بدّورة الحلوة :

والحق يقال يابنات ...انا عمري مادخلت سوق جمعة ولاسوق شعبي حتى بالسعودية.... مرتن وحدة رحت للحلة يوم اني اتقضى لعرسي نبي نشري ذهب ومير اطير بعقلي عن هكالشوفة وارجع للبيت قل ماابي ذهب ولاحلة ولابطحا... عاد يوم اني جيت برايتن والقى سوق جمعة؟؟؟؟:) رجلي فتنته الأسواق الشعبية من الله خلقه....ومايحب يوم الاحد في برايتن الا عشان هالسوق المروح اللي تمشى به الناس مع تسلابها وقطاوتها... وياكلون زي الغنم شيبس وقهوة وسندويش على كراسي ولا على العتب حق البيبان ولا الأرصفة... وكلن يمشي في حال سبيله..... عاد يوم نمر إما نشوف لنا مغني جوال ولا عازف جيتار...عاد الحق يقال هكاليوم لقينا واحدن يدق عود بس مهوب سعودي الظاهر انه تركي ولا تسان بغينا ننقط له :)... ونمشي رجلي فاتحن فمه معجبن بهالجو .....وان اامشي اكعكع واصرخ ...أما يمر جنبي تسلب... ولا أطا لي على شين وسخ...:) ولااشوف خلقن مروح ....:( واويليييييييييه.... عاد اليوم يقولون باتسر عيد الهولايين مدري هولويجين...اللي يحطون قرع على روسهم ويلبسون عبايات سود... انا احسبنه بالافلام يقولون عيد كل القديسين قال لي رجلي لا مهوب كل القديسين.... القديسين يلبسون اسود وقرع ويمسكون شوكة...؟؟ هذا عيد الشياطين!!!!!!!!!!!!!!!!!!!!!!! قال لاطول الله عماركم الشياطين معيّدتن عندكم كل يوم تحطون لها عيد ؟؟؟ قلت طيب ياطويل العمر أجل باتسر يبي يصير عطلة قال لا مايحطون لابليس عطلة... قلت ايه حق انه لو عطّل تسان الناس بخير....!!!:) ..............................يتبع......

والحق يقال يابنات ...انا عمري مادخلت سوق جمعة ولاسوق شعبي حتى بالسعودية.... مرتن وحدة رحت...

ام _الحلوين :

كملي الله يوسع صدرك مثل ما وسعتي صدورنا وترا من كثر معاصيهم حتا الشياطين لهم عيد

كملي الله يوسع صدرك مثل ما وسعتي صدورنا وترا من كثر معاصيهم حتا الشياطين لهم عيد