ام عمار ماقالت لك كم المده اللي تحتاجينها ؟؟

طولي 157
وزني كان 78.5
الاخصائيه وجدان 
النزول اللي ابغاها 13.5 
يارب انزولها كلها بصحه وعافيه و سهوله 

قالتلي على حسب جسمك بس غالبا قالتلي بالكتير شهرين

هيا حتحطني ع ستب 2 الاسبوع الجاي يعني الشغله فيها حررمان اكتر

الله يعيننا ياررب

والله اليوم انا مرررا مستائه ليش مدري

حاسه بإحبااط شديد

انتي قالتلك في قد ايش يبغالك ؟؟؟

لا ما قالت لي بس بإذن الله اسألها الزيارة الجايه لان الاسبوع الاول نزلت بسرعه بس دا الاسبوع غير
أنا ع ستب ٣ عندي و جبتين من البيت الفطور والغدا و فاكهه و وجبتين كامبردج
انت كيف ستب ٢ ؟؟

بنات أنا حدخل في الأسبوع الثالث ،،
تقول الأخصائية اني كنت 78 كيلو و طولي 164
لازم انزل 12 كيلو دهون
اعطتني ستب 2
بدلت لي اللبن بالفاكهه برتقال او تفاح بسبب اني اخذ جلوكوفاج حبه في اليوم يساعد في تنظيم الهرمون فخافت يصير عندي هبوط

كنت ما اقدر اكمل 3 وجبات في اليوم ومو كل يوم أقدر اشرب الكميه المطلوبه من الموية

اول يومين مشيت بالحذافير بعدين بدأ التخبيص ،، اكل شريحة كيك العائله مره في اليوم لو حسيت مرررره بالتعب ،، او ملعقة وحده بس رز !!
و برنامجي المفروض مافي رياضة بس مشيت صراحة و مرتين العب لاتيني مع ان رجلي فيها تمزق و المفروض ما اسوي رياضة و برنامج 2 اصلا بدون رياضة


اللي سار كذا

نزلت نزول كبير في أول اسبوع وصرت 72.9 ماشاء الله لما رحت المراجعه تفاجأت ..
(انا كنت احسب اني بديت معاهم ووزني 74 فاجأتني انه 78 ماشاء الله )
قالت لي ممنوووووووع تخبصي و تاكلي لقمه من هنا و لقمه من هناك ولو مره وحده في اليوم
و ممنووووع ما تاكلي الوجبات كامله في اليوم
و ممنوووووووع ما تشربي مويه لأن نزل من وزني كميه مياه
و ممنوووووع الرياضة .. لأن اللي حصل اني نزلت من العضلات كمان و المفروض التركيز كله يكون على الدهون
و طول الأسبوع اللي راح ما تزحزحت بين 71.1 و 72.9 طالعة نازلة !!

عندي غثيان و كآبه من الأكل ونفسيتي تعبانه و بس خمول و ابغا انام

بالنسبه للاكل اللي عجبني

١- كابتشينو اكثر شي ناسبني
٢-ملك تشيك شوكولاته بارد بالثلج
٣-بودنق التفاح و القرفه و نصييييحه دخلوه في المكرويف دقيقه راح يتغير الطعم والقوام 180 درجه
٤-وشوربه الدجاج
٥-ثم الخضار

و انا بيني و بينكم قرفت من الشوربات نهائيا
ولو فكرت أكمل راح اخذ بس ملك تشيك و بودنق تفاح !!

سمعتكم تقولون شوربه تشيلي ، ما مرت علي نهائي

سؤال مههههههههههههم
صحيح لو بتسوي الملك تشيك حار تستخدمي نص الظرف ؟؟ يعني يكفي الظرف وجبتين ؟؟؟
ضروري لأن الكبتشينو ما حبيته بارد

ترا فيه نكهات جديده نزلوها للشيكز ..

انا حوقف لأن ميزانيتي ما تسمح و اعطتني في فتره التوقف ستب 3 مشي عليه و ابدل الوجبات حقهم بالحليب قليل الدسم ،، مشكلتي القولون يا بنات مو مساعدني ابدا :( المفروض ما يكون عند امساك ابدا و انتم بكرامه عشان تتفرغ السموم و خايفه من الترهل لأن صدري و بطني افخاذي كبيرين مقارنه بباقي جسمي و حتاج اشدهم ( الله يرحم ايام المانيكان و مقاس M ) وجهي و منطقه المؤخره للأسف أول شي نزلوا فيا :(

أدعوا لي يا بنات والله تعبت بس لازم أكمل حتى لو بنفسي ف البيت قدامي المشوار طويل عشان اوصل 60 او اقل حد 62 ... دعواااااااتكم