الله يرج عدوينس 00 اجل مشتهين فول 000ما تبون تميس على الدرب 00كملي الله يعينس على قرفهم

كملي ............كملي
خابرينهم ......كل شغلهم شفاحه .....(اللهم لك الحمد)

حنا المشافيح موب هم....

هم فقر والله.....فقر وقلة حسبة...


.............


وبعدما طلعنا قام رجلي ومر على البوفيه قال والله لااحلل ابوهم عيال اللذينا اجل 67باوند على فطور كروسانة؟؟؟

ويقحش بسكوت مغلف ويحطه بشطنتي قال كوليه حتى لو ماانتب جوعانة بس نبي نحلل فلوسنا ...

كانت هذي اول مرة نروح لتشرشل سكوير ..رحنا رجلية طبعا لأنه قريب جدا من الفندق ...وبيني وبينكم انا كنت وقتها طافرة بالمشي...

ابي اطلق عصبي واركض ولو حصل ارقص كان رقصت بس خفت يمسكوني ...

كان الجو حار ذاك اليوم...وانا اخذت احتياطي ولبست خفيف جدا تحت العباية...لكن ابونا كان متدحمل ولابسن جاكيت وفنيلة تحت..

تشوفونه توهق وقام آخر الوقت ينافخ يقول وش ذالحر:)...


في الوقت هذا كله كان يدور شي ناكله....كان يقول بدورة ابي لحمممممم..لحممممممم


طبعا انا كنباتية جاز لي الوضع اننا ندور ومانلقى الا اشياء نباتيين هي اللي تصلح لنا كمسلمين...


ياأنا ضحكت عليه ضحك وهو كلما مرينا من عند مطعم لحم قام يقول لاشعوريا : هفففففففففت


مادريت الا التفت علي وهو يقول:

بدورة لاتصيرين متشددة موب القرآن يقول وطعام الذين أوتوا الكتاب حل لكم؟؟؟

ماتبين بس ناخذلنا من سب واي سندوتشة دجاج هففففففففففففففففففففففففففففت...

والسعابيل تجري وتجري وتلعب وتلعب...يابعدالدنيا يارجيلي هئ هئ ....


قلت ايه حبيبي هذي يسمونها قاعدة شرع من قبلنا شرع لنا مالم يأتنا شرعنا بخلافه...

ومادام ان شرعنا قال الخنزير والميتة مايجوز اكلهم ومااهل لغير الله به...

فمعناته مايجوز تاكل من لحم ماتدري هل ذكر عليه اسم الله هل هو خنزير هل هو مذبوح ولاميتة...؟؟

وهكذا...

وسكت وبلع سعبولته ومشى...يابعد قلبي يارجلي!!!

................

في تشرشل سكوير يوجد مركز تسوق كبير ..اظن انه الوحيد في برايتن ...ماادري عن هوف...

فيه كل الماركات اللي بالسعودية (:) ) يعني شكلهم ماخذينها منّا...

والمهم في هالتشرشل سكوير انه قلب برايتن ...

فالزحمة فيه تصك الراس وتخلي كلمة هيلوو حقتنا مالها داعي...

هذا يصقع هذا وذا يصقع ذاك...


وفي تشرشل سكوير انتبهت ان ماعاد في احد يطالع فيني...لاباستغراب ولابدون استغراب...

لأن هناك مركز المدينة...وفيه مسلمين وعرب هناك ...ووجود المحجبات والشهبان زي رجلي ماهوب غريب...

لكن الاستغراب في المناطق اللي مافيها الا انغليز...

العرب يتجمعون في برايتن في اماكن متقاربة...وهذا بحد ذاته شي ممتاز...

فلويس رود مثلا ...ومنطقة بيدفورد بليس فيها عرب واجد....ومسلمين واجد لأنهم بيكونون حول المسجد اللي في بيدفورد بليس...


لفت نظري وجود محجبات كثير ومسلمات غير محجبات يتكلمون عربي ....

طبعا من الصعب انك تمطين الخشة على كل واحد منهم...لكن حاولت اني ابتسم في وجه من يمكن ...والباقي يكفي النية..تشوفني الملائكة ان شالله..

المهم تمشينا في السكوير شوي قبل لانطلع ونمشي على كوين رود...يوم شفت المفاجأة الأولى في حياتي...


اول مرة بحياتي...

طبعا لاتقولون بدورة شافت حريم مفاصيخ ورجال مخرمين خشومهم وواشمين على اجسامهم...


لالاهذا كله عادي وقد شفته بالتلفزيون...:)



لكن اني ماقد شفت واحد سكران على الطبيعة ....وهذا اللي صار


رجل اسود طويل عريض يصارخ بعنف ....بعنف وينابح زي الكلب...

انا بداية حسبته كلب هايج بلامبالغة....

ولما التفت شدني رجلي من يدي وقال امشي امشي...

لاتطالعين..

رجلي يخاف علي من مطالعة مشاهد من هالنوع...

فوجئت ان الرجل المسكين طاح على الارض وقام يتقلب قريب من اشارة ضوئية...


يعني شوي وتصدمه سيارة....هذا كله يحدث بهالمدينة الهادية الآمنة..؟؟

الشيء اللي فعلا خلاني استغرب وخلاني أتألم أكثر هو الناس وكيف كانوا يمرون من عند المسكين ومايلتفتون حتى او احد منهم حاول يساعده أو يهدي اعصابه...

الرجل فعلا كانت حالته مؤلمة ...كان سكران بشكل غير طبيعي...آخر شي يبدو ان واحد من قساه القلوب ذولا تبرع ودق على الاسعاف وجوا شالوه....


هذا كان مشهد قاسي جدا....قعدت يومين اتألم منه وافكر في الشهور التسعة الجاية اللي بعيشها مع ناس قساة قلوب لو مات واحد قدامهم ماجوا ساعدوه ولااسعفوه...


طبعا اكتشفت ان فكرتي ربما كانت مبالغ فيها لأن ياكثر ماامر اشوف احد مصدوم او حرمة طايحة مغمى عليها لأي سبب ويكون فيه ناس يساعدونهم ويتصلون على الاسعاف...

في ناس قلوبهم بشر وناس قلوبها حجر...هذا اللي لازم نتعلمة من مشهد زي اللي شفته ولأول مرة في حياتي...



على كثر الشياء السيئة في بلادنا العربية والمسلمة واللي لازم نسعى لتغييرها بالتي احسن..

لام نعرف انا نملك شيء مايملكونه غيرنا من الدول اللي يتحركون فيها الناس زي الآلات...

الحب...العاطفة...الإيمان والرحمة اللي نزلت من رحمات الله التسع وتسعين سبحانه وتقاسمها المخلوقات كلها ....

ولاكان لكثير من الأوربيين والآنغليز منها نصيب واجد...


لو كان مثل هالمشهد او هالرجل في بلد اسلامي او عربي كان لقى على الاقل من يجي وينصحه...او يجي ويضربه ويقول له انت غلطان ....او يحاول يساعده لو انه يبعده عن الاشارة الضوئية...


لكن انا في بلاد الناس فيها صامتين زي الأبنية...زي المساكن القديمة والقلاع والكنائس اللي يعود عهدها لقرون....


أصيلة صح...
لكن...بلاقلب...
صامتة..ساكتة...


.........................يتبع

كملي ياحبيلتس
مع ان اخرر مقطع يحززن

ياملحتس يابدوره والله انك تجننين ماشالله

يلا كملي وكثري من القهقهه تراها عاجبتني

والله يعينكم ويعين رجلتس على هالسعابيل خخخخخخخخخخ