بسم الله الرحمن الرحيم

الغاليه ام احمد العسل والله فقدناك

والكل عارف انه في الاجازة الكل يكون مشغول في الطلعات والسفر
ويمكن انك انشغلتي في زيارة او حفله

والغايب عذرة معه

لاتزعلين وتأكدي انك دائما على بالنا:21:

بعض المعتقدات الخاطئة

عصير الليمون الهندي ( الغريب فروت ) يذيب الشحم في الجسم

خطأ إن الرياضة مترافقة مع نظام غذائي منحف وحدها تزيل الشحوم من الجسم



الخبز الأسمر يحتوي على سعرات حرارية أقل من الخبز الأبيض

خطأ الخبز الأسمر غني بالألياف المفيدة لعملية الهضم ولمكافحة الإسهال ، يمكن أن يعطى إحساساً بالشبع أكثر من الخبز الأبيض



الخبز المحمص أو التوست يحتوي سعرات حرارية أقل من الخبز العادي

خطأ، إن الخبز المحمص فقد الماء فقط ، لكن مكوناته هي نفسها مكونات الخبز العادي.



الإكثار من شرب الماء يساهم في الخسارة من الوزن

خطأ إن شرب الماء ضروري لتامين وظائف شتى في جسم الإنسان ، لكنه لا يساهم في خسارة الوزن الزائد ، لكنه يعطي إحساساً بالشبع



إن النشويات في الخبز و الأرز والحبوب تزيد من الوزن ، على عكس البروتينات في اللحوم والدجاج والبيض

خطأ ، إن النشويات والبروتينات تتساوى من ناحية نسبة السعرات الحرارية ، كل غرام من النشويات أو البروتينات يعطي 4 سعرات حرارية ، إنما تحتوي اللحوم بالإضافة إلى البروتينات على نسبة من الدهنيات ، فلحم الغنم على سبيل المثال يحتوي على سعرات حرارية أكثر من الخبز.

يومي كان أزرق ما ادري وش فيني يمكن عين وصابتني مو قادرة أكمل الرجيم الكل ايشوفني ما يصدق اني ضعفت جذي والكل يقول لي خلاص راح تختفيين مع اني ليما الحين ما وصلت للوزن المثالي ادعوا لي يابنات اقدر اواصل اليوم مع اني اشك لان عندنا عرس باليل الله يستر

magi_ines:
حبيبتي الف لا باس عليج وما تشوفيين شر وحمدلله على سلامتج وسامحينا على القصور بس والله انج بالبال والقلب والف مبروك على عودتك للرجيم وتحية مني لزوجك يا بختك فيه الله يتم عليكم السعادة انه زوجي عكس زوجك ودة يتخني بأي طريقة وهالايام طايح فيني تزغط بالاكل واذا ما أكلت يزعل وانه عشان ما ازعله آكل وأيامي اللي فاتت حمرا وزرقا بس انشالله راح أحاول أخفف بدون ما يحس لانه مشكلتي انه ويهي ضعف حيل يعني مو باقي في وجهي غير الخشم خخخخخخخ بس هو عاجبه جسمي وايد بس وجهى راح

أنسام الربيع:
حبيبتي الف مبروك على الوزن الجديد الله يدوم عليج هالفرح وهذا دافع كبير لج على انج تواصليين بإرادة حديد وعزيمة قوية عشان توصليين للوزن المطلوب والله يسهل عليج كل صعب انشالله وتحققين كل اللي في بالج

* عـطـرالبـوادي *:
حبيبة قلبي والله نورتينا بهالطلة ومشكورة على هالكلام الرائع وانه ما سويت غير الواجب لمساعدة نفسي ومساعدة خواتي ومبروك على نزول الوزن الرائع الله يدومه عليج بصحة وعافية وحبيبتي بالنسبة للريداكتيل صراحه روعه بس انه استخدمت 15 بدل 10 وهي وصفة من اخصائية التغذية اللي اروح لها ويعطي إحساس بالشبع وتغصبين نفسك على الاكل بس انه كنت احس معاها بالارق ما كنت اقدر انام كويس بس هي فعلا ممتازة لسد الشهية والاحساس بالشبع بس اضطريت اوقفها لان زوجي مو راضي استخدم ادوية او رجيم فقاعدة احاول اخفف هالايام وانشالله نوصل معاكم للوزن المطلوب

ساروونة:
حبيبتي سارونة مبروك على اليوم الاخضر وانشالله الايام الجاية كلها خضرا واعتقد انك وصلتي للوزن المطلوب فالافضل انج اتخففين من الاكل بدل الرجيم القاسي مع الرياضة عشان ينشد جسمك ويصير اروع

العاش...:
حبيبتي الف مبروك على نزول الوزن وانشالله الله ينولج الوزن اللي تحلميين فيه بس حبيبتي ديري بالج على صحتج وديري بالج على اكلج لاتخليين هوس الرجيم ينسيج صحتج ترا صحتج عندنا بالدنيا ولا تنسين ان اللي ينزل بسرعه يرجع بسرعه واتمنى لج ايام خضرا مشعه ونزول وزن اروع

حبيبة الإمارات:
حبيبتي هلا وغلا بيج بينا والف مبروك على نزول الوزن وهذا اكيد راح ايزيد من اصرارك على مواصلة الرجيم بدون ايام حمرا للوصول للوزن المثالي وانشالله انشوفج بالجسم المانيكان

human:
إنشالله اتكونين راضية عنا حبيبتي وانشالله توصليين للي تلميين فيه والله يوفقنا وياج

ام احمد العسل:
حبيبة قلبي وعمري أم أحمد ما راح اتصدقيين اشكثر افتقدتج وكنت اليوم راح ادز لج رسالة على الخاص اسال فيها عن احواج لاني فعلا فقدتج بس انتي سبقتيني وسامحيني حبيبتي اني ما ارسلت لج قبل جذي بس لاني كنت اشبك سريع من الدوام وارد على البنات وافصل وبالبيت مع الاولاد والاجازة ما في وقت بس صدقيني كنت مقررة اليوم ادز لج على الخاص بس ولد الحلال عند ذكره وحبيبتي بالنسبة للرجيم فيه كثير رجيمات تنحف 3 او 4 كيلو بالاسبوع بس يبي لها قوة ارادة وصبر لان فيها حرمان كثير واذا عندج هالارادة انشالله راح اساعدك في الحصول على واحد منها بس ما انصحك فيها او اذا بتطبقينها لا تطبقينها اكثر من اسبوع عشان ما يأثر على صحتك وانتي على وشك سفر وحاولي اتزيديين من ممارسة الرياضة او الرقص لانها الوسيلة الافضل لشد الجسم ونزول الوزن السريع والصحي وانشالله اتروحيين واترديين لنا بالسلامة واتمنى ما تكونين ما خذه في خاطرك علينا وسامحينا على القصور بس والله انج بالقلب ولج معزة خاصة عندي وماراح اسامح نفسي اذا زعلتي علي.

كهرمانه منمشه:
مبروك على نزول الوزن وانشالله فات الكثير ومو باقي غير القليل انه وزني كان مثلك بعد الولادة والحين واصل بين 61 و60 وودي ينزل إلى 57 انشالله تتحقق احلامنا وانصيير عارضات ازياء (في بيتنا ولأزواجنا بس)

وحده من الناس:
اهليين حبيبتي واحنا بعد اشتاقينا لج وايد وايد على قوله اخوانا المغاربة بالزف بالزف وانشالله راجعه هالمرة لنا وكلج حيوية ونشاط وحماس بعد السفر واتنزليين هالشحوم والدهوم من الجسم وانشوفج منيكان ولابسه أحلى لبس ومخصر بعد ولا شرايك

لول:
حبيبتي الف سلامة عليج وحمدلله على سلامتج ومراحب بعودتج لنا سالمة وانشالله تزليين كل الكيلوات الزايدة وتوصليين للوزن المطلوب وتتحقق احلامج

habhoba:
حبيبتي اذا ما عندج وزن زيادة ما انصحك بالرجيم اذا ودج تتخلصيين من الارادف والبطن حبيبتي عليج برياضة المشي نص ساعة او ساعة يومياً وتمارين البطن للبطن وهذي راح تعطيج شد وجسم روعه واتركي الرجيم لانه راح ينحف لج جميع اجزاء الجسم وبالذات الوجه انتي لازمك رياضة بس لشد الجسم والله يوفقك انشالله

لملومه:
حبيبتي اهنيج على الارادة القوية ما شاء الله عليج الله يثبت فيج انشالله وتوصليين بعد التعب للراحة انشالله وتوصليين للوزن المطلوب وتلبيسيين اللبس اللي تحلميين فيه وانشوفك احلى البنات

فاتنة الحي:
الف مبروك على الايام الخضرا الله يدومها عليج انشالله وتحققين النزول اللي يسر خاطرج واتشوفيين الوزن اللي تحلميين فيه على الميزان وتفتحيين عينج واتقوليين ما ني مصدقه قولي آمين

zuzu189:
أهنيج على اختيارك الرجيم المثالي والصحي لان الرجيم الصحي المفروض ما تقل سعراته الحرارية عن 1000 سعرة حرارية يومياً وطبعاً اذا كانت مع رياضة راح اتحققيين كل اللي في بالج وتوصليين للوزن المثالي مع جسم مشدود وروعه

al7beebah:
حبيبتي مبرووووووووك على الاخضر انشالله دوم الله يزيد الايام الخضرا بينا

^^بنت الكويت^^:
حبيبتي وحشتينا موت وافتقدناج حيل لاتطوليين علينا مرة ثانية تراني استمد قوتي منج وحبيبتي انتي تعبتي حيل عشان اتنزليين الوزن الزايد حرام تعبج اتضيع ماشاء الله عليج كانت ايامج كلها خضرا وانشالله من اليوم ما نبي انشوف الاحمر الله يجعلها كلها خضرا انشالله وانشوفك بالجسم والوزن الحلو ومبروك على اول يوم اخضر وترا اصعب يوم اهو يوم البداية بعدها كل شي ايكون سهل بإذن الله وانشالله تتواصليين معانا دايما بدون انقطاع

زمردة 100:
مبروك على الاخضر وانشالله يجعل ايامك كلها خضرا يا احلى زمردة

*بنت الخطاب*:
مشكورة على كلماتج الرقيقة لام احمد وانشالله ما تكون زعلانة منا وانتي بشرينا عن ايامج انشالله خضرا

هلا بنااااات وحشتوووووني

شلونكم

الحمدلله ايااااامي كانت خضـــــرا

طولي:175
وزني كان 85 والحين الحمدلله 79

والمطلوووب وان شاء الله يتحقق 57


:26: :26: