شمسوة:
حياج الله معانا وتشيلك العين قبل المكان وانشالله سايرين مع بعض لدرب الرشاقة

SoSoEl7eLwA:
حبيبتي لاتشكريني على واجب وشوي شوي على المصروف أخاف بعد ما تصرفينه تدعين علي وحبيبتي صدقيني مسألة المكافاة وايد مهمة ووايد اتشجع وبالذات لما تشترين شي اصغر من سايزك او تكافئين نفسك بوجبة في مطعم اتحبينه لما اتخلصين اسبوع من الالتزام جربي هالطريقة بعد الالتزام بالرجيم كل اسبوع وشوفي نفسك اشلون راح تتشجعين راح تنتظرين يوم الجائزة وتبذلين كل جهدك عشان الجائزة وبنفس الوقت راح اتلاقين انك خسرتي كل الوزن الزايد

narima:
نورتينا حبيبتي وكويس انك طمنتينا عنج وانشالله كل ايامك خضرا والله يخلي لج زوجك واولادك وكلام زوجك هذا اكبر دليل على الكلام اللي قلت لك عليه فلازم تخلي بالك من نفسك ومن وزنك عشان ما تخسرين زوجك لان الرجال بطبيعتهم ايشوفون زوجاتهم في تغيير مستمر فحالي دائما وبين فترة والثانية بتغيير شكلك تسريحة شعرك ومكياجك لون شعرك وراح الاحظين الفرق في معاملة زوجك لك ولا تخليين جلوسك بالبيت عذر للمتن انه راح احكي لك حكاية صغيرة عني انه عندي 3 عيال بعد ولادة ابني الثاني قررت اني استقيل من الدوام واجلس بالبيت وكل اللي بالدوام معاي قالوا لي بعد الجلوس في البيت راح اتصيريين فيل وخليت هالكلمة في بالي وقررت اثبت لهم العكس وبعد فترة النفاس والراحة بديت بالرجيم والرياضة وطبعا كان عندي وقت اضافي لاني بالبيت ما اشتغل فسجلت في نادي صحي ونزل وزني وصار جسمي روعه ورحت لهم الدوام والكل فتح عينه قلت لهم شفتوا قعدت البيت شنو اتسوي فلاتخليين جلسة البيت شماعه الغلط فينا في طريقة اكلنا مو في جلسة البيت فخلي كلام زوجك دافع لك عشان اتحققين اللي انتي تحلمين فيه اولا وترضين زوجك وتحافظين عليه من الفضائيات والنساء اللي يصيدون الرجال في الماء العكره لانه راح يلاقي كل اللي يطلبه بالبيت فما راح يفكر في برة ابدا والله يخليكم لبعض ولا يحرمكم من بعض ويحنن قلب زوجك عليج ويحنن قلبك عليه ويدوم هليكم الحب والسعادة يارب

ساروونة:
العفو حبيبتي وكلنا نتعلم من بعض اما عن رجيمي حبيبتي انه من النوع اللي ما يحب يتقيد برجيم معين لاني من النوع الملول فاختار كل يوم بيومه والحمدلله النزول مرات1 او 2 او 3 كيلو بالاسبوع على حسب الاكل وما احرم نفسي من شي ابدا بس كل شي بعقل يعني اذا خاطرك في شي اكلي منه بس قطعة صغيرة عن العين والنفس مثل ما يقولون انه فطوري 1 توست + جبن قليل الدسم او زبادي خالي الدسم او بيضة مسلوقه + كوفي بالحليب قليل الدسم
والغدا سمك او جاج او لحم مشوي او تونه في ماء + سلطة + توست
والعشا 2 توست مع جبن او لحم مشوي او كورن فليكس قليل الدسم او ذرة مسلوقة او همبرجر مشوي يعني أي شي رجيمي
وبين الوجبات اذا جعت آكل فواكه

El_Wafaa :
انشالله ايامج كلها عسل ياعسل وانشالله انشوف الوزن الحلو في نهاية المطاف

zuzu189:
حبيبتي أولا ابعدي الاحباط عنك ابتعاد تام لانه راح يخرب أي رجيم تبتدينه ابتدي الرجيم بفرح وروح معنوية عالية وثانياً انه ما سويت غير الواجب وودي افيد كل وحده من خواتي بالمنتدى لاني فعلا استفدت منهم وايد وثالثاً انه ماراح اعطيج رجيم ينزل الوزن 15 كيلو بالشهر لعدة اسباب اولا اللي ينزل بسرعه يرجع بسرعه وثانياً هذا النوع من الرجيم عادة يكون قاسي وفيه الكثير من الحرمان يمكن راح تلتزميين فترة بس انه متأكدة انج ما راح تقدريين اتكملين وراح تاكلين اضعاف الاكل وثالثا هذي الانواع من الرجيمات مو صحية وتسبب عدد من الامراض او اعراض جانبية وبما انك غالية عندي واخاف عليج فما انصحك بها وانه عندي رجيم عاجبني وهو من دكتور دزيته لج على الخاص انشالله يعجبك واذا محتاجة أي شي انه في الخدمة

طبرجل:
لا شكر على واجب حبيبتي وانشالله اتكون ايامج كلها خضرا وديري بالج على صحتج وعلى أكلج

عود معتق:
حبيبتي انه ما قصدت انه فيلة بس لو استمريتي على جذي راح اتصيريين فيله واللي فيج والحاله اللي عندج مو حاله جنون حبيبتي هذي حاله حرمان انه متأكدة انج اتطبقيين رجيم قاسي ومرات تحذفيين بعض الوجبات صح او لا؟؟ بنات نصيحة ابتعدوا عن رجيمات الحرمان لان هذي نتايجها مو مهم بسرعه تنزليين المهم تنزليين بصحة وبدون ما تحرميين نفسك من شي ولو انك قبل صحن اللقيمات شربتي كاس ماي وبعدها رحتي للصحن جان ما كلتي اكثر من قطعتين حبيبتي اخذي الرجيم على انه شي تحبينه وقاعدة اتسوينه عشان نفسك مو كانه عقاب تعاقبين فيه نفسك لانك بهطريقة ما راح تقدرين اتكملين الرجيم ابدا وحاولي تشغلين نفسك بشي عن الاكل سوي رياضة او اشتركي بنادي صحي واسال الله ان يوفقك وايانا اجمعين

عـطـرالبـوادي:
هلا بالورد والفل والعود والعنبر وريحة الطيب كلها نورت المسابقة برجوعك ومبروك على الوزن وانشالله الله ينولج اللي في بالج ويزقك الثبات والارادة القوية لان فعلا الفضل بعد الله لج في اللي انه فيه وكل هذا بفضل تشجيعك والمسابقة اللي تحمسنا أكثر وأكثر والله يوفقك دنيا وآخره ويجعل ايامك سعادة وفرح ويبعد عنك الهم والحزن

البغدادية:
مبروك على الايام الخضرا والله يجعل ايامك كلها خضرا انشالله

لملومه:
حبيبتي لا تشكريني على شي وانه اتشرف اني اكون رفيجتك دنيا وآخرة والله يجمعنا في الخير دايماً وحبيبتي بالنسبة لوزني انه كنت 76 والحين 60 وانشالله ناويه انزله الى 57 كيلو وهو الوزن المثالي بالنسبة لي وانشالله معاكم ومع تشجيعاتكم نوصل للمطلوب وحبيبتي هذا الوزن انه ما نزلته في شهر او اسبوعين لا كان في 5 شهور يعني الموضوع يبي له صبر وارادة وانه كان ممكن انزل في فترة اقل بس انه بين فترة والثانية كنت اخبص لاني ما ابي احرم نفسي وبعديين اخرب كل اللي بنيته والحمدلله مرتاحه وراضية عن النتيجة اللي حققتها وملابسي كلها وسعت وصرت البس مقاسيين اصغر من مقاسي السابق وفعلا الرشاقة صحة بس اهم شي الصبر والارادة وانج اتحبين الشي اللي اتسوينه وتبذليين طاقتج في تحقيقه وانشالله انتي قدها وقدود والايام راح تثبت لج انج قادرة اتحققينها بس اهم شي انوي وتوكلي على الله

anime:
الف مبروك على الوزن الجديد وانشالله نزول هالوزن يكون اكبر دافع وتشجيع لج لتقوية الارادة ويارب تنزليين كل الوزن الزايد

الفاتنةنوره:
حبيبتي دام عندك هالعزيمة والارادة القوية كملي معانا لا تخليين الايام تمر بدون أي نتيجة خلينا مع بعض انشجع بعض ترا نزول الوزن حلو والاحلى لما اتشوفيين احد وايقول لج واو ضعفانه شنو هالجسم الحلو

ام احمد العسل:
حبيبة قلبي أم أحمد الله يخليه لج ويطول بعمرج وعمره ومبروك على الايام الخضرا بس ما قلتي لي جم صار وزنك ؟؟؟ منو سبق انه او انتي انه الحين وصلت إلى 60 وشخبار التمارين معاج ؟؟ انشالله هذي المسابقة تكون النهاية بالنسبة لنا ونوصل للوزن المطلوب فيها

^^بنت الكويت^^:
هلا بعد عمري والله انتي وحشتينا أكثر وفقدناج حيل بس ليش الايام الزرقا انتي تعبتي وايد لاتضيعيين تعبج وانششالله ايامج الخضرا ترجع واتفرحينا فيها

الجميلة النائمة:
أهلا بعودتج الى عالم الرجيم والرشاقة وانشالله توصلين للوزن المطلوب

al_s7r:
الله يساعد وتنحفين بس اهم شي انتي شدي حيلك وانشالله راح تلاقين النتيجة المرضية

همبرغر:
حبيبتي انه خلاص بطلت النطنطة لاني شريت جهاز مشي بالبيت صراحة اخاف احد من الجيران يشوفني ويقولون اشفيها جارتنا جنت ههههههه بس صدقيني ركوب ونزول الدرج مفيد جدا وخاصة للارداف واصلي عليها بس لاتكثريين عشان الركب والحين جا وقت التشرشح انتي اللي طلبتي تحملي مو فوتنا لج يوم قلتي خلاص اخذها كل يوم شوفي نفسك بالمرايا شنو هالمتن شنو هالوزن الزايد شنو هالزوايد اللي بالجسم حرام عليج مو كفاية اللي عندج عشان اتزيدينهم خلاص وقفي اكل لي متى راح تاكلين كل ما شفتي شي كلتيه اخاف يوم واحد تاكلين زوجك من اليوم ورايح راح نقفل المطبخ بالمفتاح عنج لان توجد مفجوعه بالبيت مو مخليه لاهلها اكل وعقابا لج راح اتنطين على الدرج لمدة ربع ساعه عشان تحرقيين اللي كلتيه واذا عدتيها مرة ثانية راح اخليها نص ساعه نط على الدرج ليما ينشف ريجك وما تعيدينها مرة ثانية ...خخخخ انتي طلبتي تشرشح تحملي بس مو تزعليين بس راح اتطبقين العقاب

حبيبة البحر:
الله يثبت فيج ويجعل ايامج كلها خضرا انشالله

فاتنة الحي:
مبروك على الاخضر انشالله دوم

SHY G!RL:
حبيبتي الحمدلله طمنتينا عليج والله يردج بالسلامة انشالله واحيي فيج الارادة القوية مع ان كثير منا لما نسافر نخبص تخبيص بس الله يثبت فيج وتخبيص يوم واحد مو مشكلة انشالله اتعوضينها الايام اليايه بس اهم شي لا تخليين الارادة القوية اللي عندج تضعف

راجية رحمة ربي:
الله يرزقك الصحة والعافية بس ديري بالج من الرجيمات السريعة وكويس انك تاخذين فيتامينات بس بعد ديري بالج على صحتك ترا الصحة لاتعوض وانشالله تنزليين كل الوزن الزايد

human:
الله يخلي ايامك كلها خضرا

amal-el7elwa:
حبيبتي تولدين بالسلامة انشالله والله يرزق بالذرية الصالحة انشالله وانشوفك سالمة مع البيبي والحين لاتفكريين بالرجيم اهم شي ديري بالج على صحتك وكل شي لاحقه عليه

** المُحبّة للخير **:
شخبارك حبيبتي انشالله ايامك خضرا

savage:
هلا بيج حبيبتي بينا والله ينولج اللي في بالج بس تحذري من الرجيم الكيميائي لانه خطر جدا على الصحة

بريئة جدا:
هلا حبيبتي حلوة فكرة الاخضر وانصحك طبقيها عشان دوم ترتفع معنوياتك

رحوبة:
العفو حبيبتي وانشالله تواصليين الرجيم بدون انقطاع هالمرة عشان اتحققين هدفج وتوصليين للوزن المطلوب

الحمد لله


يومي كان خضوري

احذروا النزول السريع !!!

هل نزول الوزن بسرعة وبشكل مفاجئ له مضاعفات؟؟؟

نعم .. إنقاص الوزن بسرعة وبشكل مفاجئ له الكثير من المضاعفات مثل:

- الفتق السري والأربي: فالنزول السريع يؤدي إلى ضعف وترهل عضلات البطن مما يسبب حدوث فتق، بعكس النزول التدريجي.
- تكوين حصيات المرارة مع حدوث الالتهابات بها: فنزول الوزن بسرعه يؤدي إلى زيادة الكوليسترول المترسب على جدار الحويصلات المرارية مهيئاً الفرصة لحدوث الحصيات والالتهابات، هذا بالاضافة إلى قلة تناول الدهون في الرجيم التي تعتبر المنبه للحوصله الصفراويه لافراغ محتوياتها، فتزيد الفرصة لتكوين الحصيات.
- حدوث القرح المعدية وقرح الاثنى عشر: حيث يعتمد الرجيم القاسي لانزال الوزن بسرعه على عدد قليل من الاطعمة، مع زيادة في النشاط والحركة والرياضة، مما يجعل الاحماض والعصارة الهضمية تؤثر مباشرة على جدار المعدة والامعاء الفارغتين لفترة طويلة فتحدث القرحة.
- سقوط بعض الاعضاء الداخلية مثل القلب والكلى، والتي تحمى بطبقات داخلية من الدهون

هذا بالاضافة إلى القاعدة التي تقول : من يتخلص من وزنه بشكل سريع يستعيده بشكل اسرع...

فالاعتدال مطلوب في كل شي ومن الرجيمات ما أدى إلى الوفاة

السلام عليكم ,,,
الف مبروك للاخوات اللي نحفوا وعقبال الباقيات.

انا حبيت اسألكم عن ريجيم الكربوهيدرات مين سمعت عنه او حتى جربته او تعرف احد جربه لاني الصراحه ودي ابدأ فيه وهو مدته 9 اسابيع ويقولون تنزلين 30 كيلو.


اتمنى منكم الرد .

امسسسسسسسسسسسسسس الاحد كان يوممممممممممي


أخضر + رياضة لمدة ساعة ونصف على الجهاااااااااز

اليوم : الاثنين يومي اخضر ان شاء الله

الريوووق : نص خبز رقاق + 1 جبنة مثلثات فقط

الغدا ان شا ء الله سلطة + روب

العشاااااا : لا اعلم بس ان شاء الله خفيف

+


رياضه