بلوره الله يوفقك ويسدد خطاك حبيبتي تستاهلين كل خير

السلااااام عليييكم ي احلى رششيقات (:
كيفكم مع الدايت ^^
المهم أنـღـآ اليوم كان عندي موعد
دخلت اقيس وزني وقلبي يطربق ههههههه
بالاخير الاقي وزني ناقص 900جرام هذا وانا امشي 45دقيقه هئ هئ
والعضلات زادت )؛ تحطمت بس الله يسعدها دكتورتي وجدان
عسسسسسسسسسسل مرة مرة شجعتني عشان الدورة كمان
لخبط نزول وزني يلا ربي يعييننا ونتخلص من الوزن الزايد بالعافية 😍😍
وكمان عطتني اليوم وجبة مفتوحه ووووناسه بس سبحان الله اكلت
قلييل وشبعت ههههههههه ماتخيلت اكلي كدا قليل
الحمدلله يارب ()

بلورة جزاك الله خير ع النصاااايح 😍😘

يلا مييين كمان اليوم كان عندها موعد العصر ^_^ يمكن شفتكم (:

مساءكم وصباحكم فل

اول حاجة روعة الحماس وحلو انه نشجع بعض
ثاني شئ الرائعة بلورة الاسم ماله والله اي مدلول عندي بس أتذكر من سجلت بالمنتدي من سبع سنوات كنت اقرأ عن الارمله السوداء اللي هي العنكبوت فعجبتني القصة ومن الحماس اخترت الاسم هههههههه

بكرا النكد بكرا بكرا النكد بكرا جالسه اغني لحالي واغنيلكم بكرا موعدي 2الظهر الوزن انا عارفة أني نزلت لكن مش عارفة كم النسبة بس الأكيد مش كثير
لأني اليوم خبصت بالمواعيد لأني ماصحيت من النوم الا 3الظهر
وهاتك لخبطة بمواعيد الأكل صح ما خربت وماشيه على الموجود بس مدري ليه مش مبسوطة

وغير كذا سفري يوم السبت وما اعرف بكمل دايت ولا اخربة في السفر
وغير كذا كمان امس بدأت أخد ياسمين عشان ما أبغى الدورة تجيني وانا مسافره والدورة موعدها الأسبوع الجااااي

على فكره امس غيرت في الوجبات من المركز بس الفانيليا خلصت

وبالنسبة للطعم بصراحة ما أشوفه سئ بالعكس مقبول جدااااا جداااا
بس يعتمد على الإحساس اللي نعطية ل انفسنا انه هذا شئ صحي ولذيذ وبدون القرف اللي الوحدة أحيانا تحسس نفسها أنها مجبورة ومغصوبة
وترى الموضوع اذواااق انا ما حبيت شوربة البطاطس مثلا ومره مره حابة العدس أو اورينتال شلي سوب
المهبلية ماذقتها لأني أصلا ما احبها

اكثر حاجة يحتاجها هالدايت هو تنظيم الوقت والموية والانضباط
انا بس خرب تنظيم الوقت حاسة انه أموري تلخبطت