يشوتني وأنا بس أسوي له..لا والله ماعندي إستعداد..
بنات أنا كذا جفسه؟؟؟؟؟؟؟؟؟؟؟
تكفون طالبتكم أبي ردود حلوه وآراء وسوالف توسع الصدر..
واللي تبي تقول نقد بناء يامرحبا..
بس اللي بتسب على بالها نقد تتراجع قبل لاتتصفق..
لو أني ماني رايقه بس مافيه مشكله اتفضالها..
يلزم عليك تسجيل الدخول أولًا لكتابة تعليق.
مساء الخير اختي اول شي كلامك واسلوبك رائع وواضح ان دمك خفيف:27:
بس بقولك شي وبشكل عام مافي احسن من انك تكوني على طبيعتك
التصنع اسوء شي
اذا كنتي على طبيعتك احسن الف مره من التصنع
لان احيانا تجيك وحده وتجلس تتصنع وتتميلح ويطلع شين عليها
يعني لو كانت على طبيعتها احسن لها والله
وشي مهم النفس البشريه تختلف طبيعتها من شخص لاخر
يعني تلقين بنت نعومه وكيوت وتلاقين بنت ماتعرف تتدلع
بس صدقيني كل بنت عندها ميزه تميزها اما اسلوبها او خفة دمها او دلعها
ومستحيل تلاقين بنت ماتعرف تتدلع
ممكن انتي ماتلاحظين بس غيرك يشوف هالشي
واخيرا عذرا على الاطاله وارجع اقول موضوعك حلو وكلامك احلى
وتقبلي مروري:27:
بس بقولك شي وبشكل عام مافي احسن من انك تكوني على طبيعتك
التصنع اسوء شي
اذا كنتي على طبيعتك احسن الف مره من التصنع
لان احيانا تجيك وحده وتجلس تتصنع وتتميلح ويطلع شين عليها
يعني لو كانت على طبيعتها احسن لها والله
وشي مهم النفس البشريه تختلف طبيعتها من شخص لاخر
يعني تلقين بنت نعومه وكيوت وتلاقين بنت ماتعرف تتدلع
بس صدقيني كل بنت عندها ميزه تميزها اما اسلوبها او خفة دمها او دلعها
ومستحيل تلاقين بنت ماتعرف تتدلع
ممكن انتي ماتلاحظين بس غيرك يشوف هالشي
واخيرا عذرا على الاطاله وارجع اقول موضوعك حلو وكلامك احلى
وتقبلي مروري:27:
ههههههههههههههههههه
اما سالفة البطانية أؤيدك وبقوووووة
,,
وترى كثير من اللي قلتي ,, عندي ,,
يعني نتشارك بأمور كثير ,,
وانا مو كذا ,, بس لما احاول اسوي شي حلو
وتكون ردة فعله استخفاف
اصير لا مباليه ,, واقول ليه اتعب عمري ,,
وأحسن أصير اعطي على قد ما اخذ ,,
وربي يسعدك عالأسلوب الرووووعه ,, ماشاء الله تبارك الله ,,
ههههههههه
ياشيخه الله يسعدك دنيا واخره على هالاسلوب بصراحه انا مثلك على طبيعتي بلا حركات رومانسيه بلا وجع راس
ياشيخه الله يسعدك دنيا واخره على هالاسلوب بصراحه انا مثلك على طبيعتي بلا حركات رومانسيه بلا وجع راس
الصفحة الأخيرة
ماشاء الله سلوبك روعة
الله يحفضك لبيتك وزوجك