عزيزتي هاي مشكلة أغلبيتنا ما شاء الله عليهم ما يقعدون مكان واحد
إنتي إذا ما شاء الله عليه يفهم حاولي تتخذين وياه أسلوب الثواب والعقاب وطبعا مو بالضرب مع إن أحيانا ما نقدر نمسك نفسنا عليهم ونضطر نضربهم وها للأسف اللي يزيدهم
لو عندج غرفة فاضية خليها لألعابه وخليه يلعب فيها لحد ما يتعب
سوي له نظام يعني كل شي بوقت مثل النوم والأكل واللعب
إذا سوا شي غلط امنعيه من شي يحبه وعلميه يعتذر إذا غلط وإذا اعتذر عطيه بوسة أو حضن قوي إنج مستانسة منه وشوي شوي بيهدا
ولا تنسين عزيزتي ترقينه وتقرين عليه آية الكرسي عسى الله يهديهم

omaaaa

الرقية ودعاء النوم
ممكن تكتبينهم مو حافظتهم ؟

مشكورة يا اختي بس بغيت اكتب لك الرد والا وهو يصيح .. رحت قريت عليه وغطيته ؟ بس شسوي احس نفسي مجرمه وقاعد اعذب طفلي بس والله من القهر واللي يسويه مو هين ؟
حتى هو تعلم الضرب!!!! كيف امسك نفسي عند القهر ؟

الامنيات الثلاثه ..

ترى اللي قلتيه كلللللللله اسويه له . يعني عندي عقاب وثواب .. ومنظمه وقته بين اللعب وبين النوم والاكل .. واحسه ما يحب النظام ولا يبي يرتبط فيه بس انا ما اخليه على كيفه ..

وعلى سالفة الاعتذار هو كلمة انا اسف على طول بلسانه حتى صارت ما لها معنى عنده ؟

والحضن والتبوس على طول بس اليوم بالذات اول مرة جذي ما سكت ؟؟ يا يصيح يا يتذمر يا يبغي يمشي اللي براسه

على العموم مشكورة يا عمري وبحاول اقرأ اللحين عليه الاية .. جزاك الله خيرا

بس بغيت من المشرفة طلب انها ما تنقل الموضوع لركن الطفل بعدين يغلقونه ؟؟

وعلى العموم انا سؤالي كالآتي ...::

اشلون اخلي علاقتي بزوجي ما تتأثر ؟؟ بهذه الاجواء ..؟؟ يعني بصراحه بعد ما ينام والارهاق والانهاك تااااعبني ما لي خلق لزوجي وما ودي حتى اني اني اقعد وياه ؟ ابغى افضى لنفسي .. اتحمم اقعد عالنت وانام ..........................وبس .! هذا اذا قدرت انام من ولدي ؟

أختي الكريمة ...

أدخلي هذا الرااابط وأبحثي كما تشاءين أو أكتبي لهم مشكلتهم
http://www.islamonline.net/servlet/Satellite?cid=1120165728989&pagename=IslamOnline-Arabic-Parent_Counsel/Page/ParentCounselA

أعانك الله