ماشاء الله يا احلى ورده كلامك مرتب يدل على انك انسانه مرتبهبس انت محبطه نفسك وبالنسبه للعبايه تقولي مبهذله اهم شي تكن ساتره وماتكون زي بعض البنات الله يهديهم العبايه ملونه ومفتحه والله قبل يومين شفت وحده في السوق لابسه بالطو ومفتوح وكانت لابسه بلوزه لونها ابيض وبنطلون جنز ضيق وماشيه وسط الناس الله يهديها يارب

شوفي انك حاسه بالمشكله معناه انك مو هبله ولا عشوائية يمكن قلة خبره فيك اولاً لا تذمين نفسك ابد يعني رفعي لنفسك حتى بينك وبين نفسك امدحي اكلك قدام زوجك اولي تجيبين السوالف اللي ترفع من قدرك بس طبعاً بطريقة حلوة غير مقصودة ثانياً حطي خطه لنفسك يعني لما تروحين عند احد حطي خطه انك تقللين كلام وكافئي نفسك اذا جيتي تقولين سالفه حارلي تكون عامه مهو عن خصوصياتك وشاركي بشكل مقتضب وخفيف واعطي المجال لغيرك في الحديث ولا تقاطعين احد وعدي للعشرة قبل اي كلمة سواء مع اهلك او زوجك او جاراتك او معارفك ثالثاً قللي زياراتك مو كل جمعه ناقزه خلي جيتك لها ثقل اهتمي ببيتك مملكتك اهتمي بعيالك عطيهم وقتك وجهدك علميهم وجهيهم حاوريهم قوي نفسك بمتابعة اخصائين ومرشديين واهم شي نفسك اتبعي دايت واذا نحفتي راح تحسين بثقه كبيره خلك كشخه ومرتبه دايما حتى لو ودنك ١٠٠ ما يمنع الاناقه وصي من شي ان فيه للمقاسات الكبيرة دايما اذا سيرتي اهتمي بتفاصيل التفاصيل اللي تخص طلتك هذا بيعطيك ثقه اول شي تروشي وتليفي استشوري شعرك تبخري حطي مناكير غسلي عباتك وبخريها خلي اسلوبك بالحديث مع الكل بنبره هادية وصوت ناعم سوي لنفسك برستيج وخطوط حمره لا تحطين نفسك بموقف الضعيف اللي ينتظر النصح ترى الناس لو بينتي لهم نقطة ضعفك استهانو فيك اطلبي من الله مو من الناس ل تحطين واطي لاحد خلك قوية وكلامك ثابت ونظرة قوية انا ترى ما اتفلسف عليك كنت مثلك وتغيرت وشفت كيف الناس احترمتني وقدرتني من الاخر سوي مسافه بينك وبين كل العالم الا امك وابوك وشكراً

خلي لكي قدوه. طالعي الناس حولك المرتبين وصيري زيهم. ترا هدا مو ضعف. هدي ايجابيه انك تكتسبي صفات حلوه من الناس وتقتبسي منهم الشغلات الجميله. وبنفس الوقت انتي طالما صارحتي نفسك باخطائك ف انتي في طريق التغيير. كوني ايجابيه واستفيدي وحطي ببالي لازم -عشان تتبرمجين وتتغيرين بسهوله - حطي ببالك انك تستحقي تكوني افضل من الان. وانه مو ناقصك شيء عن فلانه وعلانه. وراح تلقي نفسك متغيره

اول خطوة للعلاج انك عرفتي ايش مشكلتك
ثاني شي توكلي على الله وعليك بالدعاء
ثالث شي انحفي واقري اكثررر بتطوير الذات موشرط كتب اقري من النت من اليوتيوب ومن قروبات التلقرام ومن تويتر عبايتك لازم تكون نطيفة ومكويه قبل لاتطلعين اي مكان والسوالف خليك نفس ماانتي بس قللي سوالف والله يوفقك ياررب💜💜

الله يجزاكم خيير يارب وحده وحده حتى اللي ردودهم قااسيه صحيتووني وخليتوني استوعب حاجات ماكنت مستوعبتها بنفسي ... الله يرزقكم كل مااتتمنون ياارب ويقووني واصير افضل ... وودي ارد عليكم كلكم لكن ماقدر والله اعذروووني 💞💞💞