مشاكل ابني تؤثر على علاقتي بزوجي ؟؟

السلام عليكم ورحمة الله وبركاته ..,,,

انا عندي ولد عمره سنتين ونص .. شقول لكم عنه ؟؟
هو ذكي.. محبوب من الجميع ..جميل .. سريع البديهة .. خفيف دم ..

لكن مشاكله كثيييييييييييييرة ...

حركي وااايد... اتلاقينه ما يركد ويجلس في مكان واحد لمدة ساعة ؟؟
ويحب يعفس ويقلب المكان فوق تحت يعني انظف اعدل المكان ما ارجع له الا مقلوب وسخ وغير مرتب ..
اذا بغيت ابدله انظفه احممه ... تقوم القيامه .. هو يركض وانا وراه ..
اذا بغيت اطلع معاه ما يرضى يمسك يدي ويجري في المكان حتى لو كان في الشارع .. يبغي يلفلف ويتجول على كيفه .. وكم مرة يضيع مني ..
عنييييييييييييد وراسه يااااابس ... اللي يبغيه ايحصله ايحصله ..
تعلم هالايام يقول كلام وسخ .. مثل ( حمارة ..خايسه .. زفته ..كريهه )
ما يحب الاكل وعلى طول حليب ..


وهاذي المشاكل اللي ذكرتها سببت بمشاكل بيني وبين ابوه .. من كثر مشاكله .. صارت حياتي تتمحور حوله وبديت اهمل ابوه ولا اعطيه اهتمام مثل قبل .. اثر على علاقتي مع ابوه مثلا لما يرجع ويشوف البيت وسخ وغير مرتب .. يحط اللوم علي لاني اخليه على كيفه وما انتبه له .. ؟؟؟ مع اني انظف طول الوقت .. هذا مثال ..
مثال ثاني .. الكلام البذي .. لما يسمعه ابوه يقول هالكلام يعصب عليه ويضربه ويحطني بالنص بينهم .. كل من اخوج الصغير علمه .. ؟؟ يعني يلومني ؟؟ انا ؟؟
بعد مثال .. اذا بغينا نطلع نروح مجمع او السوق او الالعاب .. او الحديقة او اي مكان تنقلب الطلعة في الاغلبية الى كدر ونجره وهواش ؟؟ ليش ....؟؟ بسبب ولدي .. لانه ما يقعد مكانه وعلى طول يركض بروحه واحنا وراه .. يادوب نمسكه من يده .. اذا لفينا راسنا يمين ولا شمال هج تقولين اصخله هاربه؟ هذا غير انه يضيع مرات منا ؟؟ واتصير المشاكل والهواش بينا ؟؟

والله اني اكتب لكم والعبرة والخصة تخنقني ... تونا راجعين من مجمع .. وراسنا دار وياه .. وضربه ابوه وانا ضربته وضرب قاسي جدا ولا على الراس بعد ؟؟ شسوي يادوب متضايقة منه ومن تصرفاته ؟ ويا دوب زعلانه عليه .. لان احنا بدينا نعامله بقسوة ونضربه .. لان الدلع وياه ما يفيد ؟؟!!

شورو علي شسوي وياه والله ان الضغط والقلب بيجيني منه وانا بعدي صغيرة ما شفت دنيا .. وترى هو البكر عندي .. :( :( :(

اللحين هو نايم ومو قادره حتى اطالع في وجهه ؟؟ كاسر خاطري حيييييييل وودي اصيح من الالم والقهر ؟