مذكرات أبو هديب مع زوجته القبيحه

لازورد....الله يقطع ابليسج خربتى على الاندماج......يله ابسرعه كملى.....والله تعاطفت معاه;) ;) ;)

على فكره انا اموت في لهجتكم......يله ابسرعه كمــــــــــــــــــــــــلى......:29: :29:

ياعمري ياابو هديب مسكين مش ذاالورطة اللي طاح فيهاااااهههههههههههههههه

اقول ابو هديب .. مهما سبيت انا حلوه .. وانا جالسه على قلبك ..<<<<<<الله يعينه شكله بيروح فيها من كثر الحلاوة
الزايدة اللي فيها خخخخخخخخخخخخخخخخخخ

ويسلمووووو على القصة :26:

هههههههههههههههههههههههههههههههههههه
حلوه الله يعين ابوهديب على ذي الزباله <<<<<< اقصد هااااله
لازورد لالالا طولين نبي النهايه:26: :26:

الله يسامحكم ....
هالة صارت زباله.........
لالالالالالالالالالالالالالالامش معقول زعلت خلالالالالالالالالالالالالالاص لالالالالالاتحاولووووووووووون ماراااااااااح أرررررررررررضى...
أأأأأأأأأأأأأأأأأأأأأأأأأه وكمااااااااان أأأأأأأأأأأأأأأأأأأأأأأأأأأه

غلايه10

يسلمووو ع المرور الحلو وآسفه اني قطعت عليك اندمااااجك ولا يهمك اكمل الحكايه اليوم

شيوخه

هلا ومسهلا

مراحب

مرحبا فيك ان شاء الله ما راح اطول

هاله

ولا تزعلي الزباله هاله الي بالمذكرات انتي والله عسسسسل

أتركم ياحلويييييييين مع الجزء الثاني من مذكرات ابو هديب مع زبااااله ااااااا قصدي هاااله

نكسة شهر العسل((1))



وقفت سيارتي الخجمة ( القرمبع ) قدام مبنى البريد اللي انا اشتغل فيه .. وانا اوقف جاني واحد قالي يا الحبيب تراك شوهت الشارع بسيارتك الخرده هو قال كذا ناظرت مبنى البريد لقيت البوية حقته متقشرة كنها جلد عجوز فيها جرب والدرايش متكسرة والجدران متشلخه .. يعني شكل المبنى كنه جزء من مباني البصرة بعد القصف .. قلت يا أبن الحلال شكل سيارتي عند المبنى هذا كنها بي ام دبليو .. وبعدين جاي على الصبح اطلع عيوب سيارتي شف وجهك هالقديم كنه من افلام الستينات ابيض واسود .. وثوبك كله بقع كنه منيو مطعم افغاني .. قلت كلامي هذا ودخلت لمكتبي اللي مدري وش يبي كله مبلط أبيض في أبيض .. كنه بلاط مسلخ وفي النصف فتاشة تصريف موية ودم عشان الذبايح في عيد الضحية ... وطاولتي كنها كرتون موز مقلوب .. والكرسي تنكة تمر مصدية . :11:

جلست على المكتب وقدامي زميلي جالس يفرز خطابات ووجهه طايح على قدام من كثر شنبه ما يقدر يرفع راسه .. يعني لو تفك شنبه يطيح على ظهرة .. قلت يا (حمود ) .. بالله تكفى اضغط الجرس خل ( ابو دحيم ) الفراش يجيب لنا شاهي .. ناظرني ( حمود ) وقالي بالله تشرب شاهية .. قلت ادري ان شاهية مليان طحالب .. ادري انه يجبب الموية من البركه للي في المزرعه .. المشكلة مهيب في الشاهي المشكلة في ضروسه المفرقه كنهم عساكر خفارة كل واحد في جهه .. لا واسأله وش هوايتك يا ( ابو دحيم ) يقولي احب اعض البزران .. ولو تشوف يد البزر بعد العضة تلاقي سنون ( ابو دحيم ) موسمه في يده كل ضرس حافر في جهه كنها لغة برايل حقت العميان .. لو تجيب اعمى يقرى الخفوس اللي سواها في يد البزر بيقولك مكتوب كلمة قبيح بالوراثه .

ضحك ( حمود ) ضحكة واحد فيه مغص في أسفل بطنه .. وقالي بالله يا (ابو هديب ) خلك من ( ابو دحيم ) وقلنا وش أخبار زواجك ما كلمتنا عنه .. هو قال زواج بغيت استفرغ .. قلت الله يرحم والديك يا (حمود ) لا تجيب طاري زواجي .. ترى أنا اعتبر زواجي مهمة فدائية يمكن ما ارجع منها .. يمكن اكون شهيد .. واحتمال اني الغم نفسي واروح معها لبيت اهلها وافجر نفسي مع أهالها .. واقضي على معقل القبح .

وأنا أتكلم دخل المدير .. علينا وراسه هاللي كنه ترنجه ما بعد استوت .. جا عندي وقالي يا ( ابو هديب ) .. مبروك الزواج .. قلت وأنا نفسي في خشمي الله يبارك فيك .. قالي وين رحت شهر العسل .. قلت ما رحت لشي جالس في البيت كني قطعة أثاث .. ناظرني بخبث وقالي اجل وجهك بوجه المدام طول اليوم هاااااه .. بغيت اصفقه بالخرامة يوم شفت تفكيرة راح لبعيد قلت في نفسي يا ليتك تجي وتشوف وجه هالمدام كنه مقرصة مرمية في بيت طين .. شوي جا جلس قدامي وقالي اجل ما رحتوا شهر عسل .. قلت ورب البيت اني ما طلعت .. قالي شف يا ( ابوهديب ) .. حنا عندنا مأمورية في الصين نبي نرسلك تجيب لنا طرد مغلف .. وبالمرة خذ معك المدام واعتبروه شهر عسل .. ناظرت في المدير والعرق بدى ينزف من جبهتي وينزل من ورى ويتغلغل في شعري وينزل من رقبتي الين طلع راسي كنه قش مكيف صحراوي .. جلست ابلع في ريقي من قوة البلع بلعت اللوز

وأنا أقول بصوت يقطع .. بس يا مدير الصين فيها مرض السارس .. ضحك في وجهي وطلعت ضروسه هالصفر كنها صروال خباز يمسح العجين فيه .. يا ( ابو هديب ) لقوله علاج .. لا تخاف وبعدين ترى راتبك بيزيد .. هذا غير العلاوات .. يالله يا بطل أنت في المأمورية هالحين رح للبيت وجمع عفشك والعصر بتمشون على الطيارة .. يا الله رح للبيت هالحين .. ابتسمت وقلت للمدير معليش ودي أداوم .. مستعد امسح بلاط المكتب كله اداوم .. لا تخليني اروح للبيت .. ناظرني وقالي أقول هذا أمر . :30:

طلعت من العمل ورحت البيت .. دخلت وانا ما ودي اني ادخل .. أول ما دخلت لقيت في وجهي .. زباله .. قصدي ( هالة ) .. لابسة فستان اخضر ونافشه شعرها كنه عشة دجاج .. جت عندي وقالت وش رايك يا ( ابو هديب ) في الأغراء والشياكة .. قلت انا لها قصدك في السَباكه مهوب الشياكة ... وبعدين أي أغراء شكلك كنك من دواليب الشقق المفروشه اللي يشوفك ما يعرف أن كانك رايحه وإلا جاية .. وثاني شي وش هاللي انت مسويته في نفسك لابسه ثوب اخضر طالعه كنك تفاحه خربانه على لون بشرتك .. وبعدين ورى براطمك حمر ليكون زالقه على الأرض وصفق وجهك في درجة المطبخ .. ابتسمت وقالت لي حاطه لك أحمر شفايف يا حبيبي ... وبعدين يا ( ابو هديب ) تراني طابخه لك طبخة تجنن .. قلت وأنا ودي استفرغ في وجها وأرجمها بحافة الزبيرية اللي علي .. وش طابخه .. قالت طابخه بليلة ..

ناظرت فيها وقلت يا ( هالة ) هالحين من تزوجتك وحنا ما ناكل الا باليلة ابفهم انا ساكن في ملاهي الخيمة وإلا في بيت كل شوي بليلة .. وبعدين ترى بديت اشك انك كنتي تشتغلين في بوفية قبل ما اتزوجك .. أول ما شفتها تسبل عيونها قلت لها اقول روحي جمعي العفش بنسافر للصين عشان نجيب طرد مهم ومنها راح تكون السفرة شهر عسل لنا ... قالت اخيرا بنسافر شهر عسل .. يا حظي .. هي قالت كذا و طبت في حظني .. وعطتني بوسه على خدي .. من قوتها حسيت انها شفطت الدم .. تعفط وجهي طلع كنه علبة سن توب .. حاولت اني أعطيها بوقس بس ما قدرت لأنها جاية في زاويه صعبة ... ما توصلها يدي .. استسلمت وارتخى جسمي وفقدت الأمل في الحياة .. وبديت اتذكر ذنوبي .. والنار .. ( شفت الموت ) . :06:

فكتني بالحسرة وطمرت وراحت حضرت الشناط في اقل من ربع ساعة .. جت عندي في الصالة ومعها سبع شنط .. ناظرت فيها وأنا أقول عسى ما نهبلتي يا ( هالة ) أنا قلت بنسافر ما قلت اني طلقتك .. ضافه عفشك كله وجايبته .. سفهتني ونزلت الشناط كلها ..

رحنا للمطار ونزلنا و مشت قدامي كنها غسالة بابطين .. وهي تمشي راودتني فكرة اني احط في جيبها هروين وإلا حشيش وابلغ عليها .. بس مع الاسف ما عندي وإلا كان حطيت ... وقفنا عند الكاونتر حق الحجوزات .. توني حاط يدي في جيبي أبطلع الجوازات .. ما دريت إلا ( هاله ) طالعه علي وهي تقول والله ما تحاسب يا ( ابو هديب ) ( تحسبنا جالسين في مطعم ) قلت اقول كلي تبن ...وخليني أتصرف ، عطيت الموظف الجوازات ناظرها ثمن ناظر فيني وقال وين ( هاله ) قلت هذي معي .. قال وراها حاطه صوت شجرة مكان صورتها في الجواز .. قلت انا صورة الشجره احسن تحس ان لها فايده اما وجها يقطع الخلف ... وبعدين وجها لحاله بلاك لست ...

حسيت ان الموظف اقتنع من كلامي وجلس يشوف شغله في الحجز... وقالنا مع الأسف الطيارة راحت لها نصف ساعة ...


ياترى أبو هديب وهاله بيكملو رحلتهم لشهر العسل والا بردون من المطااار لشقتهم

هذا ما سنعرفه في الحلقة القاااادمه من ابوهديب وزوجته زباااا آ آ آ هاااااله

يتبع................................................