الوردة الفريدة وست الحسن انا بانتظار مذكرات اسكندرانية في كندا...

انا قد سمعت هاللهجة في تمثيلية ليحيى الفخراني وجميل راتب لما كانوا يقصون فترة العدوان الثلاثي على مصر.... وكان يحيى الفخراني ضابط ها للهجة بطريقة تاخذ العقل....

هي اللي يتكلم الواحد فيها بضمير الجمع لما يحكي عن نفسه...فلما يبي يقول :


انا بروح للمكان هذا...


يقولو: نحنا يروحوا المكان هذا...


يااااااااه كانت شي خياااااااالي...


كذلك آثار حكيم في تمثيلية مااذكر اسمها كان دورها اسكندرانية...
ام عبود اضحك الله سنك...مابعد شفتي شي فيه هوايل مخبيتها لكم وحدة وحدة...



الاجودية خليتس معاي هاند تو هاند..:)

بدورة.. فيه محلات فى شارع.. وستن رود.. فى برايتن.. اباوند... واحد... حلوة مرة...
وعندك....تشرشل..المجمع التجارى... محل اسمه..H.M... حلوة برضو...

وفيه محل برضو.. قدام المجمع.. عند مواقف الباصات.. ملابس.. رخيصه مرة....
فيه مكان قدام البير.. عند الدوار...بجنب موقف الباص الى يوم وصلتى برايتن.. عالم الاسماك.. يكون تحت... حلوة مررررررة...

والله يعينك..على البرد...

فيه اماكن حلوة جدا بس ماهيب من كبرها يعني...ومليت من كثر ماتمشيت فيها...

يعني انا ماتجاوزت برايتن لحد الحين مارحت لهوف الا نااااااادر....


فلذلك احس اني مليت...انا سريعة الملل ترا...


جايتكم بعد دقايق...

نحتريتس:)

مرت الايام بسرعة في برستون بارك حيث كنت اقيم ...

موب في الحديقة طبعا...في الفندق حق برستون بارك...الفندق البدعة ...

يوم رجعنا من الحديقة ورقينا الدرج إياه و...


المهم لقيت مافي شي تغير...لاأحد نظف الغرفة عقبنا ...مالقينا الا حاطين زود شامبوات وصابون سايل تسني أشم ريحته هلحين...

دعععععععع.....

قلت لابونا وراهم مانظفوا عقبنا ؟؟؟هذا ثلاث نجوم ولانص نجمة بالله عليك؟؟؟

وهو يلقط التلفون مسوين فيها أبونا سوبرمان:

هيلوو...هاي..آآه..أوه...آي ونت...آآآه...


قلت ياشين ابونا الا قام يهرّج خواجات...اهوه عطني السماعة..


واقوم اهوشها : واي ددنت يو كلين آور روم عساكم للبلش؟؟؟؟

واي؟؟؟ها؟؟؟

قالت لي ماطلبتوا منا ننظفها قلت شوفي ...لايكثر يور هرج ....


في كل مرة نطلع فيها اشوف السريرمرتب والغرفة مكنوسة وتحطون لنا زيادة شوقر ابيض واكياس شاهي عشان ابونا...وحليب وكوفي وشوقر بني عشا انا اسوي دايت..سامعة ولالا؟؟؟

قالت لي : سمي طال يور إيج...:)


المهم هي دقايق واروح الله يعزكم للحمام....


.........................................
.......................................

.......................................

وآآآآآآآآآآآآآآآآآآآآآآآآآآآآآه ..

صرخة أوقظت من كان نائما ونوّمت من كان قائما...


لعن ابو بليسكم مانظفوا الحمام عقب آخر نزيل؟؟

قال ابونا والله تبين الصراحة انا منب الاحظ زيك استخدمته ولاكان فيه شيء بس انتي من قال لك ترفعين الغطاء وتطالعين تحت الزبالة وتفتحين ستارة البانيو وتشوفين وش وراها..

ياختي ادخلي مغمضة واطلعي مغمضة..قلت ايييييييييييه هين ....

والله يارجلي ان ماطلعتني من هالمكان إني لاألم عليك الجيران....

قال هاهاها اصلا حتى لو في جيران مايتلمون عليتس التجمع ممنوع في القانون....

قلت اسمع ..عطني السماعة...


وادق واعطيها اللي موب الاول قلت هلحين تجيبون اني بدي ينظف لنا الغرفة..الحمام وصخ ياوصخين...


وهي دقايق ويطق الباب...قلت انا الحين تفوقتوا في الالتزام بالمواعيد وفي الوصاخة؟؟

قرف...وافتح الباب والا هكالأشقر الأحمر الاعطر ..

قلت واويلييييييييييه انا حسبالي الحرمة حقت هيلووووووو....


المهم وهو يشوفني كعّيت وغطيت راسي ويقول سورييييه سورييييييه...

وادري نه موب انغليزي الضعيف...ولاطخمتن طويلن عريض...



هذا يشتغل هاوس كيبر؟؟

قال ايه انا الهاوس كيبر وش تبيني انظف؟؟؟
وهو يرجف شكلها مهاوشته راعية الرسبشن...

قلت تعال...تعال...ياولد اللذينا...

وهو يقوم يتشتش على الارض ويمسح لت ياخي الارض تلصف مابها الا العافية ..افتح البتاع هذا وارفع الغطاء وشف الهوايل...

وهو الضعيف يفتح ويمسح ويسمح ويسمح...


ان اعاد في نفسي اقول ياارب...رجال طوله وعرضه وفي سن كبير تقدرين تقولين في الاربعين ا اكثر...

ينظف مراحيض؟؟

انا تألمت كثير وانا اراقبه واراقب شيبته ينظف ويمسح ويلهث...

لكن بالمقابل تعلمت درس من هالقوم ان الشغل مايعيب الا الانسان الضعيف اللي يحسب ان نفسه ماترتفع الا بالشغل الهاي والاموال الطائلة...

وفعلا...انتهى شغله وشكرته وشكره ابونا وطلع...

كان روسي...
يعني اجنبي...

لكن ياخذ راتب ممكن يعادل اضعاف اضعاف الي بياخذه في بلاده...

سؤال..ليه الاجانب والمواطنين يعاملون هنا على حد سواء تقريبا ولافيه فرق كبير في الرواتب؟؟؟

المهم نوعية العمل؟؟

يعني البريطاني والاجنبي يشتغلون هاوس كيبر يتقاضون 1800باوند...يعني حوالي ثمان آلاف ريال سعودي...

راتب يعيشك ملك في بريطانيا...اذا شلنا منها الضرائب طبعا...

عشان كذه فهمت وجود قلة قليلة من المتشردين والعالة في برايتن...

وحتى لو كانوا موجودين فان اغلبهم وقع في التشرد بعد ادمانه المخدرات او اقترافه جريمة ...موب بسبب قلة الفرص او عدم العدالة...
..................ز




ترددت كثير قبل أستخدم الغلاية ....كنا ميتين من الجوع لأن الفندق الثلاث نجوم مايقدم الا وجبة افطار قاعدين نستناها على احر من الجمر..

انا ورجلي اشترينا خبز توست وجبن للنباتيين من سينز بري...

قمنا ندهن ونبلع...وصلحنا قهوة وشاهي واكلنا وشبعنا ونمنا على لحم بطنا...:)

لما استيقظنا بكره وحنا سعابيلنا تقاطر بروح نفطر ...قمنا قبل الفطور من الشفاحة ...اي والله ...

نحسب انه فطور مكون من سوسج أو خبز مدهون بلحمة مفرومة أو شي من الحاجت اللي كنا نعرفها فيديرتنا...

اقله بيض وفول:)


ويوم ننزل وندور المكان حق الفطور وندخل وتستقبلنا راعية الفطور لبنانية ياحياتي ماتعرف انغليزي...

وان ااطالع....واخذ صحن...وياخذ ابونا صحن...

وين الفطور؟؟؟


....



....




....




...








وهي تجي تأشر لنا على كوروسنات مصفووفة مع كعك تفاح وجيك عصير تفاح وجيك عصير بردقان وجيك حليب...وكورن فليكس...:)


قالت هذا الفطور...تبون كوكد (مطبوخ) اطلبوا بعشرة باوند...


قلت اييييييييييييييييييييييه ...اجل ذافطورتس ؟؟؟


قالت ايه ....واحمدي ربتس بعد ...تراتس ببريطانيا...



اخذنا كروسانة...وكيكة...وكاس عصير...


وصبت لنا كوفي وشاهي...اكلناه وحنا ساكتين..

رجلي متحطم ...بمعنى كلمة متحطم...


لأنه كان يحلم طول الليل بفطور مثل الناس...


اما انا فكنت شامتة فيه واطالعه واقول :


ثلاث نجوم...ها؟؟؟؟


:):):)



يتبع